Éxodo 14:16 - Aymar Bibliia 1986

¹⁶ Ucampis jumajja amparamaru jach'a thujruma ayjjarusinjja kotjjaru loktam, ucatsti uca kotjja payaruw jaljtayäta, ucanjam israelitanacajj maqhatapjjañapataqui waña orakenjama.

Qullan Arunaca

¹⁶ Ucampis jumajja amparamaru jach'a thujruma ayjjarusinjja kotjjaru loktam, ucatsti uca kotjja payaruw jaljtayäta, ucanjam israelitanacajj maqhatapjjañapataqui waña orakenjama.

Qullan Arunaka DC

¹⁶ Jumasti, thujrum aytam, qutxar amparam luqtasin payar jaljtayam; ukhamat israelitanakax uka taypi waña uraqinjam makhatapxani.

Éxodo 14:16 Jak'a apnaqawi uñst'ayäwi

2 Reyes 4:29

Eliseojj Giezi uywataparojj sänwa: —Wact'ayasim, ucatsti thujrojja apjjarusiwayasa saram. Qhitimpitejj jiquisïta ucajja janiw aruntätati; qhititejj aruntätam ucarojj janiw jaysätati. Ucatjja thujrojj-jja wawan ajanup patjjaruwa uchäta —sasa.

Éxodo 14:15

Ucatsti Tatitojj Moisesarojj sänwa: —¿Cunatsa nayaru arnakasinipjjesta? ¡Yatiyam israelitanacaru nayrakatar sarantapjjañapataqui!

Éxodo 14:26

Tatitusti Moisesarojj sänwa: —Amparama kotjjaru loktam, ucat umajja chhakhayañapataqui egipcionacaru, carronacaparu, uqhamarac caballonacaparusa —sasa.

Éxodo 17:5

Ucat Tatitojj Moisesarojj saraquïnwa: —Jumasti israelit jakenac nayrakatar pasam, Israelanquir jilïr jakenacampi compañt'ata, uqhamarac jawiraru jisctcayätajj uca jach'a thujrum ayjjarusiwayasin sarantam.

Éxodo 17:6

Nayasti qhaya Horeb sat kollunjja mä karka patan suyäma. Ucampis cunapachatejj uca karkaru jach'a thujrumampi jisctcäta ucqhasti, umawa ucatjja mistunini jakenacan umt'apjjañapataqui —sasa. Ucatsti Moisesajj uqhamwa luräna, Israelanquir jilïri jakenac nayrakatanjja.

Éxodo 4:17

Uqhamarac apasïtawa aca jach'a thujruma, ucampiwa jumajj milagronac luräta.

Éxodo 4:2

Ucat Diosajj saraquïnwa: —¿Cunas amparamanquejja? —sasa. Moisesajj saraquïnwa: —Mä jach'a thujruwa —sasa.

Éxodo 4:20

Moisesajja, warmipa, wawapa mä asnoru konjjatayawayasinjja Egipto orakeruw cutt'äna. Uqhamarac amparaparusti ayjjarusiwayaraquïnwa cuntejj Diosajj churcäna uca jach'a thujrupa.

Éxodo 7:19

Ucat Tatitojj Moisesarojj parlascaquïnwa: —Aarón jilamaru aqham sam: “Amparamar thujruma ayjjarusina loktam take egiptonquir umanacjjaru, jawiranquiri, k'awanacanquiri, khothañanacanquiri, take tantat umanaca, uqhamarac lawata, kalata lurat tinajanacan uchat umanacajja wilaru tucuñapataqui” —sasa.

Éxodo 7:9

—Faraonatejj “Milagro lurapjjam” sapjjätam ucajja jumasti Aaronaruw säta: “Thujruma faraonan nayrakatapar liwnokam” sasa, uca thujrojja mä catariru tucuñapataqui.

Isaías 10:26

Take ch'amani Tatituw jupanacarojj mutuyaraquini, cunjämtejj Madianarojj Oreb karka jac'an atipjcänjja uqhama, Asiriataquisti ch'amapwa uñacht'ayaraquini, cunjämtejj Egiptotaquejj uñacht'aycän uqhama.

Habacuc 3:8

Tatay, ¿coleratätati jawiranacataquejja? ¿Colerataraquïtati jach'a kotanacataquejja? ¿Ucatti caballonacamata jaltajja, atipt'iri carromarus kont'astajja?

Números 20:11

Moisesasti uca arunac arsusinjja amparap altoruw aytäna, ucatsti pä cutiw thujrupampi karkaru jisctäna, ucatsti walja umaw jalsüna. Uqhamatwa jakenacasa, uywanacasa umarapjjäna.

Josué 8:18

Ucatsti Diosajj Josué chacharojj aqham sänwa: “Jichhasti aca marcarojj t'unjayam, nayaw quipca amparamar catuysma” sasa. Josué chachasti marcarojj t'unjayänwa.