Éxodo 3:10 - Aymar Bibliia 1986

¹⁰ Uca laycu jumajj sarjjarum, nayasti faraonan ucaruw qhithäma Israel marcajja, Egiptot apsuniñamataqui.

Qullan Arunaca

¹⁰ Uca laycu jumajj sarjjarum, nayasti faraonan ucaruw qhithäma Israel marcajja, Egiptot apsuniñamataqui.

Qullan Arunaka DC

¹⁰ Ukhamasti wakichasimaya, nayax faraonan ukaruw khithäma Israel markaxar Egiptot irpsuniñamataki —sasa.

Éxodo 3:10 Jak'a apnaqawi uñst'ayäwi

Génesis 15:13

Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.

Génesis 15:14

Ucampisa nayaraquiw uca esclavo tucuyir marcarojj mutayä, ucatsti wawanacamajj librequiw mistunjjapjjani, uqhamarac walja kamir cancañampi phokt'ata.

Salmos 105:26

Diosasti Moisés uywataparuw qhitäna, Aarón ajllit loktiriparuw qhitaraquïna,

Salmos 77:20

Marcamarojj ovej tamar uñtat irpäyätajja, Moisesampin Aaronampin amparap toke.

Éxodo 12:40

Israelitanacasti Egipto marcanjja pusi patac quimsa tuncani maranacaw jacawayapjjäna.

Éxodo 12:41

Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.

Éxodo 33:12

Moisesasti Tatiturojj sänwa: —Jumasti nayarojj, “aca jakenaca irpam” sistawa, ucampis janiw sisquistati qhitimpiw jumar qhithäma sasajja. Uqhamarac saractawa: “Jumaruw confiasma” sasa, ucampis jumajj nayataquejj colerataquëjjtawa.

Éxodo 33:13

Ucampis uca arsutanacamatejj chekächi ucajja uñacht'ayitaya amtäwinacamjja uqhamata nayan confianza utjañapataqui, ucat juman qhuyapayasiñamajj nayatac utjascatapa yatiñajjataqui. Ucampis jumajj yatim aca jakenacajj juman jakenacamawa.

Éxodo 6:26

Acanacasti Aarón, uqhamarac Moisés pachpawa, jupanacaruw Tatitojj jawsäna israelitanaca Egiptot apsupjjañapataqui, mä jach'a ejercitor uñtata.

Oseas 12:13

Mä profeta tokeraquiw Tatitojj Egiptot Israel marcarojj apsjjäna; ¡Mä profeta tokeraquiw juparojj sum uñjänjja!

Miqueas 6:4

Nayaw jumarojj Egipto marcat apsunsma, t'akhesiñat khespiyanisa; nayawa Moisés, Aarón, uqhamarac María jupanacaru qhitanta, jumar irpañapataqui.

Hechos 7:34

Nayajj Egiptonquir wawanacajjan t'akhesitapwa uñjta. Ist'aractwa jupanacan jachatanacapsa. Ucatwa nayajj sarakanta jupanacar khespiyañataqui. Jichhajj jutam, nayaw jumarojj Egipto marcaru qhitäma” sasa.

Hechos 7:36

Uca Moisesapï jiwasanacan awquinacasarojj Egipto marcatjja apsunïnjja, milagronacampi uñacht'äwinacamp uca oraken lurasa, uqhamarac Mar Rojo sat kotansa. Wasaransti pusi tunc mararaquiw milagronacampi uñacht'äwinacamps luraraquïna.

Hechos 7:6

Diosajj Abrahamarojj saraquïnwa: “Wawanacaman wawanacaparojj yakha marcanquir jakenacajj pusi patac mararaquiw t'akhesiyapjjaraquini.”

Hechos 7:7

Ucampisa Diosajj saraquïnwa: “Nayaw cawquïr marcatejj jupanacaru t'akhesiyapcän ucarojj juchañchascäjja. Israel jakenacasti uca marcatjja mistunjjapjjaniwa. Ucatsti nayaruw aca chekana sirvipjjetani.”

Jueces 6:14

Diosasti uñcatasinjja sänwa: —Kawkhatejj ch'amamajj utjqui ucampi israelitanac khespiyir saram madianitanacan t'akhesiyatäñata. Nayawa jumarojj qhithascsma —sasa.

1 Samuel 12:6

Ucjjarusti Samuelojj marcarojj saraquïnwa: —Tatitojj Moisés, uqhamarac Aarón tokew Egiptot jumanacan awquinacamarojj apsunïna.

1 Samuel 12:8

Cunapachatejj Jacobojj wawanacapampi Egipto marcar sarjjäna ucapachajja, egipcio jakenacajj jupanacarojj t'akhesiyapjjänwa. Ucatsti jumanacan nayra awquinacamajj Tatituruw arnakasipjjäna, jupasti qhitaniraquïnwa Moisesaru, Aaronampiru, ucat jupanacajj nayra awquinacamarojj Egiptotjja apsunjjapjjänwa, aca orakeruw utjantasjjapjjaraquïna.