1 ໂກຣິນໂທ 7:12 - ພຣະຄຳພີລາວສະບັບສະໄໝໃໝ່

¹² ສຳລັບ​ຄົນ​ອື່ນ​ນັ້ນ ເຮົາ​ຂໍ​ກ່າວ​ຢ່າງ​ນີ້ (ແມ່ນ​ເຮົາ​ເອງ ບໍ່ແມ່ນ​ອົງພຣະຜູ້ເປັນເຈົ້າ) ວ່າ: ຖ້າ​ຊາຍ​ຄົນໃດ​ມີ​ເມຍ​ທີ່​ເປັນ​ຄົນ​ບໍ່ເຊື່ອ ແລະ ນາງ​ກໍ​ເຕັມໃຈ​ຈະ​ຢູ່​ກັບ​ລາວ, ລາວ​ຕ້ອງ​ບໍ່​ຢ່າຮ້າງ​ນາງ.

ພຣະຄຳພີສັກສິ

¹² ສຳລັບ​ພວກ​ອື່ນ​ນັ້ນ ເຮົາ​ກ່າວ​ດັ່ງນີ້​ວ່າ, (ບໍ່ແມ່ນ​ອົງພຣະ​ຜູ້​ເປັນເຈົ້າ​ກ່າວ) “ຖ້າ​ພີ່ນ້ອງ​ຄົນ​ໃດ​ທີ່​ມີ​ເມຍ​ເປັນ​ຄົນ​ທີ່​ບໍ່​ເຊື່ອ ແລະ​ນາງ​ພໍໃຈ​ທີ່​ຈະ​ຢູ່​ກັບ​ຜົວ​ນັ້ນ​ຕໍ່ໄປ ຜົວ​ກໍ​ບໍ່ຄວນ​ປະຮ້າງ​ເມຍ,”

1 ໂກຣິນໂທ 7:12 Jak'a apnaqawi uñst'ayäwi

1 ໂກຣິນໂທ 7:11

ແຕ່​ຖ້າ​ນາງ​ເຮັດ​ຢ່າງ​ນັ້ນ ນາງ​ຕ້ອງ​ບໍ່​ແຕ່ງງານ​ອີກ ຫລື ບໍ່​ດັ່ງນັ້ນ​ກໍ​ຕ້ອງ​ຄືນດີ​ກັບ​ຜົວ​ຂອງ​ນາງ. ແລະ ຜົວ​ກໍ​ຕ້ອງ​ບໍ່​ຢ່າຮ້າງ​ເມຍ​ຂອງ​ຕົນ.

1 ໂກຣິນໂທ 7:13

ແລະ ຖ້າ​ຍິງ​ຄົນ​ໃດ​ມີ​ຜົວ​ທີ່​ເປັນ​ຄົນ​ບໍ່ເຊື່ອ ແລະ ລາວ​ເຕັມໃຈ​ຈະ​ຢູ່​ກັບ​ນາງ, ນາງ​ຕ້ອງ​ບໍ່​ຢ່າຮ້າງ​ລາວ.

1 ໂກຣິນໂທ 7:25

ສ່ວນ​ຄົນ​ທີ່​ຮັກສາ​ຄວາມບໍລິສຸດ​ນັ້ນ ເຮົາ​ບໍ່​ໄດ້​ຮັບ​ຄຳສັ່ງ​ຈາກ​ອົງພຣະຜູ້ເປັນເຈົ້າ, ແຕ່​ເຮົາ​ຂໍ​ໃຫ້​ຄຳ​ຕັດສິນ​ໃນ​ຖານະ​ຜູ້​ທີ່​ເປັນ​ທີ່​ໄວ້ໃຈ​ໄດ້​ໂດຍ​ຄວາມເມດຕາ​ຂອງ​ອົງພຣະຜູ້ເປັນເຈົ້າ.

1 ໂກຣິນໂທ 7:27

ເຈົ້າ​ໄດ້​ໃຫ້​ຄຳໝັ້ນສັນຍາ​ກັບ​ຜູ້ຍິງ​ຄົນ​ໜຶ່ງ​ແລ້ວ​ບໍ? ຢ່າ​ຫາ​ທາງ​ຢ່າຮ້າງ​ເລີຍ. ເຈົ້າ​ເປັນ​ອິດສະຫລະ​ຈາກ​ຄຳໝັ້ນສັນຍາ​ດັ່ງກ່າວ​ແລ້ວ​ບໍ? ຢ່າ​ຊອກຫາ​ພັນລະຍາ​ເລີຍ.

1 ໂກຣິນໂທ 7:6

ເຮົາ​ກ່າວ​ຢ່າງ​ນີ້​ດັ່ງ​ເປັນ​ການອະນຸຍາດ ບໍ່​ແມ່ນ​ເປັນ​ຄຳສັ່ງ.

2 ໂກຣິນໂທ 11:17

ໃນ​ການອວດ​ຢ່າງ​ໝັ້ນໃຈ​ໃນ​ຕົນເອງ​ຢ່າງ​ນີ້ ເຮົາ​ບໍ່​ໄດ້​ເວົ້າ​ຕາມ​ແບບຢ່າງ​ຂອງ​ອົງພຣະຜູ້ເປັນເຈົ້າ ແຕ່​ເຮົາ​ເວົ້າ​ຢ່າງ​ຄົນໂງ່.