Números 10:1 - Aymar Bibliia 1986

¹ Tatitu Diosajj Moisesarojj sänwa:

Qullan Arunaca

¹ Tatitu Diosajj Moisesarojj sänwa:

Qullan Arunaka DC

¹ Tatitux Moisesar sarakïnwa:

Números 10:1 Jak'a apnaqawi uñst'ayäwi

Génesis 42:13

Ucampis jupanacajj sasipcaquïnwa: —Tata, nanaca sirvirinacamajj tunca payani jiläpjjtwa, mä sapa awquiniquïpjjaractwa, Canaán oraken jacapjjaractjja. Sullca jilasti awquejjampiw kheparasqui, maynïristi janiw nanacampïcjjaraquiti —sasa.

Génesis 46:15

Acanacasti Jacobompina Leampina wawanacapänwa, uqhamarac Dina satäqui ucas wawaparaquïnwa, aca wawanacasti nacipjjänwa cunapachatejj Jacobojj Padan-aram sisqui ucsan utjcän ucapacha. Take wawanacapasti chacha, warmi jacthapitajja quimsa tunca quimsani jakenacänwa.

2 Samuel 6:15

Davidasa, uqhamaraqui take israelita jakenacasa, qhitinacatejj uca arca apapcäna ucanacajj, cusisiñat wali arnakasipjjäna, uqhamaraqui trompetanacsa wali toct'asipjjaraquïna.

2 Reyes 11:14

Ucansti reyiruwa uñjäna templona sayirinacapa jac'an sayt'ata, cunjämatï lurapjjerïqui uqhamaru. Jupampi chicäsipcaraquïnwa jilïrinaca, uqhamarac música toquir bandasa; jakenacasti wali cusisitäpjjänwa, uqhamarac trompetanacsa tocapjjaraquïna. Uqham uñjasinsti Atalía reinajj isipwa ch'iyanokasïna, ucatsti aqham sasaw art'asïna: “¡C'arintituwa! ¡Q'arintituwa!” sasa.

2 Crónicas 23:13

Ucansti jupajj reyiruwa ujäna mantañawjana jakenacapajj cayutcama sayt'atäsipcäna uca taypina. Reyin thiyapansti jilïrinacaw ucancapjjäna, uqhamarac música bandasa, jakenacasa cusisitäpjjänwa trompetanaca tocasina; k'ochurinacasti tocañ instrumentonacampiwa, yupaychaña k'ochunaca sarayapjjäna. Atalía warmisti uqham uñjasinjja isipwa ch'iyanokasïna, aqham sasa: “¡Nayarojj ch'ojjña lurapjjestajja!” sasa.

2 Crónicas 5:12

Take k'ochuri levitanacasa, Asaf, Hemán, uqhamarac Jedutún ucanacajja wawanacapamppacha, familianacapampisa ucan sayt'atäpjjänwa lino isimpi isthapita, altarata inti jalanta tokena. Jupanacanjja utjänwa platillonaca, salterionaca, uqhamarac arpanaca. Jupanacamp chicasti pataca pä tuncani sacerdotenacaw trompetanaca phusiri utjapjjäna.

2 Crónicas 7:6

Sacerdotenacasa, levitanacas pachpancasipcaquïnwa kollana musicanaca tocañ instrumentonacampi, ucanacsti reyiw lurayäna k'ochunacampi tocañataqui aqham sasa: “Munasiñapajj wiñayataquiwa” sasa, cunapachatï Davidajj jupanacampi k'ochcäna ucqha. Ucatsti sacerdotenacajj jupanac uñcatasinjja trompetanacwa tocapjjäna, uccañcamasti Israel jakenacajj sayt'atäpjjänwa.

Esdras 3:10

Cunapachatejj uta luririnacajj Tatitun templopataqui cimiento jakontapcäna ucqhajja, sacerdotenacajj sayt'asipjjänwa uca horasataqui suma isinacani, uqhamarac trompetanacaniraqui. Asaf chachan familiapata sarakeri levitanacajja, platillonacwa apapjjäna Tatitur yupaychañataqui, cunjämatï Israelan David reyipana lurañatac churatäcäna uqhamaru.

Salmos 47:5

Diosajj cusisiñat art'asiñ taypin konuñapar maqhati, Tatitojj trompetanacan phust'asitap taypin maqhataraqui.

Salmos 81:3

Machak phajjsi uñstipan trompet phust'apjjam, urt'a puripansti, phust'apjjaraquim ucürojj jiwasanacan jach'a urusawa.

Salmos 98:6

Rey Tatitur jach'añchapjjam, pinquillumpi, trompetanacamp chic k'ochupjjam.

Números 1:52

Maynïri israelitanacajj, cunjämäquitejj militaranacan sarnakäwinacapajj uqhamaruw puripjjani, sapakat maynisa campamentoparu, uqhamaraqui wiphalapampcama.

Números 10:2

“Pä kollke trompetanac lurasim martillompi lek'suta, ucasti jakenacar tantachañataqui, uqhamarac sarjjaruñataquiraquïniwa.

Números 29:1

“Pakallko phajjsin kallta urupanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañsa lurapjjätati, ucatsti uca urjja trompetanac phust'asaw yatiyapjjäta.

Números 7:2

Ucjjarusti tribunacan jilïrinacapajj cawquïrinacatï censo aptaña yanapt'apcatayna ucanacajj sarasinjja,

Números 9:23

Tatitu Diosan arsutaparjamaraquiw sayt'apjjäna, arsutaparjamaraquiw sarantapjjäna. Ucampisa Tatituruw sirvipjjäna, cunjämtejj jupajj Moisesaru arscatayna uqhamarjama.

Mateo 24:31

Angelanacaparusti qhitaniraquiniw wali jach'at trompetanac phust'aniñapataqui, ucampiraquiw ajllitanacaparojj pusi toketpacha jawsthapini aca orakena, maysa thiyat maysacama.

Josué 6:4

Pakallko sacerdotenacaw Diosan arcap nayräjjap sarapjjani sapa mayni mä pututu apt'ata, pakallko uröjjani ucqhajj, pakallko cutiw marcaru muytapjjäta, ucatsti sacerdotenacajj pututu phust'apjjani.

Apocalipsis 8:2

Ucatsti uñjaractwa pakallko angelanacaru Diosan nayrakatapancasquiri. Jupanacarusti pakallko trompetanacaraquiw churatäna.

Jueces 7:20

Uca pachpa horasasti quimspacha tama jakenacaw ovej wajjra pututunacat pututt'apjjäna, uqhamarac wacullanacsa p'aquirapjjaraquïna. Ucampis ch'eka ampararojja akquir nina apapjjäna, cupi ampararusti oveja wajjra pututuraqui. Ucatsti art'apjjänwa: “¡Nuwasiñäni! ¡Diosampita, uqhamarac Gedeonampita!” sasa.