Lucas 19:9 - Aymar Bibliia 1986

⁹ Jesusasti saraquïnwa: —Jichhüruw khespiyasiñajj aca utar purini, aca jakesti Abrahaman wawanacapat jutiriraquiwa.

Qullan Arunaca

⁹ Jesusasti saraquïnwa: —Jichhüruw khespiyasiñajj aca utar purini, aca jakesti Abrahaman wawanacapat jutiriraquiwa.

Qullan Arunaka DC

⁹ Jesusasti juparux sarakïnwa: —Jichhüruw qhispiyasiñax aka utar purini, aka jaqisti Abrahaman wawaparakiwa.

Lucas 19:9 Jak'a apnaqawi uñst'ayäwi

Lucas 13:16

Aca warmisti Abrahaman wawanacapat jutiriwa, supayasti juparojj tunca quimsakallkoni maraw aca usumpejj chinuntäna. ¿Janiti usupat jararañajj waquisqui samarañ urunjja? —sasa.

Lucas 13:30

Ucapachaw yakhepa jichha khepancapqui ucanacajj nayrancapjjani, yakhepa nayrancqui ucanacasti khepancapjjaraquini.

Lucas 16:24

Ucatwa jach'at art'äna: “Abraham awqui, nayat qhuyapt'ayasita, Lazaroruy qhitanita luc'anapamp umar juricht'asin lajjrajj chhujt'ayañapataqui, aca ninansti nayajj walwa t'akhesiscta” sasa.

Lucas 16:30

Kamirejj ucjjarojj sänwa: —“Jïsa, Abraham awqui, ucampis maynitejj jiwatanac taypit jupanacar sarani ucqhajja, arrepientisipjjaniwa.

Lucas 2:30

Nayrajjampiw Khespiyirirojj uñjta.

Lucas 3:8

Sum sarnakapjjam, jumanacan arrepientisitanacamjja khanpacha uñacht'ayapjjañamataqui. Ucatsti janirac jumanaccamajj sapjjamti: “Nanacajj Abrahaman wawanacapäpjjtwa” sasa. Sapjjaracsmawa, Diosajj aca kalanacatsa Abrahaman wawanacapjja sartayaquispawa.

Romanos 4:16

Abrahamar arsutäcäna wawanacapataquisa ucajja, iyawsäw tokew phokhasiñapäna mä wajjt'asïwjama catokañataqui. Ucasti janiw leyirjam sarnakerinacataquïquiti, jan ucasti Abrahamjam iyawsirinacataquiraquiwa. Ucatwa jupajj take jiwasanacan awquisajja.

Gálatas 3:14

Acajj lurasïnwa cuna bendiciontejj Diosajj Abrahamaru arscäna ucajj Jesucristo toke churasiñapataqui, jan judiöpquis ucanacaru, uqhamarac cawquïr Ajaytejj Diosajj churañatac arscäna ucjja, iyawsañ toke catokañasataqui.

Gálatas 3:29

Jumanacatejj Cristoncapjjsta ucajja, Abrahaman wawanacapäpjjaractawa, cuntejj Diosajj arsuwaycäna ucsa catokapjjaraquïtawa.

Gálatas 3:7

Ucatpï jumanacajj yatipjjañamajja Abrahaman chekpach wawanacapajja iyawsañanïpjjewa.

1 Pedro 2:10

Jumanacajj nayrajj janiw mä marcäpcäyätati, jichhasti Diosan marcapäjjapjjtawa. Nayrajj janiw qhitis jumanacatjj qhuyapayascänti, ucampis jichhajj Diosaw qhuyapayasjjapjjtam.