Juan 7:41 - Aymar Bibliia 1986

⁴¹ Mayninacajj sapjjaraquïnwa: —Acajj Cristowa —sasa. Ucampis mayninacajj sapjjaraquïnwa: —¿Cunjämarac Galileat Cristosti jutaspasti?

Qullan Arunaca

⁴¹ Mayninacajj sapjjaraquïnwa: “Acajj Cristowa” sasa. Ucampis mayninacajj sapjjaraquïnwa: “¿Cunjämarac Galileat Cristosti jutaspasti?

Qullan Arunaka DC

⁴¹ Mayninakasti sapxänwa: —Akax Cristowa —sasa. Ukampis mayninakax sapxarakïnwa: —¿Kamisarak Cristosti Galileat jutaspasti?

Juan 7:41 Jak'a apnaqawi uñst'ayäwi

Juan 1:41

Andresajj janïr cunäquipana Simón jilaparuw thaker saräna, ucatsti saraquïnwa: —Mesiasaruw jicjjatapjjta. (Ucasti Cristo sañwa muni.)

Juan 1:46

Natanaelasti ucjjarojj saraquïnwa: —Nazaret marcatjj ¿cuna sumarac mistuspa? —sasa. Felipesti saraquïnwa: —Jutam uñjiri —sasa.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 4:25

Ucjjarusti warmejj saraquïnwa: —Nayajj yattwa Cristo sutini Mesiasan jutañapa; cunapachatejj jupajj jutcani ucqhawa take cun yatichistani —sasa.

Juan 4:29

—Jutapjjam uñjiri, mä chachaw take luratanacajj khanañchitu. ¿Janit Cristöcpacha? —sasa.

Juan 4:42

Ucatsti warmirojj sapjjänwa: —Jichhajj, janiw juman arsutamatacti iyawsapctjja, jan ucasti nanac pachpawa jupat ist'apjjtjja, yatipjjaractwa jupajj acapachan khespiyiri chekpach Cristötapa.

Juan 6:69

Nanacajj iyawsjjapjjtwa, uqhamarac yatipjjtwa jumajj jacquiri Diosan Yokapa Cristötama —sasa.

Juan 7:27

Jiwasanacajj yattanwa acajj cawquittejj jutqui ucjja, ucampis Cristojj jutcani ucjj janiw qhitis cawcsat jutatapas yatcaniti —sasa.

Juan 7:31

Ucampis waljaninacaw jupar iyawsapjjäna, sapjjaraquïnwa: —Cristojj jutcani ucqhajja ¿juc'ampi milagronaca unañchanactï luraspa aca jaket sipansa? —sasa.

Juan 7:52

Juparusti sapjjaraquïnwa: —¿Jumajj Galileanquiriraquïtati? Kellkatanac uñjjatam, ucatpï yatïtajja jan qhiti profetas Galileat jutatapjja —sasa.