Éxodo 7:10 - Aymar Bibliia 1986

¹⁰ Ucatsti Moisesampi, Aaronampejj faraonan ucar sarasinjja cunjämtejj Tatitojj siscäna uqhamarjamaw lurapjjäna. Aaronasti faraonana, uqhamarac jilïri jakenacapan nayrakataparuw thujrupa liwnokäna, ucatsti uca thujrojj mä catariruw tucüna.

Qullan Arunaca

¹⁰ Ucatsti Moisesampi, Aaronampejj faraonan ucar sarasinjja cunjämtejj Tatitojj siscäna uqhamarjamaw lurapjjäna. Aaronasti faraonana, uqhamarac jilïri jakenacapan nayrakataparuw thujrupa liwnokäna, ucatsti uca thujrojj mä catariruw tucüna.

Qullan Arunaka DC

¹⁰ Moisesampi, Aaronampisti faraonan ukar sarasin kunjämtix Tatitux siskatayna ukhamarjamaw lurapxäna. Aaronasti faraón nayraqatana, jilïr yanapirinakap nayraqatan thujrup liwnuqäna, uka thujrusti mä katariruw tuküna.

Éxodo 7:10 Jak'a apnaqawi uñst'ayäwi

Salmos 135:9

Muspharcañ uñacht'äwinac Egipto marcar apayanïna, faraón chachar uñacht'ayañataqui, jilïr jakenacapar uñacht'ayañataqui.

Éxodo 12:28

Ucatsti sarasinjja cuntejj Tatitojj Moisesampiru, Aaronampiru siscäna uqhamarjamaw lurapjjäna.

Éxodo 4:3

Diosasti saraquïnwa: —Thujruma oraker jacnokam —sasa. Moisesajj iyaw sasawa oraker jacnokäna, thujrojja mä catariruw tucüna. Moisesasti uqham catari uñjasinjja ajjsarayasisaw jaltjjäna.

Éxodo 7:15

Arumanthi alwatasti, faraonajj cunapachatejj jawiraru sarcani ucqhasti jumajja jicjjatiriw saräta. Ucatjja Nilo sat jawir thiyaru purisajja ucatwa suyt'äta, ucampis cawquïr jach'a thujrumatejj catariru tucqui ucjja apasiraquïtawa.

Éxodo 7:20

Ucatsti Moisesampi, Aaronampejj lurapjjänwa cunjämtejj Tatitojj jupanacar siscäna uqhama. Aaronasti, faraonana, uqhamarac faraonan sirvirinacapan uñjcatawa jach'a thujrupampi jawiranquir umaru jisctäna, ucatsti jawiranquir umajja wilaruw tucüna.

Éxodo 7:6

Moisesampi, Aaronampejj cunjämtejj Tatitojj siscäna uqhamarjamaw lurapjjäna.

Éxodo 7:9

—Faraonatejj “Milagro lurapjjam” sapjjätam ucajja jumasti Aaronaruw säta: “Thujruma faraonan nayrakatapar liwnokam” sasa, uca thujrojja mä catariru tucuñapataqui.

Amós 9:3

Carmelo kollu patarus imantasisipcpan, ucacamas sararaquiquïwa thakerejja; nayrakatajjattejja kota mankharu imantasipjjanejja, nayasti qhitaraquïwa mä jach'a lak'oru tucjaniñapataqui.

Marcos 16:18

amparanacaparusti catarinac wayjjarupjjani, venenonac umantasasa janiraquiw camachatäpcanisa. Usutanacarusti c'umaraptayapjjaraquiniwa, amparanacapamp lokjjatasa —sasa.

Lucas 10:19

Nayaw jumanacarojj ch'amjj churapjjsma catarinacjjaru, uqhamarac alacrananacjjaru tacjjatapjjañamataqui, uqhamarac uñisirin take ch'amaparu atipt'apjjañamataqui, janiraquiw cunas camachapcätamti.