Éxodo 19:22 - Aymar Bibliia 1986

²² Uqhamarac sacerdotenacasa nayaru jac'achasiñataquejja k'omachasipjjañaparaquiwa, janiw nayajj jupanacaru tucjañ muncti uca laycu.

Qullan Arunaca

²² Uqhamarac sacerdotenacasa nayaru jac'achasiñataquejja k'omachasipjjañaparaquiwa, janiw nayajj jupanacaru tucjañ muncti uca laycu.

Qullan Arunaka DC

²² Nayar jak'achasir sacerdotenakas q'umachasipxpan, jan ukhamäkaspa ukax, jupanakas jiwapxarakispawa —sasa.

Éxodo 19:22 Jak'a apnaqawi uñst'ayäwi

1 Crónicas 15:13

Jumanacajja jan nayrakata k'omachasipjjatam laycojja, Tatit Diosasajja jiwasanacata mayninacaruwa jiwayi, jan jiwasanacan jisct'apjjatasata cunjäma lurañäcäntejja ucata” sasa.

2 Crónicas 30:15

Payïri phajjsita tunca pusini urunaca sarakataruwa jiwayapjjäna Pascuataqui mä marani orko ovejaru. Ucatsti sacerdotenacasa, levitanacasa jupanac pachpata p'enkasisinjja, k'omachasipjjänwa, ucatjja Tatitun temploparojja uywanacwa apapjjäna naqhata loktäwinaca loktañataqui.

2 Crónicas 30:3

Jupasti janiw horasaparu fiestjja luraycänti jan walja sacerdotenaca k'omachasita utjatapata, uqhamarac jakenacasa, jan Jerusalenana tantachasitapataraqui.

Éxodo 19:24

Ucat Tatitojj sascaquïnwa: —Saram, ucatsti sarasinjja Aaronampiw cutcatanïta. Ucampis sacerdotenacampi, israelitanacampejj janiw chimpt'atäqui ucqhatjja pasanipjjañapäquiti nayajj cawqhanctejj ucqharu maqhataniñataquejja; janiw nayajj jupanacaru tucjañ muncti —sasa.

Éxodo 19:5

Jichhasti jumanacatejj nayan arunacajj sum ist'asina jaysapjjetäta, uqhamarac nayan jumanacampi mä suma amtäwi luratajjsa phokhapjjaraquïta ucajja jumanacasti nayan suma munat marcajjäpjjätawa take marcanac taypinjja. Ucampis take orakejja nayanquiwa.

Éxodo 24:5

Ucatsti Israelit waynanacwa qhithäna vaca kallunac qharsusa Tatitur jach'añchasina nact'ayasa loktapjjañapataqui, uqhamarac sumancthapiñataqui sacrificionacsa loktapjjaraquïnwa.

Isaías 52:11

¡Mistunjjapjjam, mistunjjapjjam Babiloniatjja, jan cuna k'añurus llamct'apjjamti, mistunjjapjjam Babiloniatjja! ¡Jan cunampis k'añucht'asipjjamti qhitinacatejj Tatitun yänacapa apanipcta ucanacajja!

Levítico 21:6

jan ucasti Tatitu Diosaparuwa catuyasipjjañapa, janiraquiw jupan sutipjja ñankhachapjjañapäquiti, jupanacaw take ofrendanacjja nact'ayasina uqhamarac pachpa Tatitun t'ant'apsa loktapjjejja uca laycu; uqhamasti jupanacajj Tatitutaqui yakhachatapuniw sarnakapjjañapa.

Números 11:18

Ucatsti qhitam jakenacaru arumanthitac k'omachasipjjpan, ucatwa aycha mank'apjjani. Nayasti ist'twa jachatanacapa: “Aychaquis utjistaspa mank'añataqui, waliquïsipcäyätanwa Egiptonjja” sasa. Waliquiwa, nayaw aycha churä mank'apjjañapataqui.

Hechos 5:10

Ucspacharaquiw Pedron nayrakataparu jiwat liwitatti. Waynanacasti mantanisinjja warmirojj jiwatwa jicjjatapjje. Ucatsti apsusinjja chachap jac'aruw imantanjjapjjaraqui.

Hechos 5:5

Ananiasajj uc ist'asinjja, jiwataw liwitatti. Take qhitinacatejj uc yatipcäna ucanacajj wal ajjsarapjjäna.