Éxodo 28:11 - Aymar Bibliia 1986

¹¹ Mä joyeruwa uca kalanacarojja sutinacjja lurañapajja, cunjämtejj mä sellojj luratäqui uqhama. Uca paypacha kalanacsti koriru catjjaruyam callachjjaru apjjatañataqui.

Qullan Arunaca

¹¹ Mä joyeruwa uca kalanacarojja sutinacjja lurañapajja, cunjämtejj mä sellojj luratäqui uqhama. Uca paypacha kalanacsti koriru catjjaruyam callachjjaru apjjatañataqui.

Qullan Arunaka DC

¹¹ Uka qalanakxarusti quri yänak lurir jaqiw sutinak uchañapa, kunjämtix chimpuntañatak luratäki ukhama. Ukatsti uka pä qalanak quri patxaruw uchäta,

Éxodo 28:11 Jak'a apnaqawi uñst'ayäwi

Job 19:24

¡Walïspawa maynin uca arunaca cincelampi mä fierroru jan ucajj mä kalarusa kellksuñapajja, jan mayampitaqui kellksuñapajja!

Éxodo 28:10

uca sutinacapsti uchätawa cunjämarjamatejj nacipqui uqhamarjama. Nayrïr sojjta sutsti mä kalaru, uqhamarac ucjjaru sojjtïr sutinacsti maynïr kalaruraqui.

Éxodo 28:12

Ucatsti uca kalanacjja uchätawa efod sat jach'a camisa callachi pataru, uqhamata uca kalanac uñjasina Israelan wawanacapan sutinacapa amtañataqui. Uqhamataracwa Aaronajj jupanacan sutinacapsa callachi pataparu aparaquini Tatitun nayrakatapanjja amtatäñapataqui.

Éxodo 28:21

Aca kalanacasti tunca payanïñapawa, Israelan wawanacapajj tunca payaniwa uca laycu; ucampis sapa maya kalaruwa maynin sutipajj sellontatäñapa.

Éxodo 28:25

Paypacha cordonan paya puntanacapsti uchätawa efod sat isina nayräjja purap callachi patjjaru, suma thiyanacat chinuntata.

Éxodo 28:36

“Ucjjarusti korit mä placa luraraquim, ucatsti ucaruwa uchäta, mä sellöcaspas ucar uñtata, aca arunaca: “TATITUR CATUYATAWA” sasa.

Éxodo 39:13

Pusïr sekensti: mä topacio, mä ónice, mä jaspe sat kalanacaraqui. Ucampis take aca kalanacasti kori patjjarcam catjjaruyatänwa.

Éxodo 39:18

paypacha cadenanacan tucuyanacapsti catjjaruyapjjaraquïnwa, callachi pataru kalanac apañäquis ucaru. Uqhamaraqui efod sata isin nayräjj catuyañaparu chincatata.

Éxodo 39:6

Uqhamarac ónice sat kalanac lurasinsti kori patjjaruw catjjaruyäna, ucarusti Israelan wawanacapan sutinacapwa uchapjjäna mä sellöcaspas uqhama.

Jeremías 22:24

Tatitusti Jeconías chacharojj siwa, ucasti Judá orakenquiri Joacim reyin yokapänwa, juparusti aqham sasa: “Juramentompiw arsta: Cupi amparajjanjja sellaña anillöcasma ucasa, amparajjatjja apanucupunirismawa,

Zacarías 3:9

Nayasti Josué chachan nayrakataparojj uchtwa mä kala pakallko esquinani, naya quipcaw ucarojj mä aru kellkäjja. Ucatsti, mä urunacwa aca marcan juchapjja apakäjja.

Efesios 1:13

Cunapachatejj jumanacajj Tatitun khespiyasiñ arunacap ist'apjjta ucqhajja, Cristorojj iyawsapjjtawa, juparuw mayachasjjapjjaractajja uqhamarac Diosanquirinacjamajj Kollan Ajayumpi sellatäjjapjjaractawa cawquïrtejj jupajj qhitaniñatac arsuwaycäna ucampi.

Efesios 4:30

Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

2 Timoteo 2:19

Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.

Apocalipsis 7:2

Ucatsti uñjaractwa inti jalsu toketa mä angelaru jutasquiri, jupasti jacquir Diosan sellop apt'atänwa. Aca angelasti wali jach'at art'äna uca pusi angelanacaru, qhitinacatï ch'amanïña catokcatayna aca orake uqhamarac kotsa jan walinacampi tucjañataqui,