Levítico 22:10 - Aymar Bibliia 1986

¹⁰ “Janipuniw yakha marcat jutiri jakenacajj cunatejj kollanäqui ucanacatjja mank'caniti. Janiraquiwa sacerdoten korpachatapasa, ni sacerdotetaqui irnakeri jakesa uca kollana yänacatjja mank'añapäquiti.

Qullan Arunaca

¹⁰ “Janipuniw yakha marcat jutiri jakenacajj cunatejj kollanäqui ucanacatjja mank'caniti. Janiraquiwa sacerdoten korpachatapasa, ni sacerdotetaqui irnakeri jakesa uca kollana yänacatjja mank'añapäquiti.

Qullan Arunaka DC

¹⁰ “Janipuniw yaqha jaqix kunatix qullanäki ukanakat manq'añapäkiti. “Sacerdoten qurpachatapäpasa, irnaqiripäpasa, janipuniw uka qullan manq'anakat manq'apxañapäkiti.

Levítico 22:10 Jak'a apnaqawi uñst'ayäwi

Esdras 2:63

Ucjjarusti gobernadorajj jupanacarojj yatiyänwa loktat mank'anacata jan mank'apjjañapa, mä sacerdotejj Urim, Tumim ucanac toke cunjämänis uca yatiñapcama.

Éxodo 12:43

Tatitusti Moisesampiru, Aaronampirojj sänwa: “Acawa leyejj Pascua toketjja: Janiwa qhiti jaya marcanquir jakesa, uca sacrificio loktat uywjja mank'añapäquiti.

Éxodo 12:45

Janiwa jaya marcanquirisa, ni irnakerisa uca loktat uywjja mank'añapäquiti.

Éxodo 29:33

Jupanacasti ucanacjja mank'apjjañapawa jupanacan juchanacapajj perdonatäñapataqui loktatätap laycu, cunapachatejj jupanacajj loktatäqui sacerdotëpjjañapataqui ucqha. Ucampis yakhanacajja janiwa ucanacatjja mank'apjjañapäquiti, ucanacajj Tatitur loktatätap laycu.

Ezequiel 44:8

Nayan kollana arunacajjsti, cunjämatejj nayajj jupanacarojj jaytta uqhamarjamajj janiw phokhapquiti, ucatsti uca luräwinacjja yakha marcanacanquiri jakenacaruquiw catuyjjapjje jupanacan lurapjjañanacapataqui.’

Levítico 21:22

Ucampisa uca t'ant'atjja, uqhamarac uca kollana jan ucajj sinti kollana yänacatsa mank'ascaniwa,

Levítico 22:13

Ucampisa maynitejj chachampi jaljtata warmïchi jan ucajj viuda warmïchisa, janiraqui wawanïcchiti, ucatsti awquipan utaparu cuttawayjjaracchi solteräcaspas uqhama, uca warmisti awquipan mank'añanacapatwa mank'ascaraquini. Ucatsipana janipuniw yakha marcat jutirinacajja uca mank'at mank'caniti.

Números 3:10

sacerdocio lurañanacsti Aaronan wawanacapan amparaparu jaytaraquim. Maynitejj jan cunäcasina sacerdotet sarnakani ucajj juchañchasin jiwayatäniwa.”

Mateo 12:4

Diosan utapar mantasinjja, kollanäquis uca t'ant'anacwa mank'antäna, ucasti janiw juparojj wact'cänti ni amigonacaparus uca mank'añapajja, jan ucasti sacerdotenacaquiw mank'añapäna.

1 Samuel 21:6

Uqhamasti sacerdotejj uca Tatitur loktata t'ant'jja Davidaruw churjjäna. Ucansti janiraquiw yakha t'ant'ajj utjcänti, uca loktat t'ant'anacaquïnwa, uca quipca urpacharaquiw altaratjja apakatäjjäna, ucat uca lantjja junt'u t'ant'a uscjjañataqui.

1 Samuel 21:7

Uca urusti ucancascaraquïnwa Saúl reyin mä oficialapajja. Jupasti kollanawjaruw khepararaquitayna. Uca jakesti mä edomita jakënwa, Doeg sata, Saúl reyin awatirinacapan jilïriparaquïnwa.