Lucas 21:19 - Aymar Bibliia 1986

¹⁹ Jumanacatejj ch'aman sayt'apjjätajja, wiñay jacañ catokapjjäta.

Qullan Arunaca

¹⁹ Jumanacatejj ch'aman sayt'apjjätajja, wiñay jacañ catokapjjäta.

Qullan Arunaka DC

¹⁹ ¡Ch'aman sayt'asipxam, jakañam qhispiyasiñataki!

Lucas 21:19 Jak'a apnaqawi uñst'ayäwi

Salmos 37:7

Tatitun nayrakatapan amuct'am; jupan yanapap llamp'u chuymamp suyam, ñankha lurir jaken atipjatapat jan k'apisimti; ñankhanac amtir jakets janirac mayjt'asimti.

Salmos 40:1

Nayajj Tatituruw takpach chuymajjamp suyt'äyäta: jupasti naya toker alt'anisin arnakasitajjar ist'i;

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

Mateo 10:22

Take jakenacaraquiw jumanacarojj uñisipjjätam nayar arcapjjatam laycu, ucampis qhititejj tucuycama sayt'cani ucawa khespiyatäni.

Mateo 24:13

Ucampis qhititejj tucuycama sayt'cani ucawa khespiyatäni.

Lucas 8:15

Suma lak'aru jalaktirïqui ucasti acaraquiwa: qhitinacatejj take chuymampi Diosan arupjj ist'apqui, uqhamarac catokapjje, ucatsti take chuyma sarapjje, sum achupjjaraqui ucanacawa.

Romanos 15:4

Take cunatejj nayratpach Kellkatan uchatäcän ucanacajj jiwasanacaruw yatichistu, llamp'u chuyma toke suyt'añasataqui, ucanracwa mä samarañsa jicjjattanjja.

Romanos 2:7

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

Romanos 5:3

Janiraquiw ucaquïquiti, jan ucasti t'akhesiñansa cusisiractanwa, uqhamatwa yatiractanjja t'akhesiñajj llamp'u chuymanïña yatichatapa.

Romanos 5:4

Uqham llamp'u chuymanïñasti mä sumaruw jiwasarojj mistuyistu, uqham sumar mistuyatäsinsti suyt'añaw utjistu.

Romanos 8:25

Ucampis cuntejj suyapctan ucjja janiw uñjctanti, ucampis llamp'u chuymampiw suyt'apjjañasa.

1 Tesalonicenses 1:3

Dios Awquisan nayrakatapanjja jumanacatjja amtapjjtwa kawkha iyawsañampis irnakapjjta, kawkha munasiñampis sirvipjjta, uqhamarac Tatit Jesucristosar suyt'añanjja ch'amamp sayt'apjjatama.

2 Tesalonicenses 3:5

Tatitojj jumanacar yanappan munasiñana cunjämtejj Diosajj munasiñapampi t'akhesiñanacasansa Cristo toke ch'amañchistu uqhama.

Hebreos 10:36

Jumanacajj llamp'u chuymanïñanacamawa, Diosan munañapa lurañataquejja, ucat cuntejj arsuwaycän uc catokañataqui.

Hebreos 6:11

Ucampis muntanwa sapa mayni jumanacan uca jasa chuyma utjapctam ucjja uñachayapjjañama tucuycama, cunatejj suyatäqui ucajj phokhasiñapataqui.

Hebreos 6:15

Abrahamajj llamp'u chuymampiw suyt'äna, ucatsti uqhamapuniw Diosan arsutaparjamajj catokäna.

Santiago 1:3

Yatjjapjjaractawa cunapachatejj jumanacan iyawsañanacamajj cunayman yant'anac pasqui ucqhajja, jumanacajj wali llamp'u chuymanïñwa yatekapjjtajja.

Santiago 1:4

Ucampisa munapjjamaya ch'amacht'asitanacamasti suma asqui tucuñapataqui, uqhamata jumanacajj suma jiltatäpjjañamataqui, janiraqui cunas pist'añapataqui.

2 Pedro 1:6

amuyt'asiñarusti, jumanacpach suma sarnakañampi; jumanacpach suma sarnakañarusti, llamp'u chuymampi; llamp'u chuymanïñjjarusti, Diosar munañampi;

Apocalipsis 1:9

Naya, Juanajj, jumanacan jilamätwa, jumanac chica t'akhisiriraquïtwa, Diosan ajllit marcapana, uqhamarac paciencia chuymtï Tatitojj churquistu ucana. Diosan arunacap parlatajj laycu, Jesucristot yatiyatajj laycuraquiw nayajj Patmos sat islan preso catutäscäyäta.

Apocalipsis 13:10

“Qhitinacatejj preso catuntat apatäpcani ucanacaw apatäpjjani. Espadampi jiwarayatäñapäquis ucanacajj espadan jiwayataraquiw jiwarayatäpjjani.” Take acanacanwa Diosan marcapan ch'amanïtapasa iyawsañanïtapasa yatisini.

Apocalipsis 14:12

Ucatwa qhitinacatejj Diosancapqui, camachi arunacaparus jaysapcaraqui, Jesucristorus sum arcapcaraqui ucanacajja llamp'u chuymanïñapaw munasi.

Apocalipsis 3:10

Llamp'u chuymanïma satajj-jja ist'istawa, ucataracwa jichhajj jumar imäma cuna yant'anacatejj aca orakpacharu jutcani ucanacatjja. Uca yant'anacasti aca oraken utjiri jakenacar yant'añataquiw jutani.