Números 27:21 - Aymar Bibliia 1986

²¹ Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa.

Qullan Arunaca

²¹ Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa.

Qullan Arunaka DC

²¹ Josué chachax Eleazar sacerdoten nayraqataparuw uñstañapa, Eleazarasti Urim tuqiw sutipxar nayar jiskt'itani. Josué chachaw israelitanakar apnaqani taqi kuna lurañanakapansa —sasa.

Números 27:21 Jak'a apnaqawi uñst'ayäwi

2 Samuel 21:1

Davidan urunacapansti mä jach'a mach'aw quimsa mara utjaraquïna. Ucatwa Davidajj Tatituru jisct'asïna, Tatitusti juparojj saraquïnwa: “Aca mach'ajj Saúl reyin juchanacap laycu, uqhamaraqui familiapan juchanacap laycuraquiw utji, jupanacan gabaonita jakenacar jiwarayapjjatap laycu” sasa.

Esdras 2:63

Ucjjarusti gobernadorajj jupanacarojj yatiyänwa loktat mank'anacata jan mank'apjjañapa, mä sacerdotejj Urim, Tumim ucanac toke cunjämänis uca yatiñapcama.

Nehemías 7:65

Ucjjarusti gobernadorajja apanucut sacerdotenacarojj, yatiyänwa loktat mank'anacata jan mank'apjjañapataqui, mä sacerdotena uca yatjjatañapcama, Urim uqhamarac Tumim sat kalanac toke.

Éxodo 28:30

Ucatsti pectoral sat isi patjjarusti ucharaquïtawa Urim, Tumim sat cheka asquinac uñjañ kalanaca, uqhamata Aaronajj apañapataqui pechoparu cunapachatejj Tatitur uñstcan ucqhajja. Uqhamwa Aaronajj pechopjjarojja uca chekaparu uñjañ kalanacjja apapunini Tatitun nayrakatapana.

Levítico 8:8

Ucjjarusti pectoral isimpiw uscuraqui, uca pectoral sisqui ucarusti Urim, uqhamaraqui Tumim ucanacwa uscuraquïna.

Malaquías 2:7

Sacerdotenacan lurañanacapasti jakenacaru nayar uñt'aña yatichañapawa. Ucatsti takeniraquiwa sacerdoten ucaru sarapjjañapa suma yatichäwinaca catokañataqui, jupanacajj take ch'amani Diosan suma arunacap khanañchiri qhitanita jakenacäpjjatap laycu.

Números 27:2

Aca pheska cullacanacajj Tatitumpi Jiquisiñ Carpan mantañaparuw sarapjjäna, Moisesampi, Eleazar sacerdotempi, uqhamarac marcan jilïrinacapampi parliri, ucatsti aqham sapjjänwa:

Números 27:20

uca pachparaqui jupa patjjarojj ucham jilïri cancañama, uqhamata takpach Israel marcajj jupar ist'apjjañapataqui.

Números 27:22

Moisesasti cunjämtejj Tatitojj siscatayna uqhamarjamaw luräna. Josué chacharu irptawayasinjja Eleazar sacerdoteruw uñstayäna, uqhamarac take marca nayräjjarusa.

Números 27:5

Moisesajj Tatituruw yatiyäna, uca warminacan mayitanacapjja.

Deuteronomio 31:3

Ucampis Tatitu Diosamaraquiw jumanacan nayramjja sarani, juman nayräjjamatsa uca marcanacaru t'unjaraquini, ucan jacapjjañamataqui. Josué chachaw jumanacan nayram sarani, jupasti jach'a jilïrit utt'ayatawa, cunjämatï Tatitojj sisqui uqhama.

Deuteronomio 33:8

Leví triburusti saraquïnwa: “Jumanquiwa Dios Tata, Tumim uqhamaraqui Urim ucanacajja, jumanquiwa cawquïri jaketejj chekäqui ucasa; cawquïrirutï Masah sat chekan yant'cta, cawquïrimpitejj tokesta Meriba sat umanacansa;

Josué 9:14

Israelit jakenacajj uca gabaonit jakenacan mank'apjja mallt'apjjänwa, ucampis janiraquiw Diosarojj jisct'asipcänti.

Jueces 1:1

Josué chachan jiwjjatapatsti, israelitanacajja Diosaruwa jisct'apjjäna yatiñataqui cawquïr tribusa nayrakata mistsuspa cananeonacampi nuwasiñataqui uca.

Jueces 20:18

Ucampis israelitanacajja Betel marcaru sarasinjja Diosaruw jisct'apjjänjja cawquïr tribusa nayrakata saraspa Benjamín sat tribunquirinacampi nuwasirejja. Ucatsti Diosajj yatiyänwa Judá sat tribuna nayrakata sarañapa.

Jueces 20:23

Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.

1 Samuel 14:19

Saúl reyejj uca sacerdotempi parlañapcamasti, filisteonac taypinjja juc'ampiw sartäna jan walt'añanacajja. Ucat Saúl reyejj sacerdoterojj saraquïna: “Jan apancamti” sasa.

1 Samuel 23:9

Ucampisa, Davidajj Saúl reyin uqham nuwantaña amtatap yatisinjja, Abiatar sacerdoterusti efod isip mayiraquïna aptaniñapataqui, ucat Tatituru jisct'añataqui.

1 Samuel 28:6

Ucatwa Tatituru jisct'asïna, ucampisa Tatitojj juparojj janiw ist'cänti ni samcansa, ni urim toksa, ni profetanaca toksa.

1 Samuel 30:7

Ucat Abiatar sacerdoterojj saraqui, uca sacerdotesti Ahimelecan wawapänwa: “Achict'assmawa, efod isi apanirapita” sasa. Abiatar sacerdotesti janc'aquiw Davidarojj efod isi churäna.