1 ໂກຣິນໂທ 4:6 - ພຣະຄຳພີລາວສະບັບສະໄໝໃໝ່

⁶ ພີ່ນ້ອງ​ທັງຫລາຍ​ເອີຍ, ເວລານີ້​ເຮົາ​ໄດ້​ຍົກ​ເອົາ​ເລື່ອງ​ຂອງ​ເຮົາເອງ ແລະ ອາໂປໂລ​ມາ​ເວົ້າ​ນັ້ນ ກໍ​ເພື່ອ​ຜົນປະໂຫຍດ​ຂອງ​ພວກເຈົ້າ, ເພື່ອ​ວ່າ​ພວກເຈົ້າ​ຈະ​ໄດ້​ຮຽນຮູ້​ຈາກ​ພວກເຮົາ​ເຖິງ​ຄວາມໝາຍ​ຂອງ​ຖ້ອຍຄຳ​ທີ່​ກ່າວ​ວ່າ, “ຢ່າ​ໄປ​ໄກ​ກວ່າ​ສິ່ງ​ທີ່​ໄດ້​ຂຽນ​ໄວ້”. ແລ້ວ​ພວກເຈົ້າ​ຈະ​ບໍ່​ອວດອ້າງ​ໃນ​ການ​ເປັນ​ຜູ້ຕິດຕາມ​ຂອງ​ຄົນໜຶ່ງ​ໃນ​ພວກເຮົາ​ເພື່ອ​ຂັດແຍ້ງ​ກັບ​ຄົນ​ອື່ນ.

ພຣະຄຳພີສັກສິ

⁶ ພີ່ນ້ອງ​ທັງຫລາຍ​ເອີຍ, ທີ່​ເຮົາ​ໄດ້​ນຳ​ເອົາ​ເລື່ອງ​ອາໂປໂລ ແລະ​ເຮົາ​ເອງ​ມາ​ກ່າວ​ເປັນ​ຕົວຢ່າງ ກໍ​ເພື່ອ​ຜົນປະໂຫຍດ​ຂອງ​ພວກເຈົ້າ ທີ່​ຈະ​ຮຽນຮູ້​ເອົາ​ຕາມ​ແບບຢ່າງ​ຂອງ​ພວກເຮົາ ຄື​ຢ່າ​ອອກ​ນອກ​ຂອບເຂດ​ພຣະຄຳພີ, ຢ່າ​ໃຫ້​ຜູ້ໃດ​ຜູ້ໜຶ່ງ​ໃນ​ພວກເຈົ້າ​ມີ​ໃຈ​ຈອງຫອງ ໂດຍ​ຍົກ​ຜູ້ໜຶ່ງ​ຂຶ້ນ ແລະ​ຂົ່ມ​ຜູ້ໜຶ່ງ​ລົງ.

1 ໂກຣິນໂທ 4:6 Jak'a apnaqawi uñst'ayäwi

ກິດຈະການ 18:24

ໃນ​ຂະນະ​ດຽວ​ກັນ​ນັ້ນ ມີ​ຊາວຢິວ​ຄົນ​ໜຶ່ງ​ຊື່​ວ່າ​ອາໂປໂລ, ເປັນ​ຊາວ​ອາເລັກຊັນເດຍ​ຕັ້ງແຕ່​ເກີດ, ລາວ​ໄດ້​ມາ​ທີ່​ເມືອງ​ເອເຟໂຊ. ລາວ​ເປັນ​ຜູ້​ທີ່​ມີ​ການສຶກສາ ແລະ ມີ​ຄວາມ​ຊຳນານ​ທາງດ້ານ​ພຣະຄຳພີ​ເປັນ​ຢ່າງ​ດີ.

ກິດຈະການ 19:1

ຂະນະ​ທີ່​ອາໂປໂລ​ຍັງ​ຢູ່​ທີ່​ເມືອງ​ໂກຣິນໂທ, ໂປໂລ​ໄດ້​ເດີນທາງ​ຂ້າມ​ເຂດ​ພູເຂົາ ແລະ ມາ​ຮອດ​ເມືອງ​ເອເຟໂຊ. ເພິ່ນ​ໄດ້​ພົບ​ສາວົກ​ບາງຄົນ​ຢູ່​ທີ່​ນັ້ນ

