Génesis 23:4 - Aymar Bibliia 1986

⁴ —Nayajj jumanac taypinjja yakha marcat jutir jakëcta ucasa, mä sepulturay aljt'apjjeta, warmejja imt'asiñataqui —sasa.

Qullan Arunaca

⁴ —Nayajj jumanac taypinjja yakha marcat jutir jakëcta ucasa, mä sepulturay aljt'apjjeta, warmejja imt'asiñataqui —sasa.

Qullan Arunaka DC

⁴ —Nayax jumanak taypin yaqha markat jutir jaqikïkta ukasa, amay imäwi uraqi aljt'apxita, warmixan jiwat amayap imt'xañataki —sasa.

Génesis 23:4 Jak'a apnaqawi uñst'ayäwi

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Génesis 23:5

Hitita jakenacasti Abrahamarojj sapjjaraquïnwa:

Génesis 3:19

Sapüru mank'añamsti jump'imampiraquiw jicjjatäta, cuna lak'ata luratäctatejj ucar cutt'añamcama, lak'ätawa, lak'aruraquiw cuttäta —sasa.

Génesis 47:9

—Pataca quimsa tuncani maranëjjtwa, ucsa acsa sarnakaracta, uqhamarus jan wali juc'a maranacaquiw jacaracta, janïraraquiw kawkha maranacatejj awquinacajjajj jacapcäna ucaru purcti —sasaw Jacobojj saraquïna.

Génesis 49:30

qhaysa Canaán orakena, Macpela sisqui uca chekancqui uca cuevaru Mamre uñcatasiru, cuntejj Abrahamajj Efronat alcatayna uca orakeru, take familian sepulturapäñapataqui.

Génesis 50:13

Canaán orakeruw apjjapjjaraquïna, Macpela sisqui uca puturuw imantjjapjjaraquïna, ucasti Abrahaman alatänwa Efrón sata hitita jaketa, familiapan sepulturapäñapataqui. Aca orakesa, uqhamaraqui uca putusa, Mamretjja inti jalsu tokenquiwa.

1 Crónicas 29:15

Juman nayrakatamanjja cunjämatï jaya jakejj saräwincquejja uqhamaquïpjjtwa, uqhamaraqui cunjämäpcäntï nayra awquinacajjajja uqhamaquïpjjaractwa, ucatsti nanacan jacäwinacajjajja aca orakenjja mä ch'iwir uñtataquiwa, jan cuna suyt'añani.

Job 30:23

Yatiractwa jumajj nayarojj jiwañaru apañ munatama, cawqharutejj take jakejj puriñapäqui ucaru.

Salmos 119:19

aca orakenjja sart'ir jakequïtwa: janiquiy arsutanacam nayatac imantamti;

Salmos 39:12

“Tatay, mayisitajjar ist'am, arnakasitajjar yäkam, janiquiy jachatajjataquejj okarar tucumti: nayajj juman jawst'ataquïtwa, nayrapach awquinacajj-jam sarir jakequïtwa.

Éxodo 2:22

Ucampis Moisesan warmipajja mä yokall wawa wawachasïna, ucatsti Moisesajj, wawaparojj Gersón sasaw sutichäna, saraquïnwa: “Nayajja janiw aca orakenquirïcti” sasa.

Eclesiastés 12:5

kollu patanacasti ajjsarayaniwa, ucatsti thaquinjja jan walt'añanacaw utjani. Almendrojj pankarañ kalltani, t'ijut'ijusti jathiw tucjjani, alcaparrasti janiw cunataquis asquïcjjaniti. Ucampis jakejj wiñay utjasïwiparuw sarjjani, callenjja niyaw jiwatat jachatanacajja ist'asjje.

Eclesiastés 12:7

Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Eclesiastés 6:3

Mä chachajj patac wawanïscaspawa, ucatsti walja maranacas jacascaraquispawa; ucampis walja jaccasinsa, janitejj yänacapampi cusiscani, ucatsti janiraqui sepulturarus sum imt'atäcaspa ucajja, nayajj sistwa uca chachat sipansa mä sullunucuta wawaw juc'amp asquïsquejja.

Levítico 25:23

“Orakesti janiraquiw wiñayataqui aljatäñapäquiti, orakejj nayanquiwa; jumanacasti aca orakenjja sart'iri jakenacaquïpjjtawa.

Hechos 7:16

Jacobon ch'aqhanacapasti jaya maranac khepatjja Siquem sat oraker apatajjänwa. Abrahamajj Hamur sat jaken wawanacapat alcataynasa, uca sepulturaruw uchjjapjjaraquïna.

Hechos 7:5

Ucatsti janiraquiw cuna herencia uca orakenjj churcänti, ni mä jisc'a oraksa. Ucampisa Diosajj orak churañataquiw arsuwayäna: “Jumajj jiwjjät ucajja, aca orakejj wawanacamancaniwa” sasa. Ucürunacanjja Abrahamajj janïraw wawanïcänti.

Hebreos 11:9

Iyawsäwi laycuw Abrahamajj yakha marcat jutir jakjam jacasïna, cawquïr oraktejj Diosajj jupar churañatac arscäna uca orakena. Jupajj carpanacan jacäna, camisatejj Isaacas, Jacobos jaccäna uqhama. Jupanacasti, Diosajj jupanacar churañatac arscäna uc catokapjjaraquïna.

1 Pedro 2:11

Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.