1 Pedro 4:1 - Aymar Bibliia 1986

¹ Ucatpï jilatanaca, cunjämtejj Tatitojj janchipan t'akhesiwayejja, jumanacajj janc'aquïpjjañamaraquiwa t'akhesiñataquejja. Ucatwa uca janchin t'akhesirejja, juchjja apanucuwayjje,

Qullan Arunaca

¹ Ucatpï jilatanaca, cunjämtejj Tatitojj janchipan t'akhesiwayejja, jumanacajj janc'aquïpjjañamaraquiwa t'akhesiñataquejja. Ucatwa uca janchin t'akhesirejja, juchjja apanucuwayjje,

Qullan Arunaka DC

¹ Ukatpï jilatanaka, kunjämtix Cristox janchipan t'aqhisiwayixa, jumanakax jank'akïpxañamaw ukham t'aqhisiñatakixa. Janchin t'aqhisirixa, juch apanukuwayxi,

1 Pedro 4:1 Jak'a apnaqawi uñst'ayäwi

Isaías 1:16

“¡Jarikasipjjam, k'omachasipjjaraquim! ¡Uca ñankha lurañanacamsti nayrakatajjatjja jayar apapjjam! ¡Ñankha lurañanacsti apanucupjjaraquim!

Ezequiel 16:41

Utanacamsti ninampiw phichcatapjjaraquini, ucatsti jumarojj take warminac nayräjjanwa juchañchapjjaraquïtam. Jichhajj uca jucha lurañanacamjja tucusiyjjäwa, janiraquiw juc'ampi uca k'añu luratanacamatjja waynanacamarojj pagcjjätati.

Marcos 3:3

Jesusasti ampar pharsut jakerojj sänwa: —Sartam, sayt'asim aca taypiru —sasa.

Romanos 6:11

Uqhamaraquiy jumanacajj amuyasipjjam juchataquejj jiwatäjjapjjatama, ucampis Diosataquejj jacasipctawa, Cristo Tatitun mayaquëjjapjjatamata.

Romanos 6:2

Janiw cunäquipansa. Jiwasanacajj juchataquejj jiwatäjjtanwa; ¿cunjämaraqui wasitat juchampi jacascacsnasti?

Romanos 6:7

Qhititejj jiwqui ucajj juchatjja jithektatäjjewa.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

Gálatas 5:24

Qhitinacatejj Cristoncjjapjje ucanacajja, janchin munañanacapjja ch'accatjjapjjewa ñankha amtañanacampi, uqhamarac munañanacapamp chica.

Efesios 6:13

Uqhamajj catjjarupjjam kawkha armanactejj Diosajj churapctam ucanaca, uqhamat jan wali urun atipjapjjañamataqui, uqham lurasinsti juc'amp ch'amani sayt'apjjañamataqui.

Deuteronomio 27:10

Uqhamasti jumanacajj jaysapjjam, camachi arunacaparjama, leyinacaparjama sarnakasa.”

Filipenses 2:5

Cunjäm amuyunïcäntejj Cristojj uca pachpa amuyunïpjjaraquim.

Hebreos 12:3

Jumanacajj amuyapjjam Jesusana uñacht'äwipatjja, juchararanacan amparanacapanwa jupajj wal t'akhesïna. Uca laycu, janipun karjasipjjamti ni pächasipjjamsa.

Hebreos 4:10

Qhititejj Diosampi samarir mantqui ucajj samariw irnakäwipatjja, cunjämtï Diosajj irnakäwipat samarcäna uqhama.

1 Pedro 2:21

Ucataquipï Diosajj jawsapjjtamjja, Cristojj jumanac laycuw t'akhesïna, jumanacar mä uñacht'äwi churasa, uqhamat cayup arcapjjañamataqui.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.