Génesis 48:1 - Aymar Bibliia 1986

¹ Mä kawkha tiempo pasipansti Josearojj awquipan usutätapwa yatiyapjjäna. Ucatsti Joseajj uñjiriw sararaquïna, Manasés, uqhamarac Efraín wawanacapas irpt'ata.

Qullan Arunaca

¹ Mä kawkha tiempo pasipansti Josearojj awquipan usutätapwa yatiyapjjäna. Ucatsti Joseajj uñjiriw sararaquïna, Manasés, uqhamarac Efraín wawanacapas irpt'ata.

Qullan Arunaka DC

¹ Mä qawqha pachatsti, Joseax awkipan sinti usutätap yatisin, jupax Manasés, Efraín wawanakap irpt'ataw awkipar tumpt'ir saräna.

Génesis 48:1 Jak'a apnaqawi uñst'ayäwi

Génesis 46:20

Josean wawanacapasti Asenat warmimpejja acanacänwa: Manasés, Efraín ucanaca. Jupanacasti Egipton nacirïpjjänwa. Asenat warmisti Potifera sat On sacerdoten phuchapänwa.

Génesis 48:2

Cunapachatejj Jacoborojj José yokapan jupar uñjiri jutascatap yatiyapjjän ucqhasti, wali ch'ama apsusaw iquiñapar kont'asi.

Génesis 48:5

Jichhajja Egiptor janïra nayajj purinctsa ucqha nazqui uca Efraín, uqhamarac Manasés wawanacamajj nayancjjewa. Jupanacajj Rubén, uqhamarac Simeón wawanacajj-jamaraquiwa.

Génesis 50:23

uqhamaraqui Efraín wawapan allchhinacaparus uñt'asiwaycataynawa. Uqhamaraquiw Maquir allchhipan wawanacaparus familiaparu catokäna, uca Maquirasti Manasesan wawapänwa.

2 Reyes 13:14

Eliseojj wali usuntata jiwañampïnwa, ucatsti jupan ucarojj Israelan reyipaw uñjir jutäna, jacht'asisaw khomantäna, aqham sasa: —¡Awquejja, awquejja, jumasti Israel marcataquejja wali ch'aman ejercitjamäyätawa! —sasa.

2 Reyes 13:20

Eliseojj jiwjjänwa, ucatsti imt'jjapjjänwa. Cunjämtejj sapa marasa lunthata moabita jakenacaw tam, tama Israel orakerojj jutapjjäna.

Job 42:16

Uca khepatsti Job chachajj pataca pusi tuncani marampwa jacascäna, wawanacaparusa uñjasiwaycaraquïnwa, allchhinacan allchhinacapcama. Ucatsti Job chachajj wali chuymaniwa jiwjjäna, walja maranaca jacasaraqui.

Salmos 128:6

¡Allchhinacamar uñjañcam jacawayam! ¡Israel marcansti sumancañajj utjpan!

Juan 11:3

Aca pani cullacawa Jesusaru yatiyäna. —Tata, amigomaw usuta —sasa.

Hebreos 11:21

Iyawsäwi tokeraquiw Jacobojj niya jiwañampëjjäna ucqhajja, bendición churäna Josean sapa mayni wawanacaparu, ucatsti Diosarusa yupaychäna thujrupata thujrt'asisina.

Josué 14:4

José chachan wawanacapajj paninïnwa, Manasés, uqhamaraqui Efraín sutini. Ucanacasti pä tribüpjjaraquïnwa, ucatsti Leví triburojj janiw cunsa churcänti, jan ucasti cawqhantï jacapcaspa uca marcanacaqui churänjja, uqhamaraqui paston chekanaca uywanacap awatisiñataqui