Lucas 1:46 - Aymar Bibliia 1986

⁴⁶ Ucatsti Mariajj sänwa: “Almajjajj Tatituruw jach'ar apti.

Qullan Arunaca

⁴⁶ Ucatsti Mariajj sänwa: “Almajjajj Tatituruw jach'ar apti.

Qullan Arunaka DC

⁴⁶ Ukatsti Mariax sänwa: “Ajayuxax Tatituruw jach'ar apti;

Lucas 1:46 Jak'a apnaqawi uñst'ayäwi

Salmos 35:9

Nayasti Tatitumpiw cusisï, nayar khespiyatapat cusisï.

Isaías 45:25

Nayïpanwa, take Israel marcajj atipjani, nayancatapatsti wali cusisiraquini.”

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Romanos 5:11

Janiw ucaquïcaraquiti jan ucasti Diosancjjasinjja cusisiractanwa Jesucristo toke, Tatit Jesucristos tokew Diosampejj sumancthapitäjjtanjja.

1 Corintios 1:31

Ucatpï Diosan arupajj sejja: “Qhititejj jach'achasiñ munqui ucajja, Tatitut jach'a tucpan” sasajja.

2 Corintios 2:14

Yuspagaratäpan Diosajja. Jupasti atipañarupuniw irpistu Cristomp chica, jiwas tokeraquiw arunacapsa yatiyi mä suma k'apquir kolläcaspas uqham take chekar puriyasina.

Filipenses 3:3

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Filipenses 4:4

Tatituncasajj cusisitäpjjapunim take urunacana. Wasitat sapjjsma, cusisipjjam.

1 Tesalonicenses 5:23

Pachpa sumancañ Diosajj jumanacarojj phokhat k'omachäwimp k'omachpan, uqhamarac imaracpan ajaysa, almsa, janchissa, jan acch'a juchani Tatit Jesucristosan jutañapcama.

1 Pedro 1:8

Jumanacajj jan uñjapcsta ucasa, Jesucristorojj munapjjtawa, uqhama jan uñjcasasa iyawsapjjaractawa, waliraqui cusisipjjtajja. Uca jach'a cusisiñanacamasti janiw arunacampi arsuñjamäquiti,