ໂຣມ 12:3

ເພາະ​ໂດຍ​ພຣະຄຸນ​ທີ່​ໄດ້​ໃຫ້​ແກ່​ເຮົາ ເຮົາ​ຂໍ​ກ່າວ​ແກ່​ພວກເຈົ້າ​ທຸກຄົນ​ວ່າ: ຢ່າ​ຄິດ​ປະເມີນ​ຕົນ​ເອງ​ສູງ​ເກີນກວ່າ​ທີ່​ຄວນ ແຕ່​ຈົ່ງ​ຄິດ​ປະເມີນ​ຕົນ​ຢ່າງ​ມີ​ສະຕິ​ຕາມ​ຂະໜາດ​ຄວາມເຊື່ອ​ທີ່​ພຣະເຈົ້າ​ໄດ້​ໃຫ້​ພວກເຈົ້າ​ແຕ່ລະຄົນ​ນັ້ນ.

1 ໂກຣິນໂທ 1:12

ໃນ​ສິ່ງ​ເຮົາ​ໝາຍ​ເຖິງ​ຄື: ຄົນ​ໜຶ່ງ​ໃນ​ພວກເຈົ້າ​ເວົ້າ​ວ່າ, “ຂ້ອຍ​ຕິດຕາມ​ໂປໂລ”; ຜູ້​ໜຶ່ງ​ອີກ​ເວົ້າ​ວ່າ, “ຂ້ອຍ​ຕິດຕາມ​ອາໂປໂລ”; ຜູ້​ໜຶ່ງ​ອີກ​ເວົ້າ​ວ່າ, “ຂ້ອຍ​ຕິດຕາມ​ເກຟາ” ແລະ ຍັງ​ມີ​ຜູ້​ໜຶ່ງ​ອີກ​ເວົ້າ​ວ່າ, “ຂ້ອຍ​ຕິດຕາມ​ພຣະຄຣິດເຈົ້າ”.

1 ໂກຣິນໂທ 1:19

ເພາະ​ມີ​ຂໍ້ຄວາມ​ໄດ້​ຖືກ​ຂຽນ​ໄວ້​ໃນ​ພຣະຄຳພີ​ວ່າ: “ເຮົາ​ຈະ​ທຳລາຍ​ສະຕິປັນຍາ​ຂອງ​ຄົນ​ມີ​ປັນຍາ; ເຮົາ​ຈະ​ເຮັດ​ໃຫ້​ຄວາມສະຫລາດ​ຂອງ​ຄົນສະຫລາດ​ໄຮ້​ຜົນ”.

1 ໂກຣິນໂທ 1:31

ເຫດສະນັ້ນ, ດັ່ງ​ທີ່​ມີ​ຂໍ້ຄວາມ​ໄດ້​ຖືກ​ຂຽນ​ໄວ້​ໃນ​ພຣະຄຳພີ​ວ່າ: “ຜູ້​ທີ່​ອວດ ຈົ່ງ​ອວດ​ອົງພຣະຜູ້ເປັນເຈົ້າ”.

1 ໂກຣິນໂທ 13:4

ຄວາມຮັກ​ຄື​ຄວາມອົດທົນ, ຄວາມຮັກ​ຄື​ຄວາມເມດຕາ, ຄວາມຮັກ​ບໍ່​ອິດສາ, ບໍ່​ໂອ້ອວດ, ບໍ່​ຈອງຫອງ,

1 ໂກຣິນໂທ 3:19

ເພາະ​ສະຕິປັນຍາ​ຂອງ​ໂລກ​ນີ້​ກໍ​ເປັນ​ຄວາມໂງ່​ໃນ​ສາຍຕາ​ຂອງ​ພຣະເຈົ້າ. ຕາມ​ທີ່​ມີ​ຂຽນ​ໄວ້​ວ່າ: “ພຣະອົງ​ຈັບ​ຄົນສະຫລາດ​ດ້ວຍ​ອຸບາຍ​ຂອງ​ພວກເຂົາ​ເອງ”.

