Apocalipsis 16:16 - Aymar Bibliia 1986

¹⁶ Ucatsti reyinacarojj Armagedón satäquis uca chekaruw tantachapjjäna. Uca sutisti hebreo sutiwa.

Qullan Arunaca

¹⁶ Ucatsti reyinacarojj Armagedón satäquis uca chekaruw tantachapjjäna. Uca sutisti hebreo sutiwa.

Qullan Arunaka DC

¹⁶ Uka ñanqha ajayunakasti mä chiqawjaruw reyinakarux tantachapxi, hebreo arunsti uka chiqax Harmagedón satawa.

Apocalipsis 16:16 Jak'a apnaqawi uñst'ayäwi

2 Crónicas 35:22

Ucampis Josías reyejj janiw khepar jittcänti, jan ucasti jupampi nuwasiñjja munapunïnwa, Necao reyin arunacapar jan ist'asina, ucasti Dios pachpatwa jutascäna. Uqhamasti jupajj nuwasiaruwa mantäna Meguido sat vallena,

Zacarías 12:11

Jerusalenanjja lurapjjaniwa mä jach'a llaquisïwi cunjämatejj Meguido orakena Hadad-rimon dios laycu llaquisïwi lurapquejja uqhama.

Juan 19:13

Pilatojj uc ist'asinjja, Jesusaruw irpsuyanïna, jupasti tribunalanwa kont'asi, hebreo arunjja Gabata satäquis uca chekaru, ucasti Empedrado sañ muni, ucawjaru.

Juan 19:17

Jesusasti mistuwayänwa crusap apt'ata, Calavera sat chekar sarañataqui, hebreo arunjja Gólgota satawa.

Juan 5:2

Jerusalenansti Ovej uyu puncu sat jac'an mä uma estanquew utji, hebreo arunjj Betesda sata, ucasti pheska jach'a puncunïnwa.

Hechos 26:14

Ucatsti takeniw oraker liwirtapjjta. Nayasti mä aru ist'aracta, hebreo aruta aqham siri: “Saulo, Saulo, ¿cunats arcnakesta? Wali ch'amaw jumataquejj nayataqui sayt'añamajja. Juma pachpaw chhojjriñchjastajj cunjämatejj mä vacajj mä ari fierror mat'akt'asajj jupa pachpa usuchjasejja uqhama” sasa.

Apocalipsis 17:14

Corderompiw nuwasipjjani, ucampis Corderojj jupanacarojj atipjaniwa, jupasti munañaninacans Munañanipa, reyinacansa Reyiparaquiwa. Qhitinacatejj jupampïqui ucanacasti Diosan jawsata ajllitanacapawa, suma arquirinacäpjjaraquiwa” sasa.

Apocalipsis 9:11

Uca t'ijut'ijunacasti mä jilïrinïnwa, uca jilïripasti uca ch'amac mankhat mistuniri angelänwa. Aca angelasti hebreo arunjja Abadón satänwa, griego arunsti Apolión sataraqui, ucajj t'unjiri, sañ muni.

Jueces 4:7

Nayasti jutayäwa Sísara sat Jabín reyin ejercitopan jilïriparu Cisón sat jawir thiyaru, ucanwa jumarojj carronacapampi, soldadonacapampi nuwantätam nuwasiñataqui. Ucampis nayawa juparojj juman amparamaru catuyäma” —sasa.

Jueces 5:19

“Ucampis reyinacajja jutapjjewa Taanac sat marcaru, Meguido sat marcan umanacap jac'aru. Cananeonquir reyinacasti jutapjjänwa amtata nuwasiñataqui, ucampis jupanacajja janiwa kollksa, ni cuna casta kamirïña yänacsa apasipcänti.