Juan 13:22 - Aymar Bibliia 1986

²² Uc ist'asinjja discipulonacapajj jupanaccam uñcatasisinjja janiw qhitjjat parlatapsa yatipcaraquïnti.

Qullan Arunaca

²² Uc ist'asinjja discipulonacapajj jupanaccam uñcatasisinjja janiw qhitjjat parlatapsa yatipcaraquïnti.

Qullan Arunaka DC

²² Uk ist'asinsti, yatiqirinakapax jupanakkamaw uñkatasipxäna, janiw khitit parlatapsa yatipkänti.

Juan 13:22 Jak'a apnaqawi uñst'ayäwi

Génesis 42:1

Jacobojj Egipton trigo utjascatap yatisinjja, yokanacaparojj sänwa: “¿Cuns ucan jumanacajj jumanaccama uñch'uquisisajj lurasipcta?

Mateo 26:21

Mank'casinsti jupanacarojj aqham sänwa: —Khanacwa sapjjsma, jumanacat maynïriwa nayarojj aljantitani —sasa.

Mateo 26:22

Discipulonacapasti wali llact'ataw ucapachajj uñjasipjjäna, maynit mayniruraquiw jisct'asipjjäna: —Tata, ¿nayätti? —sasa.

Marcos 14:18

Mesan kont'at mank'ascasinsti, Jesusajj jupanacarojj sänwa: —Khanacwa sapjjsma, nayamp chic mank'apctas ucanacat mayniw aljantitani —sasa.

Marcos 14:19

Uc ist'asinsti jupanacajj llacthaptapjjänwa. Sapa mayniraquiw Jesusarojj jisct'asipjjaraquïna: —¿Nayätti? —sasa. Maynisti —¿Nayätcha? —saraquïnwa.

Lucas 22:21

Jichhasti qhititejj nayar aljantquitani uca jaken amparapajj nayan amparajjamp chicäsquiwa mesana.

Lucas 22:23

Ucatsti jupanaccamaw jisct'asipjjäna —¿Qhitirac aljantanisti? —sasa.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: “Cawquïritejj nayamp chica mank'qui ucajja nayataquiw sayt'i” sasa.

Juan 13:21

Uc arsusinjja Jesusajj chuymapanjj wali llact'atawa uñjasïna, ucatsti khanacwa arsuraquïna aqham sasa: —Khanacwa sapjjsma, jumanacat maynïriw aljantitani —sasa.