Juan 15:22 - Aymar Bibliia 1986

²² “Janitejj nayajj jupanacar parliri jutquiriscäyäta ucajja, janiw juchañchatäpcasapänti, ucampis jichhajj juchanacapatjja juchañchatäpjjapuniniwa.

Qullan Arunaca

²² “Janitejj nayajj jupanacar parliri jutquiriscäyäta ucajja, janiw juchañchatäpcasapänti, ucampis jichhajj juchanacapatjja juchañchatäpjjapuniniwa.

Qullan Arunaka DC

²² “Janitix nayax jupanakar parlir jutkiriskäyätxa, janiw kuna juchanïpkasapänsa. Ukampis jichhax juchañchatäpxapuniniwa;

Juan 15:22 Jak'a apnaqawi uñst'ayäwi

Ezequiel 2:5

Parlatamarojj ist'apjjpas janis ist'apjjpan, jupanacajj nayataqui sayt'asiri jakenacäpjjewa, ucampisa uca parlatamampejja jupanacajj yatipjjaniwa mä profetan jupanac taypin utjatapa.

Lucas 12:46

ucapachaw utanipajj jan suyquis uca uru cutt'anjjani, jan yatquis uca horasaruraqui; ucat uca uywatarojj jach'a mutuña churani jan iyawsirinacamp chica t'akhesiñapataqui.

Juan 12:48

Qhititejj nayaru jisc'achquitu, ucatsti janiraqui arunacajjarjam lurquiti, ucan juchañchiripajj utj-jjewa. Cawquïr arunactejj nayajj arsctjja ucanacaw juchañchascani juparu khepa urunjja.

Juan 15:23

Qhitinacatejj nayar uñisipquitu ucanacajja, Awquejjarojj uñisiraquiwa.

Juan 15:24

Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.

Juan 16:9

Juchanïpjjewa nayar jan iyawsapjjatap laycu.

Juan 19:11

Jesusasti sänwa: —Nayataquejj janiw cuna munañanïcasmasa, janitejj Diosajj churquiristam ucajja; ucatpï jichhajj cawquïritejj jumar catuyquitu ucajja, jumat sipansa juc'amp juchanejja —sasa.

Juan 9:41

Ucjjarojj Jesusajj saraquïnwa: —Jumanacatejj juyqhüpjjasmajja janiw juchanïpcasmati. Ucampis “Uñjapjjtwa” sapjjatam laycuw juchanïpjjtajja —sasa.

Hechos 17:30

Diosajj nayra jaquir jakenacan pisi amuyump jacatanacapjja janis cunäcaspa uqhamwa imantäna. Jichhasti takeniruw take token yatiyi, uca jan wali sarnakäwinac apanucupjjañapataqui.

Romanos 1:20

Diosan jan uñjcay yänacapajj jupan luratanacap tokew uñacht'ayasi. Khanpachwa uñacht'ayasi cunapachatejj aca orakejj luratäcäns ucürutpacha jupajj Diosätapa, ch'amapajj jan tucusquiriraquïtapa. Ucatpï jakenacajj jan cunjämats jupat jaltapcaspatejja.

Romanos 2:1

Take ucanac luratam laycusti jumajj jan cuna arsusiñaniw uñjastajja jumajj qhitïscamsa. Jakenacarusti juchañcharactawa uqham juchañchasinsti juma quipcaw juchañchastajja, juman uca quipca luratam laycu.

Santiago 4:17

Qhititejj asqui lurañ yatqui ucatsti janirac lurquiti ucajja, juch lurasqui.

1 Pedro 2:16

Khespiyata sarnakasiñan jakenacjam sarnakapjjam, ucampis uca khespiyat sarnakasiñanacamasti janiraqui cuna jan wali lurañataquïpasa, jan ucasti Diosan esclavonacapjam sarnakapjjam.