Éxodo 34:12 - Aymar Bibliia 1986

¹² “Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Qullan Arunaca

¹² “Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Qullan Arunaka DC

¹² “Mantapkäta uka uraqin jakirinakampix janiw jumanakax kuna arust'äwsa lurapxätati, jupanakax jan walt'añaruw puriyapxiristam.

Éxodo 34:12 Jak'a apnaqawi uñst'ayäwi

1 Reyes 11:2

cawquïr marcanacanquir warminacampitejj Diosajj jan muncänjja, israelitanacana casarasipjjañanacapa, jupanacan chuymanacapasti jan yakha diosar apatäpjjañapataqui. Ucampis Salomonajj uca warminacaru munasinwa jupanacampi mayachasïna.

2 Reyes 17:10

Uqhamaraquiw sayt'ayapjjaraquïna ajjsarata kalanaca, Asera sat diosan lantinacapa take alto cheka kollunacana, uqhamarac walja laphini kokanacan cayunacaparuraqui.

2 Crónicas 24:18

Ucatjja jupanacajj Tatitun templopjja apanucupjjänwa, nayra awquinacapan Diosaparu. Jupanacajj Asera diosan lantinacaparuwa yupaychapjjäna, uqhamarac yakha diosanacarusa. Uca jucha luratanacapatwa Tatitojj colerasïna Judá, uqhamarac Jerusalenataquisa.

Salmos 106:36

diosanacaparuw yupaychapjjäna, sipitanacaparuw jalt'apjjäna;

Números 33:52

takpach uca oraken jaquir jakenacaru alisnucupjjam, uqhamarac t'unjapjjam take kalat lurata, metalat lurata diosanacaru, ucatsti t'unjapjjaraquïtaw take kawkha jisc'a kollunacantejj culto lurañ yatipqui ucanaca.

Deuteronomio 20:18

Uqhamata jan jumanacar uca ajjtascañ sarnakäwinacap yatichañapataqui, cunjämtejj diosanacaparu yupaychapqui, Tatitu Diosam contra jucha lurayasa.

Deuteronomio 31:5

Cunapachatejj Tatitojj jumanacan amparanacamar uca marcanac catuyapjjätam ucqhajj, cuntejj nayajj ewjjawayapcsma ucanacwa lurapjjäta.

Deuteronomio 7:16

Ucatsti jumanacajj take cawquïri marcanactï Tatitu Diosajj amparanacamaru catuyapcätam ucanac t'unjapjjäta. Janirac jumanacajj jupanacat qhuyapayasipjjamti ni diosanacaparus yupaychapjjamti, uqham lurapjjasma ucqhajj aynacht'añaruw puripjjasma.

Deuteronomio 7:2

Cunapachatejj Tatitu Diosamajj uca marcanac amparanacamaru catuyapjjätam, uqhamaraqui atipjapjjät ucqhajj janiw jumanacajj cunsa jumanacatac catusipjjätati, jan ucasti take yänac t'unjapjjäta, janiraquiw cuna suma arust'äwirus jupanacampi mantapjjätati ni jupanacat qhuyapayasipjjätasa.

Josué 9:7

Ucatsti israelit jakenacajj jupanacarojj sapjjänwa: —Inas jumanacajj aca jac'anacan jacasipcsta; ¿Cunjämaraqui jumanacampi mä suma amtäwiru mantsnasti? —sasa.

Jueces 6:10

Ucatsti sapjjaracsmawa: ‘Nayätwa jumanacan Diosamajja, uca laycusti janiwa amorreonacan diosanacaparojj ajjsarapjjätati, cawquïr orakentejj jichhajj jacapcta ucanjja’ sasa. ‘Ucampis jumanacajj janiw ist'apquistati’ sasa.”

Jueces 8:27

Uca koritsti Gedeonajj mä diosa lursuyasasti Ofra sat marcaparuw uchayäna. Ucatsti take chekat israelitanacajj ucaruquiw sarapjjäna, jupanacajj uqhama Diosata armt'asisa. Uca luratapasti Gedeonataquejja mä lanctañänwa, uqhamarac familiapataquisa.