Apocalipsis 11:4 - Aymar Bibliia 1986

⁴ Aca pä testigosti cuna pä olivo kokatejj utjqui, uqhamarac pä candelabro apnokatäquis Tatitun nayrakatapanjja ucawa.

Qullan Arunaca

⁴ Aca pä testigosti cuna pä olivo kokatejj utjqui, uqhamarac pä candelabro apnokatäquis Tatitun nayrakatapanjja ucawa.

Qullan Arunaka DC

⁴ Uka pani profetasti, Tatitun nayraqatapankapki uka pä olivo quqampi, pä candelerompiwa.

Apocalipsis 11:4 Jak'a apnaqawi uñst'ayäwi

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

Salmos 52:8

Nayasti Diosan utapanjja, ch'ojjñasquir olivo kokar uñtatätwa, wiñayataquiw Diosan qhuyapayasiñaparojj alcatä.

Éxodo 8:22

Uqham pascani ucqhasti, Gosén sat orakenjja janiw mä jach'a chhichhillanqhas utjcaniti, marcajjajja ucan jacatap laycu. Uqhamatwa yatïta naya Tatitojj uca orakencatajja.

Isaías 54:5

Jumaru jacañ churiri Tatituw jichhajj esposapat uñt'asjjätam uca laycu. Sutipasti take ch'amani Tatitu satawa, khespiyirimajj Israelan Kollan Diosapawa, jupasti take aca orakpachan Diosaparaquiwa.

Jeremías 11:16

Mä pachanjja naya, Tatitu, juparojj sayätwa: Suma ch'ojjña olivo ali, uqhamaraqui suma achunacani phokhantata sasa. Ucampisa jichhajj jach'a k'ejjok'ejjonac taypinwa laphinacapjja naqhantayä, alinacapsa khakhararaquï.

Miqueas 4:13

¡Jichhajj sartasim Sión marca, ucatsti jawk'suraquim! Tatitusti siwa: “Nayaw jumarojj ch'am churäma mä toro vacarjama, wajjranacamasti hierrotaraquïniwa, cayumas broncetaraqui, uqhamat walja marcanacar t'unjañamataqui. Cuna yänacaptejj lunthatasiñampi jicjjatapqui ucanacjja, jumaw k'al aparäta, ucatsti nayaruw catuyjjaraquitäta, aca orakpachana Tatituparu.”

Lucas 11:33

“Janiw qhitis mä lampar khantayasajj jamasawjaru uscquiti, ni mä cajón mankharusa, jan ucasti khana chekawjaruw uchi mantanirinacar khantañapataqui.

Lucas 21:36

Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”

Romanos 11:17

Yakhepa judionacajj layminacjama qhuchhuratächejja olivos kokatjja, ucat jumajj montenquir olivo laymjamäcasina uca suma olivor ayrcatatätawa. Uca olivosti judionacawa. Ucatpï jumajj uca saphitjja uma catoktajja, jupampiraquiw jactajja.

Deuteronomio 10:8

Ucapachaw Tatitu Diosajj Leví triburojj ajllïna, suma arust'äwiru mantat arca apañapataqui, ucatsti Tatitu Diosan nayrakatapancapjjañapataqui yupaychasa, uqhamaraqui jupan sutiparu bendiciñataqui, cunjämatï jichhürcama lurasipqui uqhama.

Apocalipsis 1:20

Cupi amparajjan pakallko warawaranac uñjctas, uqhamarac pakallko kori candelabronac uñjctas ucanacajj aqham sañwa muni: pakallko warawaranacajj uca pakallko iglesianacan angelanacapawa; pakallko candelabronacasti pakallko iglesianacaraquiwa” sasa.