Mateo 10:2 - Aymar Bibliia 1986

² Acanacaraquiw uca tunca payanin sutinacapajja: Simón Pedro, Andrés Simonan jilapa; Jacobo, Juan, acanacajj Zebedeon yokanacapänwa;

Qullan Arunaca

² Acanacaraquiw uca tunca payanin sutinacapajja: Simón Pedro, Andrés Simonan jilapa; Jacobo, Juan, acanacajj Zebedeon yokanacapänwa;

Qullan Arunaka DC

² Tunka payanin sutinakapax akanakawa: Simón Pedro; Andrés, Simón Pedron jilapa; Santiago, Juan, Zebedeon yuqanakapa;

Mateo 10:2 Jak'a apnaqawi uñst'ayäwi

Mateo 17:1

Sojjta uru khepatsti Jesusajj Pedrompiru, Juanampiru, Jacobo jilapampiru irptasiwayasinwa mä jach'a kollu patar maqhatäna.

Mateo 20:20

Ucapachasti Zebedeon yokanacapan taycapaw Jesusar jac'achasisin quillt'asïna, Jesusat mä qhuyapt'ayasiña mayiñataqui. Yokanacapasti jupa chicaraquïnwa.

Mateo 26:37

Jupasti Pedrompiru, Zebedeon pani yokanacapampiruw irparaquïna, ucansti wali llact'ataw jicjjatasïna, t'akhesiraquïnwa.

Mateo 4:18

Jesusasti Galilea kota thiyanjamwa sarascäna, uñjaraquïnwa pani chachanacaru; maynïristi Simón satänwa, yakha sutipasti Pedro; maynipäquis ucajj Andrés jilapänwa. Jupanacasti käna kotaruw jakontasipcäna.

Mateo 4:21

Juc'amp nayrakatansti, Jesusajj yakha pani jila sullcaruw uñjaraquïna. Ucanacasti Juanampi Jacobompïnwa, Zebedeon yokanacapa. Jupanacasti awquipampïscänwa mä botjjana känanacapa asquichasa. Jesusasti jupanacaruw jawsäna.

Marcos 1:29

Sinagogat mistusinjja, Jesusajj Jacobomp Juanampiw sarapjjäna Simonampin, Andresampin utaparu.

Marcos 13:3

Ucatsti templo uñcatas Olivos kolluruw sarapjjäna. Jesusar ucan kont'atäsquir uñjasinsti, jupa saparuquiw jamasat Pedrompi, Jacobompi, Juanampi, Andresampejj jisct'apjjäna:

Marcos 6:30

Uca khepatsti apostolonacajj Jesusamp jiquisjjasinjja, take cuntejj luranipcäna yatichanipcaraquïna ucanac yatiyapjjäna.

Lucas 11:49

“Ucatwa Diosajj yatiñapanjj sejja: “Profetanacampi, apostolonacampwa jupanacarojj qhitäjja, ucatsti jupanacat yakhepanacarojj jiwayapjjaniwa, mayninacarusti t'akhesiyapjjaraquiniwa” sasa.

Lucas 22:14

Uca horasa purinjjepansti Jesusampi apostolonacapampejj mesaruw kont'asipjjäna.

Lucas 22:8

Jesusasti Pedrompir Juanampiruw qhiti: —Sarapjjam Pascuan mank'añäquis uca waquichanipjjam —sasa.

Lucas 5:10

Zebedeon yokanacapa Jacobompi Juanampisa wali sustjatäpjjaraquïnwa, jupanacasti Pedromp chic irnakerinacänwa. Jesusasti Simón Pedrorojj siwa: —Jan ajjsaramti, jichhat ucsarojj jak catjjäta —sasa.

Lucas 9:10

Apostolonacapasti cuttanjjasinjja, cuntejj lurapcatayna uc Jesusarojj yatiyapjjäna. Ucjjarusti Jesusajj apostolonacapampejj mä wasar chekaruw sarapjjäna, Betsaida marca jac'aru.

Juan 12:22

Felipesti sarasina Andresaruw yatiyäna, ucatsti paninpachaw Jesusaru yatiyir sarapjjaraquïna.

Juan 13:23

Jesusan maynïri wali munat discipulopajja, jupan jac'apanwa mank'ascäna.

Juan 20:2

Uqham uñjasinsti Simón Pedron ucaru, uqhamarac cawquïr discipulorutejj Jesusajj wal munäna ucan ucaruw jaläna, ucatsti saraquïnwa: —Tatitun janchipjja sepulturat apasjjapjjataynawa, janiraquiw yatipcti cawquïru apapjjatapsa —sasa.

Juan 21:2

Ucancasipcänwa Simón Pedro, Tomás, cawquïrirutejj Mellizo sas sutichapcäna, Galilean Caná marcanquiri Natanael, Zebedeon yokanacapa, Jesusan yakha pani discipulonacapampi.

Juan 21:20

Khepäjj uñaquipasisinjja, Pedrojj uñjänwa Jesusan wali munata discipulopar khepap arcasincatapa. Mank'apcäna ucqhajja aca pachpa discipulojj Jesusan thiyapancänwa, juparaquiw Jesusarojj jisct'äna: “Tata, ¿qhitis aljantätamjja?” sasa.

