1 ໂກຣິນໂທ 1:13 - ພຣະຄຳພີລາວສະບັບສະໄໝໃໝ່

¹³ ພຣະຄຣິດເຈົ້າ​ຖືກ​ແບ່ງ​ແຍກ​ແລ້ວ​ບໍ? ໂປໂລ​ຖືກ​ຄຶງ​ເທິງ​ໄມ້ກາງແຂນ​ເພື່ອ​ພວກເຈົ້າ​ບໍ? ພວກເຈົ້າ​ໄດ້ຮັບ​ບັບຕິສະມາ​ເຂົ້າ​ໃນ​ນາມ​ຂອງ ໂປໂລ ຊັ້ນ​ບໍ?

ພຣະຄຳພີສັກສິ

¹³ ພຣະຄຣິດ​ແບ່ງ​ເປັນ​ຫລາຍ​ອົງ​ແລ້ວ​ບໍ? ໂປໂລ​ຖືກ​ຄຶງ​ທີ່​ໄມ້ກາງແຂນ​ເພື່ອ​ພວກເຈົ້າ​ຊັ້ນບໍ? ພວກເຈົ້າ​ຮັບ​ບັບຕິສະມາ​ໃນ​ນາມ​ຂອງ​ໂປໂລ​ຊັ້ນບໍ?

1 ໂກຣິນໂທ 1:13 Jak'a apnaqawi uñst'ayäwi

ມັດທາຍ 28:19

ເຫດສະນັ້ນ ຈົ່ງ​ໄປ ແລະ ເຮັດ​ໃຫ້​ຄົນ​ທຸກ​ຊາດ​ເປັນ​ລູກສິດ, ໃຫ້​ພວກເຂົາ​ຮັບ​ບັບຕິສະມາ​ໃນ​ນາມ​ແຫ່ງ​ພຣະບິດາ ພຣະບຸດ ແລະ ພຣະວິນຍານບໍລິສຸດເຈົ້າ,

ມັດທາຍ 3:6

ເມື່ອ​ພວກເຂົາ​ສາລະພາບ​ບາບ​ທັງຫລາຍ​ຂອງ​ຕົນ​ແລ້ວ, ໂຢຮັນ​ກໍ​ໃຫ້​ພວກເຂົາ​ຮັບ​ບັບຕິສະມາ​ໃນ​ແມ່ນ້ຳຈໍແດນ.

ກິດຈະການ 10:48

ດັ່ງນັ້ນ ເປໂຕ​ຈຶ່ງ​ສັ່ງ​ໃຫ້​ຄົນ​ເຫລົ່ານີ້​ຮັບ​ບັບຕິສະມາ​ໃນ​ນາມ​ຂອງ​ພຣະເຢຊູຄຣິດເຈົ້າ. ຫລັງຈາກ​ນັ້ນ ພວກເຂົາ​ກໍ​ຂໍ​ເປໂຕ​ໃຫ້​ພັກ​ຢູ່​ກັບ​ພວກເຂົາ​ອີກ​ສອງ​ສາມ​ມື້.

ກິດຈະການ 19:5

ເມື່ອ​ໄດ້​ຍິນ​ດັ່ງນີ້, ພວກເຂົາ​ກໍ​ຮັບ​ບັບຕິສະມາ​ໃນ​ນາມ​ຂອງ​ພຣະເຢຊູເຈົ້າ ອົງພຣະຜູ້ເປັນເຈົ້າ.

ກິດຈະການ 2:38

ເປໂຕ​ຕອບ​ວ່າ, “ພວກທ່ານ​ທຸກຄົນ​ຈົ່ງ​ຖິ້ມໃຈເກົ່າເອົາໃຈໃໝ່ ແລະ ຮັບ​ບັບຕິສະມາ​ໃນ​ນາມ​ຂອງ​ພຣະເຢຊູຄຣິດເຈົ້າ ເພື່ອ​ບາບ​ຂອງ​ພວກທ່ານ​ຈະ​ໄດ້​ຮັບ​ການອະໄພ ແລະ ພວກທ່ານ​ກໍ​ຈະ​ໄດ້​ຮັບ​ຂອງປະທານ​ຄື​ພຣະວິນຍານບໍລິສຸດເຈົ້າ.

ກິດຈະການ 8:16

ເພາະ​ພຣະວິນຍານບໍລິສຸດເຈົ້າ​ຍັງ​ບໍ່​ທັນ​ໄດ້​ລົງ​ມາ​ເທິງ​ພວກເຂົາ​ຈັກ​ຄົນ; ພວກເຂົາ​ພຽງ​ແຕ່​ໄດ້​ຮັບ​ບັບຕິສະມາ​ໃນ​ນາມ​ຂອງ​ພຣະເຢຊູເຈົ້າ ອົງພຣະຜູ້ເປັນເຈົ້າ​ເທົ່ານັ້ນ.

