Éxodo 26:1 - Aymar Bibliia 1986

¹ “Tatitumpi Jiquisiñ Carpsti tunca cortinani luräta, uca cortinanacajja lino sat hilonaca c'anthitata luratäñapawa, suma azul telata, morado telata, uqhamarac wila telata, ucasti querubines sat angelanacampi suma bordatäñapawa.

Qullan Arunaca

¹ “Tatitumpi Jiquisiñ Carpsti tunca cortinani luräta, uca cortinanacajja lino sat hilonaca c'anthitata luratäñapawa, suma azul telata, morado telata, uqhamarac wila telata, ucasti querubines sat angelanacampi suma bordatäñapawa.

Qullan Arunaka DC

¹ “Tatitump Jikisiñ Carpxa, lino k'anthitat tunka cortinani luräta, morado telata, sajuna telata, wila telampita; ukarusti querubines sat chhiqhaninak jiwaki p'itakipäta.

Éxodo 26:1 Jak'a apnaqawi uñst'ayäwi

2 Samuel 7:2

ucapachaw Natán profetaru aqham saraquïna: —Cunjämatejj jumajj uñjcta, nayajj mä suma cedro palacion jacastjja, Diosan arcapasti mä cortinanac mankhanacwa jicjjatasi —sasa.

1 Reyes 6:29

Ucatjja templona ankäjja, mankhëjja perkanacapjja angelanacan figuranacapwa lurayäna, uqhamarac palmeranaca, pankaranacaraqui.

1 Crónicas 17:1

Cunapachatï Davidajj palaciopancjjäna ucqhajja, Natán profetarojj sänwa: —Uñjam, nayajj cedro maderata lurat palacionctwa, ucampis Tatitun sumancäwi arcapajja mä carpa mankhencaquiwa —sasa.

1 Crónicas 21:29

Moisesajj wasarana apnakaña carpsa lurcchïna Tatitutaqui ucasa, uqhamarac nact'ayañ ofrendanac altarasa Gabaón chekana santuariojj jicjjatascchïna ucasa,

Éxodo 25:18

Ucatsti pani querubines sat angelanac koritcamaqui luraraquïta martillompi lek'suta, ucatjja arcarojj purap thiyaruw uchäta.

Éxodo 25:4

morado tela, púrpura sat tela, wila tela, lino sat kokata suma lurat hilo, cabritonacan t'awrapa,

Éxodo 25:8

Nayataquisti mä kollana utjäwi lurarapipjjetäta, ucan nayajj jacañajjataqui.

Éxodo 26:2

Sapa maya cortinasti aqham tupunïñapawa: largorojja tunca payan metro chicatani, anchorusti pä metroniraqui.

Éxodo 26:31

“Ucjjarusti luraraquïtawa mä velo azul telata, wila morado telata, wila telata, uqhamarac lino sat hilo c'anthitata. Ucatsti uca velorojja pä angelanacwa luräta suma bordata.

Éxodo 26:36

“Uqhamarac Tatitumpi Jiquisiñ Carpa puncu jist'antañataquisti mä cortina luraraquïta, ucasti c'anthita linota luratäñapawa azul telata, wila morado telata, uqhamarac wila telata, ucasti suma bordatäñaparaquiwa.

Éxodo 31:7

Tatitumpi Jiquisiñ Carpa tantachasiñataqui, sumar mantäwi arca, uca arcan tapapa, Carpan take yänacapa,

Éxodo 35:11

Kollana chekanjja carpapamppacha, uca carpan techonacapa, ganchonaca, tablanaca, utachañatac lawanaca, jach'a sayir poste lawanaca, orak mankher utt'añapamppacha,

Éxodo 35:35

Ucat jupanacarusti take cunanac lurañ amuyumpiw phokt'i planonac lurañanacampi azul telaru, wila morado telaru, wila telaru, lino sat suma fino hilompi bordañanaca, uqhamarac yakha suma yänacampi lurañanaca.

Éxodo 35:6

Uqhamarac azul tela, wila morado tela, wila tela, lino sat suma hilo, cabriton t'awrapa,

Éxodo 36:35

Ucjjarusti luraraquïnwa velo sat cortinanaca azul telata, wila morado telata, wila telata, lino sat suma c'anthita hilonacata, ucatsti uca velorojja pä angelanacaracwa suma bordantaraquïna.

Éxodo 39:3

Ucjjarusti placanacaracwa korita martillonacampi lek'suta lurapjjaraquïna, ucsti hilonacjam qhuchhunokasinwa ch'ucuntapjjäna azul telanaca mankheru wila morado telanacaru, wila telanacaru, uqhamarac lino sat hilonacaru suma bordatjamäñapataqui.

Éxodo 40:2

“Nayrïri phajjsi kallta urunjja sayt'ayätawa nayampi Jiquisiñ Carpa, Diosampi Jiquisiña Chekansa.

Números 3:25

Jupanacasti Tatitumpi Jiquisiñ Carpanjja kollan lugar uñjañataqui uchatäpjjänwa, uqhamarac carpata lip'ichimpi janjjatatäquis ucanacata, cortina utjqui carpa mantañan ucanacat cuna.

Números 4:25

Jupanacasti kollan chekan cortinapwa apapjjani, Jiquisiñ Carpäquis uca, suma lip'ichimpi patjjar janjjatatäquis uca, cawquïri cortinatï Jiquisiñ Carpa mantañancqui uca,

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 2:21

Ucampis cawquïr templottejj Jesusajj parlcäna ucajja, jupan janchipänwa.

Hebreos 8:2

Ucat jupajj sacerdoten luräwinacap luri chekpach kollan utana, ucasti Tatitun luratawa, janiw jakenacan luratäquiti.

Hebreos 9:2

Uca santuariosti aqham uscutänwa: Nayräjjancquis uca Kollan Chekäquis ucawjanjja utjänwa mä candelabrompi, mä kollan t'ant'anac uchañ mesampi.

Hebreos 9:9

Take acanacasti mä uñacht'äwjamawa jichhürunacataquejja. Ucan ofrendanaca uqhamarac sacrificio Diosar loktatajj janiw suma k'oma tucuycaspati uqham yupaychirinacan chuymapjja.

Apocalipsis 19:8

Juparuwa suma lino lliphipquir k'oma isinacampi isthapisim satajja. Uca suma lino isisti Diosar ajjsartasa sarnakapqui ucanacan cheka jacatanacaparuw uñtasi” sasa.

Apocalipsis 21:3

Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.