ULevitikusi 26:15 - Contemporary Zulu Bible 2024

¹⁵ Uma nidelela izimiso zami, noma umphefumulo wenu unengwa izahlulelo zami, nize ningenzi yonke imiyalo yami, naphula isivumelwano sami;

IBHAYIBHELI ELINGCWELE

¹⁵ uma nilahla izimiso zami, uma umphefumulo wenu unengwa yizahlulelo zami, ukuze ningayenzi yonke imiyalo yami, kepha naphule isivumelwano sami,

IsiZulu 2020

¹⁵ uma nilahla izimiso zami, nomphefumulo wenu unengwa yizehlulelo zami, ukuze ningayenzi yonke imiyalo yami, kodwa naphula isivumelwano sami,

ULevitikusi 26:15 Jak'a apnaqawi uñst'ayäwi

UGenesise 17:14

Owesilisa ongasokile, ijwabu lakhe elingasokanga, lowo muntu uyakunqunywa kubantu bakubo; wephule isivumelwano sami.

2 AmaKhosi 17:15

Bazenqaba izimiso zakhe nesivumelwano sakhe asenza nawoyise nobufakazi bakhe abufakaza ngabo; balandela okuyize, baba yize, balandela izizwe ezazibazungeza, uJehova abayala ngazo ukuba bangenzi njengalokho abakwenzayo.

2 iziKronike 36:16

Kodwa baziklolodela izithunywa zikaNkulunkulu, bawadelela amazwi akhe, bathuka abaprofethi bakhe, kwaze kwafika intukuthelo kaJehova ngabantu bakhe, kwaze kwangabangakho ukuphulukiswa.

AmaHubo 50:17

ngoba uyazonda ukulaywa njalo ulahla amazwi ami ngemva kwakho.

UEksodusi 19:5

Uma manje nilalela ngempela izwi lami futhi nigcina isivumelwano sami, niyoba ingcebo yempahla yami ngaphezu kwabantu bonke, ngoba umhlaba wonke ungowami.

UEksodusi 24:7

Wayesethatha incwadi yesivumelwano, wayifunda phambi kwezindlebe zabantu, bathi: “Konke akukhulumileyo uJehova siyakukwenza, sikulalele.”

IzAga 1:30

Abezwanga lutho ngesiluleko sami; badelela konke ukusola kwami.

IzAga 1:7

Ukumesaba uJehova kungukuqala kolwazi, kepha iziwula ziyadelela ukuhlakanipha nokulaywa.

IzAga 5:12

Wathi: “Yeka ukuzonda kwami ukulaywa nokusola inhliziyo yami iyakweyisa;

U-Isaya 24:5

Futhi umhlaba ungcolile phakathi kwabakhileyo kuwo; ngokuba beqile imithetho, baguqula isimiso, bephula isivumelwano esiphakade.

UJeremiya 11:10

Babuyela ezonweni zabokhokho babo, abenqaba ukulalela amazwi ami; balandela abanye onkulunkulu ukuba babakhonze; indlu ka-Israyeli nendlu kaJuda basephulile isivumelwano sami engasenza nawoyise.

UJeremiya 31:32

Kungenjengesivumelwano engasenza laboyise mhla ngibabamba ngesandla ngibakhupha elizweni leGibhithe; ukuthi basephulile isivumelwano sami, nakuba ngangingumuntu kubo,” usho uJehova.

UJeremiya 6:19

Zwana, mhlaba, bheka, ngehlisela okubi phezu kwalaba bantu, yebo, isithelo semicabango yabo, ngokuba abawalalelanga amazwi ami nomthetho wami, kepha bawulahla.

UHezekeli 16:59

Ngokuba isho kanje iNkosi uJehova, ithi: Ngiyakwenza kuwe njengalokho okwenzileyo, odelele isifungo ngokwephula isivumelwano.

ULevitikusi 26:11

Ngiyakumisa itabernakele lami phakathi kwenu, umphefumulo wami awuyikunengwa yinina.

ULevitikusi 26:43

Futhi izwe labo liyohlala futhi lijabulele amasabatha alo lapho liyincithakalo ngaphandle kwabo;

ULevitikusi 26:9

Ngokuba ngiyakuninaka, nginenze nithele, nandise, ngimise isivumelwano sami nani.

UMalaki 2:2

Uma ningalaleli, futhi uma ningakubekeli enhliziyweni ukunika igama lami udumo, usho uJehova Sebawoti, ngiyakuthuma phezu kwenu isiqalekiso, ngiqalekise izibusiso zenu; yebo, sengikwenzile. Waziqalekisa, ngokuba awukubeki enhliziyweni.

UNumeri 15:31

Ngokuba udelele izwi leNkosi, wephula umyalo wayo, lowo muntu uyakushaywa ngesiqalekiso sokuxoshwa; ububi bakhe buyakuba phezu kwakhe.

IzEnzo 13:41

Bhekani, nina zideleli, nimangale, nibhubhe, ngokuba mina ngenza umsebenzi ezinsukwini zenu, umsebenzi eningayikukholwa, noma umuntu enitshela wona.

KwabaseRoma 8:7

Ngokuba ukunaka kwenyama kungubutha kuNkulunkulu, ngokuba akuwuthobeli umthetho kaNkulunkulu, futhi kungekwenzeki.

UDuteronomi 31:16

UJehova wayesethi kuMose: “Bheka, wena uyakulala koyihlo; lababantu bayakusukuma baphinge nonkulunkulu babafokazi bezwe abaya kulo ukuba bahlale phakathi kwabo, bangilahle, baphule isivumelwano sami engasenza nabo.

1 kwabaseThesalonika 4:8

Ngakho-ke owalayo akali umuntu, kepha wala uNkulunkulu osinikile noMoya wakhe oNgcwele.

KumaHeberu 8:9

Hhayi njengesivumelwano engasenza nawoyise mhla ngibabamba ngesandla ukubakhipha ezweni laseGibithe; ngokuba bengahlalanga esivumelwaneni sami, nami angibanaka,” usho uJehova.

1 Samuweli 12:15

Kepha uma ningalilaleli izwi likaJehova, nihlubuke emyalezweni kaJehova, isandla sikaJehova siyakumelana nani, njengalokho samelana nawoyihlo.