Juan 8:29 - Aymar Bibliia 1986

²⁹ Qhititejj nayar qhitanquitu ucajja nayampïsquiwa; Awquejjajj janiw sapac jaytquituti, nayajj jupar cusisiyquirpun cuns luratajj laycu.

Qullan Arunaca

²⁹ Qhititejj nayar qhitanquitu ucajja nayampïsquiwa; Awquejjajj janiw sapac jaytquituti, nayajj jupar cusisiyquirpun cuns luratajj laycu.

Qullan Arunaka DC

²⁹ Khititix nayar khithankitu ukax nayampïskiwa; Awkixax janiw sapak jaytkituti, kunatix jupar kusisiyki ukpin nayax lurta.

Juan 8:29 Jak'a apnaqawi uñst'ayäwi

Isaías 42:1

“Acajj sirvirejjajja, qhitirutejj nayajj uywascta ucajja, ajllisitajjawa, jupanracwa cusistjja. Ajayojjsa jupjjaruraquiw uchtjja, uqhamat cunatejj chekapäqui ucanac take marcanacaru apaniñapataqui.

Isaías 42:21

Tatitusti, mä khespiyiri Diosätapatjja, yatichäwipjja jach'a c'ajquiri tucuyañrac munänjja;

Isaías 42:6

“Naya, Tatituw, jumarojj jawssma cheka cancañajj phokhañamataqui, amparamatracwa wayjjarsma, uqhamat jumajj khespiyasiñ apañamataqui; nayaw jumarojj sayt'aysma, munaractwa jumajj mä chimpüñama marcajjampi arust'äwiru mantatajjatjja, marcanacataquisa mä khanäñamaraqui.

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Mateo 3:15

Jesusasti ucjjarojj saraquïnwa: —Jichhajj uqhamaquïpsama, waquisiw Diosan munañap phokhañasajja —sasa. Ucatwa Juanajj Jesusar bautisäna.

Mateo 3:17

Alajjpachatsti ist'asiraquïnwa mä aru aqham siri: “Acawa munat Wawajjajja, cawquïrirutejj nayajj ajllista ucajja” sasa.

Juan 14:31

Cuntejj Awquejj sisquitu uc lurta, acapachajj nayan Awquir munatajja yatiñapataqui. “Sartapjjam, sarjjañäni.”

Juan 15:10

Nayan camachinacajjtï phokhapjjäta ucajja, nayajj munasipcsma uca munasiñanwa sarnakapjjäta, cunjämtejj nayajj Awquejjan camachinacap phoktjja uqhamarac jupajj nayar munasitu ucanaracwa sarnakta.

Juan 16:32

Uqhamajj horasajj puriniwa, jichhpacharaquiw jumanacajj saräwinacamarjama willinuctawayjjapjjaraquïta, nayarusti sapacwa jaytapjjetäta. Ucampis janiw nayajj sapaquïcti jan ucasti Awquiw nayampïsqui.

Juan 17:4

“Nayaw aca orakenjja jach'añchsma, tucuyaractwa cuntejj lurañ churquista ucsa.

Juan 4:34

Jesusasti jupanacarojj saraquïnwa: —Nayan mank'ajjajj qhititejj qhitanquitu ucan munañapa, uqhamarac lurañapa phokhañajjawa.

Juan 5:30

“Naya pachpatjja janiw cuns lurquiristti. Nayajj juchañchtwa cuntï Awquejjajj sisquitu uqhamarjama, juchañchañajjasti chekawa. Janiw nayajj munañajjarjama lurañ muncti, jan ucasti Awquejjajj qhitanquitu ucan munañaparjamaw lurta.

Juan 6:38

Nayasti janiw alajjpachat munañajj lurasir jutcti, jan ucasti qhitanquitu ucan munañap luririw jutta.

Juan 8:16

ucampis nayatejj juchañchirista ucajja chekapäspawa. Janiw naya sapaqui juchañchcti jan ucasti qhitanquitu uca Awquejjampiw juchañchapjjta uca laycu.

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

2 Timoteo 4:22

Tatit Jesucristojj jumampipunïpan, uqhamarac Diosajj qhuyapayasiñapjja churpan take jumanacjjaru.

Hebreos 4:15

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

1 Juan 2:1

Munat wawanacajja, acanacwa kellkanipjjsma juch jan lurapjjañamataqui. Ucampis cawquïritejj juchañchasqui ucataquejj, utjistuwa mä arjjatirisa alajjpach Awquisan nayrakatapana, ucasti Jesucristowa, jupajj chekawa.

1 Juan 3:22

jupasti churistaniwa take cuntejj mayiñäni uca, camachinacapar jaysatas laycu, luräwinacasamp cusisiyatas laycuraqui.