Joel 1:4 - Aymar Bibliia 1986

⁴ Takwa t'ijut'ijunacajj mank'suwayapjje, cuntejj mayninacajj jilt'ayapcän ucsa yakhanacaw jutasin k'al mank'suwayapjje.

Qullan Arunaca

⁴ Takwa t'ijut'ijunacajj mank'suwayapjje, cuntejj mayninacajj jilt'ayapcän ucsa yakhanacaw jutasin k'al mank'suwayapjje.

Qullan Arunaka DC

⁴ T'iju t'ijunakax q'al manq'suwayapxi, kuntix mayninakax jilt'ayapkän uksa yaqhanakaw jutasin q'al manq'suwayapxi.

Joel 1:4 Jak'a apnaqawi uñst'ayäwi

1 Reyes 8:37

“Cunapachatï aca orakena utjcani mach'anacasa, usunacasa, ayrunacasa lupimpi wañsjjani, sirq'is sirq'intjjani, t'ijut'ijunacasa wal utjani ucqhajja; cunapachatï uñisirinacajj marcanacajjaru muyuntasina nuwantapcani, jan ucajj cuna jan walt'añanacasa usunacasa jutani ucqhajja,

2 Crónicas 6:28

“Cunapachatï aca orakena utjani mach'anacajja, usunacasa, jan ucajj alinacasa wañsjjchini wali lupïtap laycu, jan ucajj khesti usunacas alinacaru tucuntani, jan ucajj langostas, pulgón uca jisc'a lak'onacas alinacar tucuntani; cunapachatï uñisirinacajj aca marcaru muyuntani nuwantañataqui, uqhamaraqui yakha jan walt'añanacasa, usunacasa jutcani ucqhajja,

2 Crónicas 7:13

Uqhamasti, nayatejj waña pacha apayanëjja, jan jallu puriyasa, jan ucajj t'ijut'ijunacarusa yapunaca tucjayäsa ucasa, jan ucajj cunayman usunacsa marcajjaru apayanï ucasa,

Salmos 105:34

Diosajj t'ijut'ijunacan puriniñapataquejj aruc arsüna, jan jact'cay t'ijut'ijunacaw purintäna,

Salmos 78:46

jump'ipamp achuyat yapunacsti, t'ijut'ijunacaruw catuyäna,

Éxodo 10:4

Janitejj marcajjar sarjjañapatac antutañ muncäta ucajja, nayasti kharürojja t'ijut'ijunacwa marcamarojj qhitanëjja,

Éxodo 10:5

ucawa orakerojj phokhantani, janiw mä jisc'a orakes uñstcaniti. Ucatsti mank'antapjjaniwa cunanacatejj chhijchhita jilt'qui ucanaca, uqhamarac pampana kokanacajj jilt'qui ucanacsa take mank'antapjjani.

Isaías 33:4

uñisirinacapasti t'ijut'iju tamjamaw, jupanacjjaru chhucjjatapjje, kamir cancañanacapsa apakapjjaraquiwa.

Jeremías 51:14

Take ch'amani Tatitu Diosasti pachpa jacañapjjaruw juramentompi arsuraqui: “¡Uñisirinacamampisti t'ijut'iju lak'onacampjamaw phokhantäma, jupanacasti jumaru atipjasinjja jach'at arnakasipjjani!.”

Jeremías 51:27

“¡Marcansti nuwantañataqui chimpu churapjjam! Trompetanac phust'apjjam, marcanacarusti waquichapjjaraquim Babiloniaru nuwantapjjañapataqui. ¡Jupa tokesti Ararat, Mini, uqhamarac Askenaz marcanaca toke sayt'apjjam! ¡Jumanacan nuwasiñanacama sum sarayañapataquisti mä general chhijllasipjjaraquim! ¡Caballeriarusti wali khoru t'ijut'ijunacarjamaraqui nayraru ant'apjjam!

Joel 2:25

“T'ijut'ijunac jumanac contra qhitancta ejercitor uñtata jumanacar tucjañataqui uca maranacatjja, nayaw cuttayjjapjjäma.

Amós 4:9

“Azot'ipjjaracsmawa junt'u thayanacampi, alinacsti usunacampiraqui; huertonacapsa, uva yapunacaps pharsuyaractwa; higo kokanacapsa, aceituna kokanacapsa t'ijut'ijunacaraquiw mank'suwayjjejja; ¡ucampis jumanacajj janiw nayarojj cutt'anipctati!” Uqham siw Tatitojja.

Amós 7:1

Acwa Dios Tatitojj uñacht'ayitu: Uñjtwa juparu t'ijut'ijunac lurasquiri cunapachatï khepa sata yapojj alinokascäna ucqha, ucasti lurasiwa reyin cosechapa apthapitat kheparu.

Malaquías 3:11

Janiraquiwa cuna lak'onacas yapunacamarojj tucjcaniti ni uva yapunacamas wañscaraquiniti.

Deuteronomio 28:38

Yapunacamarojj walja jathampiw yapuchascäta, ucampis juc'a achunacac apthapïta, t'ijut'ijunacan mank'supjjatap laycu.

Deuteronomio 28:42

Orakeman take kokanacapasa, achunacapasa t'ijut'ijunacan tucjatäniwa.