Éxodo 12:6 - Aymar Bibliia 1986

⁶ Acsti aca phajjsi tunca pusin urucamaw imapjjäta, ucatsti uca jayp'ojja take israelitanacaw uca uywa qharinucupjjäta.

Qullan Arunaca

⁶ Acsti aca phajjsi tunca pusin urucamaw imapjjäta, ucatsti uca jayp'ojja take israelitanacaw uca uywa qharinucupjjäta.

Qullan Arunaka DC

⁶ Uksti aka phaxsi tunka pusin uru saraqat urukamaw imapxäta, uküruw jayp'u tuqiru Israelan taqpach jaqinakax sapa mayni uka uywa kharinukupxäta.

Éxodo 12:6 Jak'a apnaqawi uñst'ayäwi

2 Crónicas 35:1

Josías reyejj Jerusalenanwa Pascua fiesta luräna Tatitur jach'achasina: marana kallta phajjsita tunca pusini uru sarakatarojja mä maran orko ovejwa loktayaraquïna fiesta lurañataqui.

Esdras 6:19

Ucatsti qhitinacatejj jayar apayatata cutt'anipcäna ucanacasti Pascua fiestwa lurapjjäna kalltiri phajjsina tunca pusini urunaca sarakataru.

Éxodo 12:14

Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Éxodo 12:17

Jumanacasti jan levaduran t'ant'a mank'añ fiestjja amtasipjjapunïtawa, uca uruwa nayajj jumanacarojj Egipto marcat irpsunipjjsma. Uca laycuwa jumanacasa, wawanacaman wawanacapasa aca camachi amtapjjañama.

Éxodo 12:18

Jumanacasti nayrïr phajjsinjja jan levaduran t'ant'wa mank'apjjäta, tunca pusin uru jayp'uta kalltasina, pä tunca mayan uru jayp'ucama.

Éxodo 12:47

Uqhamsti take israelitanacaw lurapjjäta.

Éxodo 16:1

Take israelitanacajj Elim chekat mistuwayasinjja Sin sat wasararuw puripjjäna, acasti Elim, uqhamarac Sinaí uca pä kollunac taypinquiwa. Cunapachatejj Egiptot mistuwayapcäna uca uruta payïr phajjsinjja tunca pheskan uruw sarakjjäna.

Éxodo 16:12

—Nayajj ist'twa israelitanacan jan wali parlapjjatanacapjja. Ucampis jumajj parlam aqham sasa: “Acat jayp'urusti jumanacajj aychwa mank'apjjäta, uqhamarac arumanthi alwatasti t'ant'araqui mank'apjjaraquïta sist'asiñcama. Uqhamatwa jumanacajj yatipjjäta nayajj jumanacan Tatitu Diosamätajj-jja.”

Éxodo 19:1

Israelitanacajj, Egiptot mistuwayapcäna ucat quimsa phajjsitsti Sinaí wasararuw puripjjäna.

Éxodo 29:39

Maya ovejsti alwanacaw loktäta, ucjjarusti mayïri ovej-jja jayp'u horasaruraquiw loktaraquïta.

Éxodo 29:41

Uca quipcaraquiqui jayp'u horasarojja maynïr ovej-jja loktaraquiquïta jac'u, vino ofrendanacampi cuna. Uqhamata uca ofrendanacajja suma k'apquir Tatitutaqui loktas naqhantayatäñapataqui.

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Ezequiel 45:21

Kallta phajjsina tunca pusini uru sarakatarusti, jumanacajj Pascua fiesta lurañwa kalltapjjäta, pakallko urunacaw jan levaduran t'ant'a mank'apjjaraquïta.

Levítico 23:5

“Kalltïri phajjsina tunca pusini uru sarakataru, jayp'thapirusti pascua fiesta lurapjjäta Tatitut amtasisa.

Números 28:16

“Sapa mara kallta phajjsina, tunca pusin uru sarakatarusti, Pascua fiesta lurapjjäta, Tatitun jach'a cancañapat amtasisa.

Números 28:18

Uca pakallko urunacatjja, nayrïri urojj mä k'oma tantachäwiw utjani. Uca urusti janiw jumanacajj cuna casta irnakañanacsa lurapjjätati.

Números 9:11

ucanacasti payïri phajjsit tunca pusin uru sarakataruw amtapjjani uca jayp'una. Jupanacasti ovej-jja mank'apjjaniwa jaru koranacampi, jan levaduran t'ant'amp cuna.

Mateo 27:20

Ucampis sacerdotenacan jilïripasa, uqhamarac chuymani jilïrinacasa, jakenacarojj amtayapjjänwa Barrabasan antutatäñapataqui, Jesusasti jiwayatäñapataqui.

Mateo 27:25

Take jakenacaraquiw ucjjarojj mayac arsupjjäna: —¡Nanacaw wawanacajjamppacha juchanïpjjä uca jaken jiwäwipatjja! —sasa.

Marcos 15:1

Willjtanipansti niyaw parlthapipjjäna jilïr sacerdotenacampi, jilïr chuyman jakenacampi, ley yatichirinacampi, jach'a jilïr Tantachasïwimppacha. Ucatsti Jesusar ñach'antat irpasinjja, Pilatoruw catuyapjjäna.

Marcos 15:11

Jilïr sacerdotenacasti jakenacaruwa waytapjjäna Barrabasar antutjayañataqui.

Marcos 15:25

Ch'accatapcän uca horasasti niya llätunca horasänwa.

Marcos 15:8

Jakenacasti Pilaton ucar jutasinjja, cunjämtejj jupajj antutjirïcänsa uqham lurañapataquiw mayipjjäna.

Lucas 23:1

Ucapachasti takeniw sartasipjjäna, ucatwa Jesusarojj Pilaton ucar irpapjjäna.

Lucas 23:18

Ucampis takeniw mayac art'apjjäna: —¡Cunarus jupajj tucpan! ¡Barrabasar antutam! —sasa.

Hechos 2:23

Ucampisa, cunapachatï Jesusajj jumanacar catuyatäcän ucqhajja, phokhasiscänwa cunjämtï Diosajj nayratpach amtcatayna uqhamarjama. Jumanacasti jucharar jakenacan amparanacap tokew catuntapjjtajja. Ucatsti jiwayapjjaractawa, mä cruzar ch'accatasina.

Hechos 3:14

Jumanacasti aca asqui k'oma Jesusarojj jan uñt'iriw tucupjjtajja. Ucatsti jake jiwayirïquis ucaruquiw antutatäñapataquejj mayipjjaractajja.

Hechos 4:27

“Chekpachansa Herodesampi Poncio Pilatompi yakha marcat jutirinacampi, israelitanacampisa, mayaquiw sayt'apjje aca marcana kollan Jesús Yokam tokejja.

Josué 5:10

Israelitanacajj Gilgal sat chekaruw puripjjäna, ucatsti phajjsit tunca pusini urunac sarakataruw jupanacajj Pascua fiesta amtapjjäna, Jericó marca thiyana.