ໂຣມ 14:9

ເພາະ​ເຫດ​ນີ້​ແຫລະ, ພຣະຄຣິດເຈົ້າ​ໄດ້​ຕາຍ ແລະ ໄດ້​ຄືນມາ​ສູ່​ຊີວິດ ກໍ​ເພື່ອ​ພຣະອົງ​ຈະ​ເປັນ​ອົງພຣະຜູ້ເປັນເຈົ້າ​ຂອງ​ທັງ​ຄົນຕາຍ ແລະ ຄົນເປັນ.

1 ໂກຣິນໂທ 1:15

ດັ່ງນັ້ນ ຈຶ່ງ​ບໍ່​ມີ​ຜູ້ໃດ​ສາມາດ​ເວົ້າ​ໄດ້​ວ່າ​ພວກເຈົ້າ​ໄດ້​ບັບຕິສະມາ​ໃນ​ນາມ​ຂອງ​ເຮົາ.

1 ໂກຣິນໂທ 10:2

ພວກເພິ່ນ​ທຸກຄົນ​ໄດ້ຮັບ​ບັບຕິສະມາ​ເຂົ້າ​ສ່ວນ​ໃນ​ໂມເຊ ໃນ​ເມກ ແລະ ໃນ​ທະເລ.

2 ໂກຣິນໂທ 11:4

ເພາະ​ຖ້າ​ຜູ້ໃດ​ມາ​ຫາ​ພວກເຈົ້າ ແລະ ເທດສະໜາ​ເລື່ອງ​ພຣະເຢຊູເຈົ້າ​ຕ່າງ​ຈາກ​ທີ່​ພວກເຮົາ​ໄດ້​ເທດສະໜາ​ເລື່ອງ​ພຣະເຢຊູເຈົ້າ​ໄວ້ ຫລື ວ່າ​ຖ້າ​ພວກເຈົ້າ​ຮັບ​ວິນຍານ​ອື່ນ​ແຕກຕ່າງ​ຈາກ​ພຣະວິນຍານ​ທີ່​ພວກເຈົ້າ​ເຄີຍ​ໄດ້​ຮັບ ຫລື ວ່າ​ຂ່າວປະເສີດ​ອື່ນ​ແຕກຕ່າງ​ຈາກ​ທີ່​ພວກເຈົ້າ​ເຄີຍ​ໄດ້​ຮັບ, ພວກເຈົ້າ​ກໍ​ທົນ​ຮັບ​ສິ່ງ​ເຫລົ່ານັ້ນ​ໄດ້​ງ່າຍດາຍ​ແທ້​ນໍ.

ຄາລາເຕຍ 1:7

ເຊິ່ງ​ບໍ່ແມ່ນ​ຂ່າວປະເສີດ​ເລີຍ. ເຫັນ​ໄດ້​ຊັດເຈນ​ວ່າ​ບາງຄົນ​ກຳລັງ​ໂຍນ​ພວກເຈົ້າ​ເຂົ້າສູ່​ຄວາມສັບສົນ ແລະ ພະຍາຍາມ​ບິດເບືອນ​ຂ່າວປະເສີດ​ຂອງ​ພຣະຄຣິດເຈົ້າ.

ເອເຟໂຊ 4:5

ມີ​ອົງພຣະຜູ້ເປັນເຈົ້າ​ອົງ​ດຽວ, ຄວາມເຊື່ອ​ດຽວ, ບັບຕິສະມາ​ດຽວ,

ຕີໂຕ 2:14

ຜູ້​ໄດ້​ສະຫລະ​ພຣະອົງ​ເອງ​ເພື່ອ​ພວກເຮົາ​ທັງຫລາຍ ເພື່ອ​ໄຖ່​ພວກເຮົາ​ໃຫ້​ພົ້ນ​ຈາກ​ຄວາມ​ຊົ່ວຮ້າຍ​ທັງໝົດ ແລະ ເພື່ອ​ຊຳລະ​ພວກເຮົາ​ໃຫ້​ບໍລິສຸດ​ໄວ້​ສຳລັບ​ພຣະອົງ ເພື່ອ​ເປັນ​ຄົນ​ຂອງ​ພຣະອົງ​ພຽງ​ຜູ້​ດຽວ ແລະ ເປັນ​ຜູ້​ກະຕືລືລົ້ນ​ທີ່​ຈະ​ເຮັດ​ສິ່ງ​ດີ.