Números 10:30 - Aymar Bibliia 1986

³⁰ Ucampis Hobab chachajj juparojj sänwa: —Janiw sarquiristti, orakejjaruquiw cuttjjä, cawqhancquitejj familianacajjajj ucaru —sasa.

Qullan Arunaca

³⁰ Ucampis Hobab chachajj juparojj sänwa: —Janiw sarquiristti, orakejjaruquiw cuttjjä, cawqhancquitejj familianacajjajj ucaru —sasa.

Qullan Arunaka DC

³⁰ Ukampis Hobab chachax jupar sänwa: —Janiw sarkiristti, nayax uraqixarukiw kuttxä, wila masinakax jak'aru —sasa.

Números 10:30 Jak'a apnaqawi uñst'ayäwi

Génesis 12:1

Mä urusti Tatitu Diosajj Abramarojj aqham sänwa: “Orakem apanucuwayjjam, familianacamsa, uqhamarac awquiman utapsa, cawquïr oraktejj nayajj uñacht'aycäm ucar sarjjañataqui.

Génesis 31:30

Ucampisa sintipuni awquiman utapar cuttanjjañ munchiyäta ucasti jichhajj jutjjaracta ucapachasti, ¿cunatarac diosanacajj lunthatanistasti? —sasa.

Salmos 45:10

Uñtanim, phuchajjay: jinchum alcatanisin ist'ita: marcamat armasjjam, wila masinacamat armasjjaraquim:

Éxodo 18:27

Uca khepatsti Moisesajj awcch'iparojj qhitjjänwa, ucatsti awcch'ipajj marcaparuw sarawayjjäna.

Mateo 21:28

Jesusasti jupanacarojj sänwa: “¿Cunjämas aca amuyt'ajj jumanacataqui? Mä jakew pani yokanïna; ucat maynïriruw irnakeri qhiti, saraquiwa: “Saram irnakeri uva yapojjaru” sasa.

Mateo 21:29

Yokapasti juparojj siwa: “¡Janiw sarquiristti!” sasa. Ucampis jupajj uca khepatjja may amtasisina yapuruw irnaker saräna.

Lucas 14:26

“Maynitejj nayar jutchi, ucatsti awquiparu, taycaparu, warmiparu, wawanacaparu, jilanacaparu, cullacanacaparusa, uqhamaraqui jacañaparusa juc'ampi munaschi nayat sipansa, ucajja janiw nayan discipulojjäcaspati.

2 Corintios 5:16

Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.

Jueces 1:16

Hobab quenita sata Moisesan awcch'ipan wawanacapasti Palmeras sat marcatsti Judá tribunquirinacampiw mistsupjjäna Judá wasararu Arad sat chekata aynacharu. Ucatsti ucaruwa kheparapjjäna ucanquir jakenacampi chica jacañataqui.