Juan 21:24

Acasti cawquïri discipulotejj sisqui, kellkcaraqui uca pachpawa. Yattanwa cuntejj sisqui ucajj chekätapa.

Juan 6:67

Uc uñjasinsti Jesusajj tunca payani discipulonacaparuw jisct'äna. —¿Jumanacajj sarjjañ munapjjaractati? —sasa.

Juan 6:70

Jesusasti ucjjarojj saraquïnwa: —¿Janit jumanaca tunca payaniru ajllipcsma? Ucampis jumanacat maynïriwa supayajja —sasa.

Juan 6:71

Uc sasinsti Jesusajj Simonan yokapa Judas Iscariotetwa parläna; Judasasti aljantañapänwa, tunca payanit maynïrïcchïn ucasa.

Juan 6:8

Ucatsti Simón Pedron Andrés jilapa discipulojj saraquïnwa:

Hechos 1:13

Marcar purisinjja, maqhatapjjänwa cawqui altos utantejj korpachatäpcän ucaru. Ucanacasti acanacawa: Pedro, Jacobo, Juan, Andrés, Felipe, Tomás, Bartolomé, Mateo, Alfeon Jacobo yokapa, Simón (Cananista sat partidonquiri), uqhamarac Jacobon Judas jilapa, yakhanacampi cuna.

Hechos 1:26

Oración tucuyjjasinsti, suertenacwa jaktapjjäna uca panita ajllitäñapataqui. Suertesti Matiasaruw wact'äna, jupampisti tunca payanpachäjjänwa.

Hechos 12:2

Jupasti Juanan jilap Jacoborojj espadampiw jiwayayäna.

Hechos 3:1

Pedrompi Juanampejj mä urojj temploruw maqhatasipcäna, quimsa horasaru, ucqhasti oración lurañ horasänwa.

1 Corintios 15:7

Uca khepatsti Jacoboruw uñstänjja, uqhamarac take apostolonacarusa.

Efesios 4:11

Ucatsti juparaquiw sapa maynirus amuyt'añ churi, mayninacarojj apostolöña, mayninacarojj Diosat catokat arunac khanañchaña, mayninacarusti khespiyasiñ arunac parlaña, mayninacarusti pastoräña, yatichirïñaraqui.

Hebreos 3:1

Uqhamajj Diosar catuyat jilatanaca, jumanacasti qhitinacarutï Diosajj jupatac jawsapctam ucanacäpjjtawa. Wal amuyapjjam Cristo Jesusatjja, jupasti iyawsañan arcäwisanjja mä apostolowa jilïri sacerdoteraqui.

1 Pedro 1:1

Naya Pedrojj Jesucriston apostolopätwa. Aca cartsti kellkasin apayanipjjaracsmawa qhitinacatï marcanacamat jayan utjasipjjta uca jilatanacaru. Jumanacasti Ponto, Galacia, Capadocia, Asia, uqhamarac Bitinia uca provincianacanwa utjasipjjaractajja.

2 Pedro 1:1

Naya Simón Pedrojja, Jesucriston sirviripätwa apostoloparaquïtwa. Aca cartsti, qhitinacatejj nanacjamaraqui mä suma iyawsañ jicjjatapctas ucanacaruw kellkanipjjsma, Khespiyiri Jesucristo Tatitusajj chekätap laycu.

2 Juan 1:1

Naya niya wali chuymanëjjasawa, Diosan ajllit cullacar aca cartjja kellkta, uqhamarac wawanacaparus, qhitinacarutejj nayajj chekpachana munasta, ucanacaru ucampis janiw naya sapaquiti munasctjja, jan ucasti take qhitinacatejj Diosar uñt'apqui ucanacas munasiraquiwa.

3 Juan 1:1

Naya niya wali chuymanëjjasawa, kellkawayta aca carta munat Gayo amigojjaru, cawquïrirutejj chekpachan munastjja ucaru.

Apocalipsis 1:1

Acajja cuntejj Diosajj Jesucristor uñacht'aycäna ucawa, uqhamat jupajj sirvirinacaparu yatiyañapataqui, cunatejj janc'aqui lurascani ucjjata. Jesucristojj aca uñacht'äwjja mä angelap tokwa Juan sirviriparu yatiyi.

Apocalipsis 1:9

Naya, Juanajj, jumanacan jilamätwa, jumanac chica t'akhisiriraquïtwa, Diosan ajllit marcapana, uqhamarac paciencia chuymtï Tatitojj churquistu ucana. Diosan arunacap parlatajj laycu, Jesucristot yatiyatajj laycuraquiw nayajj Patmos sat islan preso catutäscäyäta.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 22:8

Naya, Juanaw, ist'ta, uñjaracta take aca lurasïwinaca. Ist'asin, uñjasinsti, cawquïri angelatejj uñacht'ayquitu ucan cayunacaparu yupaychañataquiw quillt'asta.