Lucas 11:19 - Aymar Bibliia 1986

¹⁹ Uqhamächi ucasti, ¿qhitirac jumanacan arquirinacamarusti jaksupjjañapataqui ch'am churisti? Jupanacaw jumanacan pantjatäpjjatamjja uñacht'ayapjje.

Qullan Arunaca

¹⁹ Uqhamächi ucasti, ¿qhitirac jumanacan arquirinacamarusti jaksupjjañapataqui ch'am churisti? Jupanacaw jumanacan pantjatäpjjatamjja uñacht'ayapjje.

Qullan Arunaka DC

¹⁹ ukhamächi ukasti, ¿khitirak jumanakan arkirinakamarusti ñanqha ajayunak jaqsupxañapatak ch'am churisti? Ukatpï, jupanak pachpaw ukham arsupxatamat jumanakar juchañchapxätam.

Lucas 11:19 Jak'a apnaqawi uñst'ayäwi

Job 15:6

“Janiraquiw nayan jumar juchañchañajjasa waquisquiti, jan ucasti juma pachpaw arunacamampi juchañchasisctajja.

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 4:24

Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Lucas 19:22

Ucat reyejj jupar saraqui: “Jan wali sirviri, quicpa arunacamampiw juchañssma. Jumatï yatchïyätajja nayan khoru jakëtajja, jan uchcta ucqhat apthapirïtajjsa, uqhamarac cawqharutï jan yapuchctsa ucqhat yapu apthapirïtajjsa.

Lucas 9:49

Ucat Juanajj jupar saraquïna: —Yatichiri, uñjapjjtwa mayni jakeru sutiman ñankha ajayunac jaksuri, ucarusti nanacajj jarc'apjjtwa jan jiwasamp chic sarnakatap laycu.

Hechos 19:13

Ucampis yakhep judionacaw utjäna, marcat marca sariri. Ucanacasti ñankha ajayunacwa jakenacat alissupjjerïna. Jupanacasti Tatit Jesusan sutip aytasisaw ñankha ajayunacar alissuñ munapjjäna, aqham sasa —“¡Qhitittï Pablojj parlqui uca Jesusan sutiparuw sapjjsma: Mistupjjam!” sasa.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.