Lucas 18:7 - Aymar Bibliia 1986

⁷ Uqhamasti Diosajj ¿janit arjjatcaraquispasti jupar arumay uru arnakasipqui uca ajllitanacaparusti? ¿Janit janc'aqui yanapt'caspajja?

Qullan Arunaca

⁷ Uqhamasti Diosajj ¿janit arjjatcaraquispasti jupar arumay uru arnakasipqui uca ajllitanacaparusti? ¿Janit janc'aqui yanapt'caspajja?

Qullan Arunaka DC

⁷ Diosasti ¿janit arxatkarakispasti jupar uruy aruma arnaqasipki uka ajllitanakaparusti? ¿Janit jank'ak yanapt'kaspasti?

Lucas 18:7 Jak'a apnaqawi uñst'ayäwi

Salmos 88:1

Tatitojjay, Khespiyir Diosajjay, urojj yanapam maysma, arumasti nayrakataman arnakasta;

Salmos 9:8

Asqui cancañampiw acapacharojj taripani, marcanacarusti chekaparuw uñjani.

Éxodo 22:23

jumanacatejj t'akhesiyapjjäta ucajja jupanacajj nayaruw arnakasipjjetani, ucatsti nayajj jupanacan arnakasitanacapjja ist'äwa.

Isaías 40:27

Israel, Jacobon marcapa, ¿Cunatsa jumajj sista? ¿Cunatsa uqham parlta? “Tatitojj janiw nayan cunancatajjsa amuyquiti, Diosajj janiw nayatjja llaquisquiti” sasa.

Habacuc 2:3

Janiraquiw horasäquiti aca uñjäwin phokasiñapajja; ucasti phokasipuniniwa. Amuyatajj janisay janc'äcpa, suyascaquim, purisincaniwa horasaparu.

Mateo 24:22

Diosatejj uca urunacjja jan jisc'aptaycaspa ucajja, janiw qhitis khespiyascaspati, ucampis Tatitojj jisc'aptayaniwa jupan ajllitanacapar munatap laycu.

Mateo 24:24

Ucürunacanjja walja sallkjirinacaw jutani: “Cristötwa” sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.

Mateo 7:11

Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Lucas 11:13

Jumanacatejj khorücasin wawanacamarojj sumanac churirïpjjstajja, ¡kawkha juc'amps alajjpachanquir Awquimajj Kollan Ajayjja churanejja mayipqui ucanacarojja!

Lucas 2:37

Jichhasti quimsakallk tunca pusini maranëjjänwa uca viudajja. Jupasti templotjja janiw misturïcänti, jan ucasti arumay uruwa Tatitur sirvïna ayunonaca, oracionanac lurasa.

Lucas 21:28

Cunapachatï acanacajj pasañ kalltani ucqhajja, ch'amachasipjjam, uqhamarac suyapjjam janc'aquiraquiw khespiyatäjjapjjäta.”

Romanos 8:33

¿Qhitis Diosan ajllitanacaparojj juchañchani? Diosaw jupanacarojj jan juchanit catoke.

Colosenses 3:12

Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.

1 Tesalonicenses 3:10

Uruy arumaw Diosar mayipjjtjja jumanacar nanac quipca uñjañataqui, uqhamat iyawsäwinacamajj phokhachañäquis ucajj phokhachatäñapataqui.

2 Tesalonicenses 1:6

Diosajj chekawa jumanacaru t'akhesiyapctam ucanacaru t'akhesiyañataquejja.

1 Timoteo 5:5

Mayni warmitejj chekpachana ijmächejja, sapaquirac kheparawayjjchi ucajja, Diosaruquiw suyt'i, jan karjtasinwa uruy aruma oracionjj luraraqui.

2 Timoteo 1:3

Diosarojj yuspagartwa jumat amtasisina uruy aruma oracionanacajjanjja, qhitirutejj nayajj k'oma chuymajjampi sirvctjja, cunjämatejj awquinacajjajj lurcäna uqhama.

2 Timoteo 2:10

Ucatwa take cuns t'akhestjja Diosan ajllitanacapar munatajj laycu, jupanacajj Cristo Jesusampi mayachasitasat jutquis uca wiñay jach'a khespiyasiña catokapjjañapataqui.

Tito 1:1

Naya Pablojj Diosan sirviripätwa, Jesucriston apostoloparaqui, jupan qhitataraqui qhitinactejj Diosajj ajllisqui ucanacar iyawsañar apaniñajjataqui, uqhamarac Diosan cheka yatichäwinacapsa uñt'apjjañapataqui,

1 Pedro 1:1

Naya Pedrojj Jesucriston apostolopätwa. Aca cartsti kellkasin apayanipjjaracsmawa qhitinacatï marcanacamat jayan utjasipjjta uca jilatanacaru. Jumanacasti Ponto, Galacia, Capadocia, Asia, uqhamarac Bitinia uca provincianacanwa utjasipjjaractajja.

2 Pedro 3:9

Tatitojj janiw armt'asquiti arunacapar phokhañjja, cunjämtï mayninacajj amuyapqui uqhama, jan ucasti jupajj suma chuymampiw suyt'asquistu; jupasti janiw munquiti qhitin chhakañapsa, jan ucasti muniwa takeninsa Diosar cutcatañapa.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 6:10

Ucanacasti jach'atwa art'apjjaraquïna: “Dios Tata, jumajj kollanätawa, arsutamarojj phokharactawa. ¿Cunapachcamaraqui jan juchañchcäta, oraken jacapqui uca nanacar jiwarayirinacarusti?” sasa.

Apocalipsis 7:15

“Ucataracwa jichhajj jupanacajj Diosan tronop nayrakatancasipqui uruy aruma Diosan templopana yupaychasa. Tronon kont'atäqui ucasti take jupanacarojj imaraquiniwa.