Números 16:18 - Aymar Bibliia 1986

¹⁸ Ucatsti sapa mayniw incensariop apjjarusïna, akasquir q'illimimpi, inciensompi uchapjjäna, Moisesampi, Aaronampi chicaraquiw sayt'asipjjäna, Tatitumpi Jiquisiñ Carpa nayrakatana.

Qullan Arunaca

¹⁸ Ucatsti sapa mayniw incensariop apjjarusïna, akasquir q'illimimpi, inciensompi uchapjjäna, Moisesampi, Aaronampi chicaraquiw sayt'asipjjäna, Tatitumpi Jiquisiñ Carpa nayrakatana.

Qullan Arunaka DC

¹⁸ Qhipärmanthisti, sapa mayniw incienso q'aphichañap apxarusïna, aqaskir k'illimampi, inciensompi ucharakïna, ukatsti Moisesampi, Aaronampi chikaw Tatitump Jikisiñ Carpa nayraqatan sayt'asipxäna.

Números 16:18 Jak'a apnaqawi uñst'ayäwi

2 Crónicas 26:16

Ucatsti cunapachatï reinopana wali ch'amani tucjjäna ucqhajja, jach'a jach'aw tucjjäna, uca laycusti aynacht'añaruwa purjjäna. Jupasti Tatit Diosaparojj janiw sum arcjjänti, jupasti Tatitun temploparojja incienso altarana naqhayañataquiw mantäna.

Levítico 16:12

Ucjjarusti mä incensario caturaquini, ucarusti cawquïri sanc'anacatejj altarjjan naqhasqui ucanacampiw apjjataraquini, uca altarasti Tatitun nayrakatapanquiwa, uqhamarac pä jach'i q'iyat incienso caturaquini, ucsti velo khepäjjaruw apjjaraquini,

Levítico 16:13

uca inciensti Tatitun nayrakatapancqui uca ninjjaruw jach'jjataraquini, ucat uca incienso jiwk'esti cuna tapatejj arca khopjjatatäqui juchat pampachatäñataqui ucaruw chhaktayaraquini, cawquïritejj amtäwi arcäqui ucaru. Uqhamatwa Aaronajj jan jiwcaraquiniti.

Números 16:17

Sapa mayniw incensariop apasini, ucatsti incienso uchapjjani. Jumasa, Aaronasa, apasipjjätaw incensarionacamjja, incienssti uchapjjätaw sapa mayni, pä patac pheska tuncanimp chica, Tatitun nayrakatapana —sasa.

Números 16:19

Coré chachasti niyaw takpach marcaru tantachäna jupanac contra, Jiquisiñ Carpa uñcatasina. Ucapachasti Tatitun jach'a cancañapaw takpach marcaru uñacht'ayasïna.

Números 16:37

“Aarón chachan Eleazar sat yokapar qhitam, uca nina naqhantat taypinacat incensarionac apsuniñapataqui, ucatsti jayaru jaktanpan cuna akasquir q'illiminacatejj utjasqui ucanaca.

Números 16:48

Ucapachasti jiwatanac taypiru, uqhamarac jacasquirinac taypiruw mantäna, ucat usojj apaktawayjjänwa.