Éxodo 24:16 - Aymar Bibliia 1986

¹⁶ Tatitun jach'a cancañapawa Sinaí kolljjarojj jutäna, sojjta uruwa uca kollojj kenayampi urpuntatäna. Ucat pakallko urunsti Tatitojj Moisesaruw jawsanïna kenay taypita.

Qullan Arunaca

¹⁶ Tatitun jach'a cancañapawa Sinaí kolljjarojj jutäna, sojjta uruwa uca kollojj kenayampi urpuntatäna. Ucat pakallko urunsti Tatitojj Moisesaruw jawsanïna kenay taypita.

Qullan Arunaka DC

¹⁶ Tatitun qhapaq kankañapaw Sinaí qullunkäna, suxta uruw qinayax qullur urpxatäna. Paqallqüri urusti Tatitux Moisesaruw qinay taypit jawsäna.

Éxodo 24:16 Jak'a apnaqawi uñst'ayäwi

Salmos 99:7

Tatitojj kenay taypitpach jupanacarojj parläna, jupanacasti arsutanacap phokhapjjäna, camächit aru catokapjjaraquïna.

Éxodo 16:10

Ucampis Aaronajj take israelitanacar parlcäna ucapachasti takeniwa uñjapjjäna wasar toketa Tatitun jach'a cancañapajj kenay taypit uñstaniri.

Éxodo 19:11

Jupanacasti jurpüru alwataquejja suma waquichatäpjjañapawa. Naya Tatitusti jurpür alwaw Sinaí kollurojj sarakanëjja take israelitanacansa uñjcata.

Éxodo 19:9

Ucampis Tatitojj Moisesarojj sascaquïnwa: —Uñjätawa, nayasti jumaruw uñstäma wali ch'amac kenay taypita, uqhamata jakenacajj nayajj jumampi parliri ist'apjjañapataqui. Ucata jumarojj iyawsas confiasipjjañapataqui —sasa. Ucampis Moisesajj israelitanacan arsusitanacapjja Tatiturojj yatiyänwa.

Éxodo 20:10

ucampis pakallköri samarañ urusti Tatitu Diosamaru loktatawa. Ucatsti uca urojj jumajja janipuniw cunsa lurätati, ni yokamasa, ni phuchamasa, ni sirvirinacamasa, ni uywanacamasa, ni utaman jacqui uca jaya marcanquir jakesa cunsa lurapjjañapäquiti.

Éxodo 24:17

Tatitun jach'a cancañapasti israelitanacarojj uñstänwa mä naqhantir ninjama, wali alto kollu chekana.

Isaías 4:5

Take Sión kolljjarusti, uqhan tantacht'at marcjjarusti. Jupanacjjarojj Tatitojj mä ch'amac kenaya urojj uscuni, arumarusti mä nina khanaraqui uscuraquini. Take ucanacjjarusti Tatitun khanapaquiw khanaraquini;

Ezequiel 1:28

uca khanasti cürmir uñtataraquïnwa, cunapachatejj cürmejj jalluna kenay taypin uñstquis uqhama. Uqhamwa nayajj uñjta Tatitun c'ajquir cancañapjja. Ucanac uñjasasti nayajj oraker puriñcamaw p'ekejj alt'asiracta.

Levítico 9:23

Ucatwa Moisesampi, Aaronampejj Tatitumpi Jiquisiña Carpäquisa ucaruw mantapjjäna, ucat mistunjjasinsti Israelitanacaruw bendicipjjaraquïna. Ucatwa Tatitojj take jakenacaru uñstaraquïna jach'a c'ajquiri khanapampi;

Levítico 9:6

Ucat Moisesajj saraqui: “Tatituw acjja arsuwayi, jichhajj phokhapjjam, ucatsti Tatituw jumanacarojj jach'a khanapampi uñstapjjätam” sasa.

Números 14:10

Uqhamäquipansa, jakenacajj kalampiw jupanacar c'upjañ munapjjäna. Ucatwa Tatitun jach'a cancañapajj uñstäna, Jiquisiñ Carpana, take jaken uñjcata.

Números 16:42

Takpachaniw muyuntapjjäna Moisesampiru, Aaronampirojja, ucampisa jupanacajj Jiquisiñ Carpäquisa ucsaruw sartawayjjapjjäna. Uca horasanwa kenayajj imantäna, ucatsti Tatitun jach'a cancañapaw uñstäna.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

Apocalipsis 1:10

Cunürutejj Tatitun urupäcäna uca urunwa nayajj Kollan Ajayun apnakata uñjasta, ucatsti mä jach'a aru ist'ta khepäjjajjat art'asiniri. Uca arusti mä trompetas phust'ascaspa uqhamänwa, ucatsti saraquituwa: