1 Corintios 12:1 - Aymar Bibliia 1986

¹ Jilatanaca, munaractwa cunanactejj Kollan Ajayojj sapa maynir lurañatac churquis ucanacjjat yatipjjañama.

Qullan Arunaca

¹ Jilatanaca, munaractwa cunanactejj Kollan Ajayojj sapa maynir lurañatac churquis ucanacjjat yatipjjañama.

Qullan Arunaka DC

¹ Jilatanaka, kunanakäkitix ajayun churäwipax ukxat yatipxañam munta.

1 Corintios 12:1 Jak'a apnaqawi uñst'ayäwi

Romanos 1:13

Jilatanaca, muntwa jumanacan yatipjjañama, nayan walja cuti jumanacan ucar tumpir jutañ munatajja, ucampis janiw jichhacamas jutcti. Munaraquïyätwa jumanacan ucar jutasina Diosar iyawsatanacamatjja wali suma ajayun achunaca apthapiña, cunjämtejj yakha tokenacana apthapiwaycta uqhama.

1 Corintios 10:1

Jilatanaca, nayajj jumanacan yatipjjañama munta: Nayra awquinacasajj mä kenayan irpatänwa, takeniw Mar Rojo kota chekajj pascatapjjänjja.

1 Corintios 14:37

Maynitejj amuyaschi ch'amanïtapa Diosan arunacapa parlañatakejja, jan ucajj amuyaschi Kollan Ajayojj chuymaparu parljjayatapjja, yatiñaparaquiwa cuntejj kellkanipcsma ucajj Diosan camachipätapa.

2 Corintios 1:8

Jilatanaca, munapjjtwa yatipjjañama kawkha t'akhesïwinacatejj Asia tokenjja utjapquitänjja take ucanaca. Uca yant'anacajj wali ch'amapunïnwa, janjamaquiw ch'amas utjcjjapjjetänti: “Inas jiwjjchiñäni” sasaw sapjjäyätjja.

Efesios 4:11

Ucatsti juparaquiw sapa maynirus amuyt'añ churi, mayninacarojj apostolöña, mayninacarojj Diosat catokat arunac khanañchaña, mayninacarusti khespiyasiñ arunac parlaña, mayninacarusti pastoräña, yatichirïñaraqui.

1 Tesalonicenses 4:13

Jilatanaca, janiw munapcti cunatejj jiwatanacampi pasqui ucjja jan yatipjjañamjja, jan jumanacajj mayninacjama llaquisipjjañamataqui jan cuna suyt'añanjama.

2 Pedro 3:8

Ucampis jilatanaca, jan jumanacajj armasipjjamti, Tatitutaquejj mä urojja waranka marampi sasiwa, waranka marasti mä urumpi sasiquiraquiwa.