Génesis 42:2 - Aymar Bibliia 1986

² Egipton trigojj utjasqui sapjjetuwa. Ucar sarapjjam, trigo alt'anipjjam jan mank'atjama jiwarañasataqui” sasa.

Qullan Arunaca

² Egipton trigojj utjasqui sapjjetuwa. Ucar sarapjjam, trigo alt'anipjjam jan mank'atjama jiwarañasataqui” sasa.

Qullan Arunaka DC

² Egipton trigox utjaski sapxituwa. Ukar trigo alir sarapxam, manq'atjam jan jiwaraskañasataki —sasa.

Génesis 42:2 Jak'a apnaqawi uñst'ayäwi

Génesis 42:3

Ucatsti Josean jilanacapajj tuncaniw Egiptor sarapjjäna trigo alt'asiñataqui;

Génesis 43:2

Uqhamasti Jacobompi, wawanacapampejja, cunapachatejj Egiptot apapcatayna uca trigo tucuntjjapjjän ucqhasti Jacobojj yokanacaparojj sänwa: —Sart'apjjaquim wasitata, ucatsti trigo alt'anipjjam —sasa.

Génesis 43:4

Jumatejj Benjamín irpayapjjetät ucqhajj sarapjjäwa, trigo alt'irejja,

Génesis 43:8

Judá yokapasti Israel awquiparojj sänwa: —Jichhasti sullcarojj nayampi chica sarayita, ucatjja anchhitpachaw sarapjjä, uqhamatwa jan jiwcañäniti, jumasa, nanacasa, wawanacajjasa.

Génesis 45:9

Jichhajj janc'aqui awquejjan ucar sarapjjam, ucatsti sapjjaraquim: “Aqham siwa José wawamajja: ‘Diosaw nayarojj aca Egipto marcan mä jach'a jilïrit utt'ayitu, jichhajj janc'aquiy jutam nayampi jiquisiri.

Salmos 118:17

Janiw jiwcäti, Tatitun luratanacap yatiyañataquejj jacascaquïwa.

Salmos 33:18

Tatitusti iyawsirinacaparojj sum uñjasqui, qhuyapayasiñap suyt'irinacarojj imasquiwa,

Salmos 33:19

jiwan amparapat jupanacar khespiyañataqui, mach'a pachanacan chuymachañataqui.

Isaías 38:1

Uca urunacasti Ezequías reyejj walpun usuntäna, Amoz chachan yokapa Isaías profetaw uñjir saräna, saraquïnwa: —Tatitojj aqham siwa: “Cuna ewjjanacsa familiamarojj ewjjt'asiwayjjam, jichhajj jiwjjätawa, janiw kollascätati” —sasa.

Mateo 4:4

Jesusasti juparojj saraquïnwa: —Diosan arupanjja kellkatawa: “Janiw jakejj t'ant'a sapampiquiti jaccani, jan ucasti take cuntejj Diosajj sisqui uca arunacampiw jacaraquini” —sasa.

Hechos 7:12

Jacob awquisajj Egipton trigo utjatap yatisinjja, wawanacaparuw qhitäna, ucanacasti jiwasan nayra awquinacasawa. Jupanacasti jan uñjcasaw Egipto marcar sarapjjäna.