1 Juan 4:5 - Aymar Bibliia 1986

⁵ Jupanacajj acapachanquiriwa, ucatpï jupanacajj acapach yänacapatjja parlapjjejja, acapachanquir jakenacasti jupanacarojj ist'apjjaraquiwa.

Qullan Arunaca

⁵ Jupanacajj acapachanquiriwa, ucatpï jupanacajj acapach yänacapatjja parlapjjejja, acapachanquir jakenacasti jupanacarojj ist'apjjaraquiwa.

Qullan Arunaka DC

⁵ Jupanakax akapachankirïpxiwa; ukat jupanakax akapach yänakat parlapxi, akapachankir jaqinakasti jupanakarux ist'apxiwa.

1 Juan 4:5 Jak'a apnaqawi uñst'ayäwi

Salmos 17:4

Lacajjajj janiw c'arinac arsquiti, cunjämtejj jakenacajj parlapqui uqhama; ch'ajjwañ thaquinacat jithektasta, juman arsutamarjamaw phokta.

Jeremías 29:8

Naya, Israelana Diosapa, take ch'amani Tatituw arsta, sapjjaracsmawa: Jan sallkjayasipjjamti cawquïri profetanacatejja jumanac taypina utji uqhamaraqui cawquïri yatirinacatejj jumanac taypina jacapjje ucanacan parlatanacapampejja; cuna samcanacaptejj jupanacajj parlapqui ucanacjja jan ist'apjjamti.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Miqueas 2:11

Maynitejj c'ari arunac parlaspa, ucat saraquispa: —Vinompi umañampiw utjani —sasa, uca c'ari profetataquiw aca marcajja.

Lucas 16:8

Uca kamir jakesti uca jan wali yänac apnakerirojj jach'aruw aptäna jupan sallka cancañampi cun lurañataquis ch'iqhïtapata. Acapachanquirinacajj juc'amp ch'iqhïpjjewa lurañanacapanjja purapat uñjasiñanjja, khananquirinacat sipansa.

Juan 17:14

Nayajj jupanacarojj arunacamjj churtwa, ucampis acapachajj jupanacarojj uñisiwa jupanacajj jan acapachanquirinacäpjjatap laycu, cunjämtejj nayajj jan acapachanquirïctjja uqhama.

Juan 17:16

Cunjämtï nayajj jan acapachanquirïctjja, uqhamaraquiw jupanacajj jan acapachanquirïpquiti.

Juan 3:31

“Qhititejj alajjpachat jutqui ucajja take jakenacjjanquiriwa. Qhititejj acapachat jutqui ucajja, acapachanquiriwa, acapachan yänacapataracwa parli. Ucampis qhititejj alajjpachat jutqui ucajja take jakenacjjanquiwa.

Juan 8:23

Jesusajj ucjjarojj saraquïnwa: —Jumanacajj acapachanquirïpjjtawa, ucampis nayajj alajjpachanquirïtwa, jumanacajj aca orakenquirïpjjtawa, ucampis nayajj janiw aca orakenquirïcti.

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.