1 ໂກຣິນໂທ 3:21

ດັ່ງນັ້ນ​ແຫລະ ຢ່າ​ໂອ້ອວດ​ເຖິງ​ຜູ້ນຳ​ທີ່​ເປັນ​ມະນຸດ​ອີກ​ເລີຍ! ດ້ວຍວ່າ ສິ່ງ​ທັງໝົດ​ກໍ​ເປັນ​ຂອງ​ພວກເຈົ້າ​ແລ້ວ,

1 ໂກຣິນໂທ 5:2

ແລະ ພວກເຈົ້າ​ກໍ​ພູມໃຈ! ແທນທີ່​ພວກເຈົ້າ​ຄວນ​ຈະ​ໂສກເສົ້າເສຍໃຈ ແລະ ຂັບໄລ່​ຄົນ​ທີ່​ເຮັດ​ເຊັ່ນນັ້ນ​ອອກຈາກ​ຄວາມສຳພັນ​ຂອງ​ພວກເຈົ້າ​ບໍ່ແມ່ນ​ບໍ?

1 ໂກຣິນໂທ 5:6

ການ​ອວດອ້າງ​ຂອງ​ພວກເຈົ້າ​ນັ້ນ​ບໍ່​ດີ​ເລີຍ. ພວກເຈົ້າ​ບໍ່​ຮູ້​ບໍ​ວ່າ​ເຊື້ອແປ້ງ​ພຽງ​ແຕ່​ໜ້ອຍດຽວ​ກໍ​ເຮັດ​ໃຫ້​ແປ້ງນວດ​ທັງ​ກ້ອນ​ຟູຂຶ້ນ?

1 ໂກຣິນໂທ 8:1

ເລື່ອງ​ອາຫານ​ທີ່​ໄດ້​ບູຊາ​ແກ່​ຮູບເຄົາລົບ​ແລ້ວ: ພວກເຮົາ​ຮູ້​ວ່າ “ພວກເຮົາ​ທຸກຄົນ​ລ້ວນ​ແຕ່​ມີ​ຄວາມຮູ້”. ແຕ່​ຄວາມຮູ້​ນັ້ນ​ເຮັດ​ໃຫ້​ອວດໂຕ ຂະນະ​ທີ່​ຄວາມຮັກ​ເສີມສ້າງ​ຂຶ້ນ.

1 ໂກຣິນໂທ 9:23

ເຮົາ​ເຮັດ​ທຸກສິ່ງ​ນີ້​ກໍ​ເພາະ​ເຫັນ​ແກ່​ຂ່າວປະເສີດ ເພື່ອ​ເຮົາ​ຈະ​ໄດ້​ມີ​ສ່ວນຮ່ວມ​ໃນ​ພອນ​ແຫ່ງ​ຂ່າວປະເສີດ.

2 ໂກຣິນໂທ 10:12

ພວກເຮົາ​ບໍ່​ກ້າ​ຈັດ​ອັນດັບ ຫລື ປຽບທຽບ​ພວກເຮົາ​ເອງ​ກັບ​ຄົນ​ທີ່​ຍົກຍ້ອງ​ຕົນເອງ. ເມື່ອ​ພວກເຂົາ​ວັດແທກ​ພວກເຂົາເອງ​ໂດຍ​ພວກເຂົາ​ເອງ ແລະ ປຽບທຽບ​ກັນ​ເອງ, ພວກເຂົາ​ກໍ​ບໍ່​ສະຫລາດ.

2 ໂກຣິນໂທ 10:15

ທັງ​ພວກເຮົາ​ບໍ່​ໄດ້​ອອກນອກ​ເກີນ​ຂອບເຂດ​ໂດຍ​ການ​ອວດອ້າງ​ຜົນງານ​ທີ່​ຄົນ​ອື່ນ​ເຮັດ​ໄວ້. ຄວາມຫວັງ​ຂອງ​ພວກເຮົາ​ກໍ​ຄື, ໃນ​ຂະນະ​ທີ່​ຄວາມເຊື່ອ​ຂອງ​ພວກເຈົ້າ​ສືບຕໍ່​ໃຫຍ່​ຂຶ້ນ​ນັ້ນ, ຂອບເຂດ​ພາລະກິດ​ຂອງ​ພວກເຮົາ​ທີ່​ຢູ່​ໃນ​ທ່າມກາງ​ພວກເຈົ້າ​ກໍ​ຈະ​ຂະຫຍາຍອອກ​ໄປ​ຢ່າງ​ກວ້າງຂວາງ,

2 ໂກຣິນໂທ 10:7

ພວກເຈົ້າ​ກຳລັງ​ຕັດສິນ​ຕາມ​ລັກສະນະ​ພາຍນອກ. ຖ້າ​ຜູ້ໃດ​ໝັ້ນໃຈ​ວ່າ​ຕົນ​ເປັນ​ຄົນ​ຂອງ​ພຣະຄຣິດເຈົ້າ, ກໍ​ຄວນ​ພິຈາລະນາ​ອີກ​ວ່າ​ພວກເຮົາ​ກໍ​ເປັນ​ຄົນ​ຂອງ​ພຣະຄຣິດເຈົ້າ​ຫລາຍ​ກວ່າ​ທີ່​ພວກເຂົາ​ເປັນ​ຢູ່.

