Números 8:12 - Aymar Bibliia 1986

¹² Ucatsti levitanacajj vaca kallun p'ekeparuw amparanacapampi lokjjatapjjani, ucapachasti mä vaca kalluw juchanacat sacrificio loktatäni, maynïristi levitanacar k'omachañataqui naqhantayasina loktataraquïniwa.

Qullan Arunaca

¹² Ucatsti levitanacajj vaca kallun p'ekeparuw amparanacapampi lokjjatapjjani, ucapachasti mä vaca kalluw juchanacat sacrificio loktatäni, maynïristi levitanacar k'omachañataqui naqhantayasina loktataraquïniwa.

Qullan Arunaka DC

¹² Ukatsti levitanakax vaca qallunakan p'iqipxaruw amparanakapamp luqxatapxani, jumasti jucha luratat mä vaca qallu wilañcha luqtäta, mayïr vaca qallsti Tatitutak nakt'ayat luqtäwi churarakïta.

Números 8:12 Jak'a apnaqawi uñst'ayäwi

Éxodo 29:10

“Ucjjarusti vaca kallu aparaquim Tatitumpi Jiquisiñ Carpa nayrakataru, ucana Aaronampi, wawanacapampejj uca uywan p'ekeparu amparanacapampi lokjjatapjjañapataqui.

Levítico 1:4

Amparampi uca uywan p'ekepjjaru lokjjatasa, uqhamat uca uywajj jupa lanti catokatäñapataqui, uca jakesti juchanacapat pampachatäñapataquiraqui.

Levítico 14:22

pä palomampi jan ucajj pä palom wawampsa, kawkhatejj kollkepajj utjarapqui uqhamarjama; maya jucha luratata sacrificio loktatäcaspas uqhama, maysti takpacha nact'ayaña ofrendäcaspasa uqhamaraqui.

Levítico 16:11

“Uca khepatsti Aaronajj orko vaca sacrificiot loktjjaraquini, ucasti pachpa juchapata sacrificio loktäwiwa, uca orko vacsti jupan pachpa juchapata, uqhamarac familiapan juchanacapata pampachatäña catokañataquiw loktaraquini.

Levítico 16:21

uca cabriton p'ekepjjaru amparapa lokjjatasasti, israelita jakenacan ñankha luratanacapa, Dios toke sayt'asitanacapa, uqhamaraqui take juchanacapwa arsuraquini, uqhamatwa uca cabriton p'ekepjjaru take juchanacjja apjjatjjani, ucatsti cawquïri jaketejj uca apañataqui ajllitäqui ucaw uca cabritjja wasararu irpjjaraquini antutnucunjjañataqui.

Levítico 16:6

Jupan quipca juchapatwa mä vaca sacrificiot loktaraquini, uqhamat jupan pachpa juchanacapata, uqhamarac familiapan juchanacapatsa pampachatäña jicjjatañapataqui.

Levítico 4:15

cawqhantejj take jilïri jakenacajj uca orko vacan p'ekepjjaru amparanacap lokjjatapjjani Tatitun nayrakatapana, ucqharpacharaquiw qharinucupjjani.

Levítico 4:20

jan ucajj uca orko vacampejj cunjämatejj juchat sacrificio mä yakha orko vaca loktapcänjja uca quipcaraquiw loktañapa, uqhamat sacerdotejj jupanacataquejj juchanacap pampachatäña jicjjatani, ucatsti juchanacapajj perdonatäjjaraquiniwa.

Levítico 4:35

Ucatsti liq'ejj apakatäñapawa takpacha, cunjämatejj sumancthapiñatac loktäwitjja apakasejja uqhama, liq'sti altarjjaruw nact'ayjjaraquini, Tatitutaqui suma k'apquiri ofrendata; uqhamat sacerdotejj uca jaketaquejj juchapat pampachatäña jicjjatani, juchanacapatsti perdonatäjjaraquiniwa.

Levítico 4:4

Tatitun nayrakataparuw apani Tatitumpi Jiquisiñ Carpar mantañäquis ucqharu; ucanwa amparapa uywan p'ekepjjaru lokjjatani, ucatsti qharinucjjaraquiniwa Tatitun nayrakatapana.

Levítico 5:7

“Janitejj kollkejj ucacama utjarapcani mä jisc'a oveja alañataquejja, ucapachasti Tatitun ucarojj pä paloma, jan ucajj pä paloma wawa aparaquini uca jucha luratapatjja; ucanacat mayasti jucha luräwit loktani, maynïrsti naqhantayatäñatac ofrendat loktaraquini.

Levítico 8:14

Ucjjarusti Moisesajj cuna orko vacatejj jucha luratata loktascän ucwa irptayaniraquïna, ucatsti Aaronampi, wawanacapampejj uca orko vacan p'ekepjjaruraquiw amparanacapa lokjjatapjjäna.

Levítico 8:15

Ucat Moisesajj qharinucjjaraquïna, ucatsti luc'ananacapampi wila aptasajja altaran utjcänsa uca wajjranacwa uca wilampi jawiräna, uqhamat k'omachañataqui, ucat jilt'iri wilsti altar cayuruw warnokjjaraquïna. Uqhamaw altarajj k'omachata, uqhamaraqui Tatitur loktata uñjasjjaraquïna.

Levítico 8:18

Moisesasti cuna orko ovejatejj naqhantayaña ofrendata loktañataquïcäna ucwa jac'aru irptayaniraquïna, ucatsti Aaronampi, wawanacapampiw, uca orko ovejan p'ekepjjarojja amparanacapa lokjjatapjjaraquïna.

Levítico 8:34

Tatitusti saraquiwa, cuntejj jumanacajj jucha lurapcäta ucat pampachäwi jicjjatañataquejj, cunjämtejj jichhajj lurapctajj uca quipcaraquiw lurapjjäta.

Levítico 9:7

Moisesasti Aaronarojj saraquïnwa: “Altarar jac'achasinim, ucatsti cuntejj juchamata, sacrificio take nact'ayasin loktcäta uca loktaraquim, uqhamat juma pachpataqui juchat pampachatäña jicjjatañamataqui, ucatsti take jakenacan ofrendanacapsti loktaraquim juchanacat pampachatäña catokañataqui, cunjämtejj Tatitojj sisctam uqhamarjama” sasa.

Números 6:14

ucatsti Diosarojj mä maran orko oveja ofrendat churani, uqhamarac jan cuna camachat takpach nact'ayäwi loktasa, uca quipcaraqui mä maran orko oveja jan cuna camachata, sumancjjañatac sacrificiot loktasa.

Números 6:16

Sacerdotesti Tatitu nayrakatanjja, sacrificio juchanacat loktaraquini, uqhamarac takpach nact'ayasa loktaraquini.

Números 8:13

Ucatsti jumaraquiwa Aaronampina, wawanacapampina nayräjjaparu irpäta, mä ofrendjama nayar catuyañamataqui.

Números 8:8

Ucatsti mä vaca kallu catusa, uqhamarac mä suma jac'u, aceitempi chaptasa, grano ofrendanac lurañataqui; ucatsti yakha vaca kallu juchanacat sacrificio loktañataqui.

Hebreos 9:22

Ucatsti leyirjamajj niya take cunanacaw wilampi k'omachatäñapa; janiw juchat k'omachasiñajj utjcaspati, janitejj wilajj wartascaspa ucqhajja.