Lucas 21:15 - Aymar Bibliia 1986

¹⁵ Nayaw jumanacarojj yatiñ cancañan phokt'at arunacsa, churapjjäma, ucarusti janiraquiw qhiti uñisirinacamasa camsañataquis ch'amanïpcaniti.

Qullan Arunaca

¹⁵ Nayaw jumanacarojj yatiñ cancañan phokt'at arunacsa, churapjjäma, ucarusti janiraquiw qhiti uñisirinacamasa camsañataquis ch'amanïpcaniti.

Qullan Arunaka DC

¹⁵ nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Lucas 21:15 Jak'a apnaqawi uñst'ayäwi

Proverbios 2:6

Tatituwa yatiña churirejja; lacapataracwa yatiña, uñt'aña arunacapajj misturaqui.

Jeremías 1:9

Ucatsti Tatitojj amparapa loktanisinjja, lacajjat llamct'itu, saraquituwa:

Ezequiel 29:21

“Uca urunacansti nayaw Israel marcarojj juc'ampi ch'ama yapt'araquëjja, ucampis jumajj, Ezequiel, jupanacampejj khanwa parlaraquïta. Ucapachaw yatipjjani nayajj Tatitu Diosätajja.”

Lucas 12:12

ucapachasti Kollan Ajayuw cunatejj sañanacamäcani ucjja yatichasipcätam.”

Lucas 21:16

Jumanacasti aljantatäpjjätawa awquinacamana, jilanacamana, familianacamana, uqhamarac amigonacamansa. Yakhepanacarojj jumanacatjja jiwayapjjaraquiniwa.

Lucas 24:45

Ucapachaw Kellkatanacatjj jupanacarojj amuyt'ayäna.

Hechos 2:4

Jupanacasti sapa mayniw Kollan Ajayumpi phokt'atäpjjäna. Ucatsti yakha arunac parlaña kalltapjjäna, cunjämarutejj Kollan Ajayojj parlaycäna uqhamarjama.

Hechos 24:25

Cunapachatï Pablojj parläna cheka sarnakañjjata, jiwaspach amuyasis sarnakañjjata, uqhamarac taripañ uru utjcani ucjjata, parlir ist'asinsti, Félix marca apnakerejj wal sustjasïna, saraquïnwa: —Sarjjam jichhajja, cunapachatï tiempojj utjitani, ucqhaw ist'añatac jawsayaraquïma —sasa.

Hechos 26:28

Agripasti juparojj sänwa: —Mä juc'atjamatwa Tatitur niyapun iyawsayistajja —sasa.

Hechos 6:10

Ucampis jupanacajj janiw atipañatac ch'amanïpcänti Esteban chachan parlataparojja, jupasti Kollan Ajayun ch'amapampejj wali yatiñampiw parläna.

Efesios 6:19

Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa.

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.