2 ໂກຣິນໂທ 11:4

ເພາະ​ຖ້າ​ຜູ້ໃດ​ມາ​ຫາ​ພວກເຈົ້າ ແລະ ເທດສະໜາ​ເລື່ອງ​ພຣະເຢຊູເຈົ້າ​ຕ່າງ​ຈາກ​ທີ່​ພວກເຮົາ​ໄດ້​ເທດສະໜາ​ເລື່ອງ​ພຣະເຢຊູເຈົ້າ​ໄວ້ ຫລື ວ່າ​ຖ້າ​ພວກເຈົ້າ​ຮັບ​ວິນຍານ​ອື່ນ​ແຕກຕ່າງ​ຈາກ​ພຣະວິນຍານ​ທີ່​ພວກເຈົ້າ​ເຄີຍ​ໄດ້​ຮັບ ຫລື ວ່າ​ຂ່າວປະເສີດ​ອື່ນ​ແຕກຕ່າງ​ຈາກ​ທີ່​ພວກເຈົ້າ​ເຄີຍ​ໄດ້​ຮັບ, ພວກເຈົ້າ​ກໍ​ທົນ​ຮັບ​ສິ່ງ​ເຫລົ່ານັ້ນ​ໄດ້​ງ່າຍດາຍ​ແທ້​ນໍ.

2 ໂກຣິນໂທ 12:19

ພວກເຈົ້າ​ຄິດ​ມາ​ຕະຫລອດ​ວ່າ​ພວກເຮົາ​ກຳລັງ​ປົກປ້ອງ​ພວກເຮົາ​ເອງ​ຕໍ່​ພວກເຈົ້າ​ແມ່ນ​ບໍ? ພວກເຮົາ​ເວົ້າ​ໃນ​ສາຍຕາ​ຂອງ​ພຣະເຈົ້າ​ຢ່າງ​ຄົນ​ທີ່​ຢູ່​ໃນ​ພຣະຄຣິດເຈົ້າ, ເພື່ອນ​ທີ່​ຮັກ, ທຸກສິ່ງ​ທີ່​ພວກເຮົາ​ເຮັດ​ກໍ​ເຮັດ​ເພື່ອ​ເສີມກຳລັງ​ຂອງ​ພວກເຈົ້າ.

2 ໂກຣິນໂທ 12:20

ເພາະ​ເຮົາ​ຢ້ານວ່າ​ເມື່ອ​ເຮົາ​ມາ​ເຖິງ​ແລ້ວ ເຮົາ​ຈະ​ບໍ່​ເຫັນ​ພວກເຈົ້າ​ເປັນ​ດັ່ງ​ທີ່​ເຮົາ​ຢາກ​ໃຫ້​ພວກເຈົ້າ​ເປັນ ແລະ ພວກເຈົ້າ​ກໍ​ຈະ​ບໍ່​ເຫັນ​ເຮົາ​ເປັນ​ດັ່ງ​ທີ່​ພວກເຈົ້າ​ຢາກ​ໃຫ້​ເຮົາ​ເປັນ. ເຮົາ​ຢ້ານ​ວ່າ​ອາດ​ຈະ​ມີ​ການຜິດຖຽງກັນ, ການອິດສາ, ການ​ຄຽດ, ຄວາມທະເຍີທະຍານ​ທີ່​ເຫັນແກ່ຕົວ, ການໃສ່ຮ້າຍປ້າຍສີ, ການ​ນິນທາ, ຄວາມຈອງຫອງ ແລະ ຄວາມວຸ້ນວາຍ.

