Génesis 11:7 - Aymar Bibliia 1986

⁷ Parlanacap mayjt'ayir jichhajj sarakañäni, uqhamat jan jupanaccama cuna parlatanacapsa amuyasipjjañapataqui” sasa.

Qullan Arunaca

⁷ Parlanacap mayjt'ayir jichhajj sarakañäni, uqhamat jan jupanaccama cuna parlatanacapsa amuyasipjjañapataqui” sasa.

Qullan Arunaka DC

⁷ Ukhamasti parlanakap mayjt'ayir saraqañäni, ukhamat jupanakkama jan kuna parlatanakapsa amuyasipxañapataki” sasa.

Génesis 11:7 Jak'a apnaqawi uñst'ayäwi

Génesis 1:26

Ucatsti saraquïnwa: “Jichhajj jake luraraquiñäni. Uca jakesti jiwäsar uñtasitäniwa, ucatsti kotan utjir chawllanacarusa, jamach'inacarusa, uywañ animalanacarusa, pampanquir animalanacarusa, orakenjam katatnaktir animalanacarusa apnakaraquiniwa” sasa.

Génesis 10:20

Cam chachan wawanacapasti acanacänwa: sapa marcasa, sapa jach'a tamasa orakencama, uqhamarac pachpa parlani.

Génesis 10:32

Acanacaw Noen wawanacapan jach'a familiapajja, cawquïri awquinacattejj jutapqui uqhamarjama, orakencamaraqui. Uma juicio pasatatsti, jakenacajj take tokeruw aywitatawayjjapjjäna, uca orakensti jach'a marcanacwa sayt'ayapjjaraquïna.

Génesis 10:5

Acanacänwa Jafetan wawanacapajja, jupanacasti jach'a kota thiyanwa jacapjjäna, take marcanacasa, jach'a familiasa orakencama, uqhamarac pachpa parlancamaraqui.

Génesis 11:5

Ucampisa Tatitu Diosajj uca marca, uqhamarac cuna torrtejj lurasipcän uca uñjiriw sarakanïna,

Génesis 3:22

Saraquïnwa: “Jichhajj jakejj jiwasat maynïcaspas uqhamaw tucjje, cunatejj asquïqui, uqhamarac cunatejj ñankhäqui ucsa yatjjaraquiwa. Jichhasti capasaquiw jacañ kokan achupatsa mank'antaspa, uqhamat wiñay jacañataqui” sasa.

Génesis 42:23

Jupanacasti janiw Josean take parlatanacapjja amuyapcänti, Joseasti mä aru jakoquipir jake tokeraquiw jupanacarojj parlatayna.

Job 12:20

Amuyt'a churirinacarusti jan arunwa antuti, chuymani jakenacatsa suma yatiñanacapjja apakaraquiwa.

Salmos 2:4

Ucampis alajjpachan jaquir Tatitojj larusiwa, jupanacat sawcasiwa,

Salmos 33:10

Tatitojj ñankha lurir marcanacan amtatanacap t'unji, Tatitur jan iyawsir jakenacan amtatanacap aynacht'ayaraqui.

Salmos 55:9

Tatay, jupanacarojj t'unjamaya, arunacap pejjtuntam, nuwasiñamp uñisisiñampic jupanac taypin uñjta,

Éxodo 4:11

Tatitusti sascaquïnwa: —¿Qhitisa jakeru laca churi? ¿Qhitisa luri jan arsur amuturusa, okararusa, uñjqui ucarusa, juyqhurusa? ¿Janiti naya Diosäctjja?

Isaías 33:19

Janiw juc'ampi ñankha jakenac taypin jaccjjätati, parlanacapas jan amuyañjama, mayjaru quitthapita jan amuyt'cayaraqui.

Isaías 6:8

Ucatsti Tatitun arup ist'aracta aqham siri: —¿Qhitirus qhitäjja? ¿Qhitis nayat arsur sarani? —sasa. Nayasti saractwa: —Acancasctwa nayajj, nayar qhitasita —sasa.

Jeremías 5:15

Tatitojj siwa: “Israel, jumataquisti mä jayat jutir marca apayanï, wali ch'amani marca, uqhamaraqui nayratpacha utjir marca; jumasti parlatanacapjja janiw yatctati, cuntejj sapcani ucsa janiw amuyt'caraquïtati.

1 Corintios 14:23

Uqhamajja cunapachatï jumanacajj takeni iglesian tantacht'asipjjätajja, ucat takeni jan uñt'at arunaca parlasipcäta, ucat ucaru mä jan iyawsirinacajj mantanipjjani ucqhajja, jumanacar uqhama parliri ist'asajja: “Acanacajj lokhenacasä” sapjjätamwa.

Deuteronomio 28:49

Diosasti aca oraken jaya nacionatwa juma contra sartayani, cunjämas mä pacalejj janc'aqui jaltanejj uqhama, cawquïri marcan parlasïwiptejj jan yatcta;