2 ໂກຣິນໂທ 12:6

ແມ່ນແຕ່​ຖ້າ​ເຮົາ​ຄວນ​ເລືອກ​ທີ່​ຈະ​ອວດ, ເຮົາ​ກໍ​ຈະ​ບໍ່​ເປັນ​ຄົນໂງ່ ເພາະ​ເຮົາ​ຈະ​ເວົ້າ​ຄວາມຈິງ. ແຕ່​ເຮົາ​ອົດກັ້ນ​ໄວ້​ເພື່ອ​ຈະ​ບໍ່​ມີ​ຜູ້ໃດ​ຄິດ​ຫລາຍ​ເກີນ​ກວ່າ​ທີ່​ເຮົາ​ໄດ້​ຮັບປະກັນ​ໂດຍ​ສິ່ງ​ທີ່​ເຮົາ​ເຮັດ ຫລື ເວົ້າ,

2 ໂກຣິນໂທ 4:15

ທັງໝົດ​ນີ້​ກໍ​ເພື່ອ​ປະໂຫຍດ​ຂອງ​ພວກເຈົ້າ, ເພື່ອ​ວ່າ​ພຣະຄຸນ​ທີ່​ກຳລັງ​ໄປ​ເຖິງ​ຄົນ​ຈຳນວນ​ຫລວງຫລາຍ ແລະ ຈະ​ເປັນ​ເຫດ​ໃຫ້​ມີ​ການຂອບພຣະຄຸນ​ຫລາຍ​ຂຶ້ນ ເພື່ອ​ໃຫ້​ໄຫລລົ້ນ​ໄປ​ສູ່​ສະຫງ່າລາສີ​ຂອງ​ພຣະເຈົ້າ.

ໂກໂລຊາຍ 2:18

ຢ່າ​ໃຫ້​ຜູ້ໃດ​ທີ່​ຊື່ນຊົມ​ກັບ​ການ​ເຮັດ​ທ່າທີ​ຄື​ຖ່ອມໂຕ ແລະ ການ​ຂາບໄຫວ້​ເທວະດາ​ເຮັດ​ໃຫ້​ພວກເຈົ້າ​ໝົດ​ສິດ​ຮັບ​ລາງວັນ. ຄົນ​ຢ່າງ​ນັ້ນ​ໄຝ່ຝັນ​ເຖິງ​ແຕ່​ສິ່ງ​ທີ່​ພວກເຂົາ​ໄດ້​ເຫັນ. ພວກເຂົາ​ອວດໂຕ​ຂຶ້ນ​ດ້ວຍ​ຄວາມຄິດ​ໄຮ້ສາລະ​ຕາມ​ຈິດໃຈ​ຝ່າຍ​ເນື້ອໜັງ.

1 ເທສະໂລນິກ 1:5

ເພາະວ່າ​ຂ່າວປະເສີດ​ຂອງ​ພວກເຮົາ​ທີ່​ໄດ້​ມາ​ເຖິງ​ພວກເຈົ້າ​ບໍ່​ແມ່ນ​ພຽງແຕ່​ດ້ວຍ​ຖ້ອຍຄຳ​ເທົ່ານັ້ນ ແຕ່​ໄດ້​ມາ​ດ້ວຍ​ລິດອຳນາດ, ດ້ວຍ​ພຣະວິນຍານບໍລິສຸດເຈົ້າ ແລະ ດ້ວຍ​ຄວາມເຊື່ອໝັ້ນ​ອັນ​ເລິກເຊິ່ງ. ພວກເຈົ້າ​ກໍ​ຮູ້​ວ່າ​ພວກເຮົາ​ໄດ້​ດຳເນີນຊີວິດ​ຢ່າງໃດ​ໃນ​ທ່າມກາງ​ພວກເຈົ້າ​ເພື່ອ​ເຫັນ​ແກ່​ພວກເຈົ້າ​ທັງຫລາຍ.

2 ຕີໂມທຽວ 2:10

ເຫດສະນັ້ນ ເຮົາ​ຈຶ່ງ​ຍອມ​ອົດທົນ​ທຸກຢ່າງ​ເພື່ອ​ເຫັນ​ແກ່​ຜູ້​ທີ່​ເລືອກ​ໄວ້, ເພື່ອ​ວ່າ​ພວກເຂົາ​ຈະ​ໄດ້​ຮັບ​ຄວາມພົ້ນ ເຊິ່ງ​ມີ​ຢູ່​ໃນ​ພຣະຄຣິດເຈົ້າເຢຊູ​ພ້ອມດ້ວຍ​ສະຫງ່າລາສີ​ນິລັນດອນ.