UJeremiya 12:1 - IsiZulu 2020

Wena, Simakade, ulungile, noma ngikumangalela. Nokho ngiyakukhuluma nawe ngokwehlulela: kungani indlela yezikhohlakali ichuma na? Kungani banethezeke abakhohlisi boqobo na?

IBHAYIBHELI ELINGCWELE

Ulungile wena Jehova, noma ngimelana nawe; ngiyakukhuluma nawe ngokwahlulela: iphumelelani indlela yababi, kungani ukuba babe nokuthula abakhohlisa nokukhohlisa, na?

Contemporary Zulu Bible 2024

Uqinisile, Jehova, lapho ngiphikisana nawe; ake ngikhulume kuwe ngezahlulelo zakho: kungani indlela yababi iphumelela? kungani bejabula bonke abenza ngokukhohlisa na?

UJeremiya 12:1 Jak'a apnaqawi uñst'ayäwi

UGenesise 18:25

Impela mazingafi ngamvunye, abalungileyo nababi. Makube kude nawe ukwenza into efana naleyo. UMehluleli womhlaba wonke angakwenza kanjani okungalungile na?”

U-Ezra 9:15

Simakade Nkulunkulu ka-Israyeli, Wena ulungile, kodwa thina usiphunyukisile, sasala sayinsali njengoba kunje namuhla. Siphambi kwakho necala lethu, nakuba kungekho namunye ongama phambi kwakho ngenxa yalokho.”

UNehemiya 9:33

Nokho bewufanele ukusehlisela zonke lezo zinto; wenze okulungileyo, thina senza okubi.

UJobe 12:6

Amathende abaphangi anokuthula, abachukuluza uNkulunkulu balondekile, labo abaletha onkulunkulu babo ngezandla zabo.

UJobe 13:3

Kepha ngizokhuluma kuSomandla, ngifisa ukuqagulisana noNkulunkulu.

UJobe 24:12

Kusukela emzini kububula abafayo, amaphimbo abalimele kakhulu ayakhala ecela usizo, kodwa uNkulunkulu akayinaki imithandazo yabo.

UJobe 24:23

Umupha ukuvikeleka, ameseke; amehlo akhe asezindleleni zabo.

UJobe 8:17

Izimpande zakhe ziyathandela enqwabeni yamatshe, zikhule phakathi kwamatshe.

AmaHubo 116:5

USimakade unomusa, ulungile, uNkulunkulu wethu unobubele.

AmaHubo 119:137

Wena Simakade ulungile; izehlulelo zakho ziqotho.

AmaHubo 119:75

Ngiyazi Simakade, ukuthi izehlulelo zakho zilungile, nokuthi ngokwethembeka wangijezisa.

AmaHubo 145:17

USimakade ulungile ezindleleni zakhe zonke, unomusa emisebenzini yakhe yonke.

AmaHubo 37:1

Ungakhathazeki ngababi, ungabi namona ngabenza okungalungile,

AmaHubo 37:35

Ngimbonile omubi oyisidlova, enabise okomsedari eLebhanoni ogxilileyo.

AmaHubo 51:4

Ngonile kuwe, kuwe wedwa, ngenza okubi emehlweni akho. Wena ulungile nxa wehlulela, futhi kucacile ukwehlulela kwakho.

AmaHubo 51:6

Wena uthanda iqiniso ngaphakathi enhliziyweni, uyongifundisa ukuhlakanipha ekujuleni kwenhliziyo.

AmaHubo 92:7

Ngisho izikhohlakali zingahluma njengotshani, nabo bonke abenza okubi baqhakaze, bayobhubha ingunaphakade.

IzAga 1:32

Ukweduka kwabangenamqondo kuyakubabulala, nokudembesela kweziwula kuyozibhubhisa.

UmShumayeli 8:14

Kunento eyize eyenziwa emhlabeni: kukhona abantu abalungile abehlelwa yizinto ezifana nezehlela ababi, nabantu ababi okwenzeka kubo izinto ezenzeka kwabalungileyo. Ngithi: “Nalokho kuyize.”

U-Isaya 41:21

“Lethani udaba lwenu,” kusho uSimakade, “nisondeze izizathu zenu,” kusho iNkosi kaJakobe.

U-Isaya 48:8

Yebo, awukaze ukuzwe, awukaze ukwazi, kwasemandulo indlebe yakho ayivulwanga, ngokuba bengazi ukuthi ukhohlakele, nokuthi kwasesibelethweni wabizwa ngomhlubuki.

UJeremiya 11:20

Simakade Wamabandla, mehluleli olungileyo, ovivinya ingqondo nenhliziyo, mangibone impindiselo yakho kubo, ngokuba indaba yami ngiyibeke kuwe.

UJeremiya 12:6

Abafowenu nabendlu kayihlo nabo bakukhohlisile, bamemeza bekhala emva kwakho; ungabethembi, noma bekhuluma okuhle kuwe.”

UJeremiya 3:20

Impela njengomfazi ekhohlisa umyeni, kanjalo ningikhohlisile nina ndlu ka-Israyeli,” kusho uSimakade.

UJeremiya 3:7

Ngangicabanga ukuthi emva kokwenza zonke lezo zinto, uzobuyela kimi, kodwa akabuyanga. Nodadewabo uJuda okhohlisayo, ukubonile lokho.

UJeremiya 32:16

“Sengimnikile uBharukhi, indodana kaNeriya, incwadi yokuthenga, ngakhuleka kuSimakade, ngathi:

UJeremiya 5:11

Indlu ka-Israyeli nendlu kaJuda zenze ubuqili obukhulu kimi,” kusho uSimakade.

UJeremiya 9:2

Sengathi ngabe nginendawo yokulala izihambi ehlane, ukuze ngibashiye abantu bami, ngisuke kubo, ngokuba bonke bayiziphingi, iqembu lamaqili.

IsiLilo 1:18

“USimakade ungijezise ngokufanele, ngokuba angililalelanga izwi lakhe. Lalelani bantu, bukani nibone ubuhlungu bami. Izintombi nezinsizwa zami zihambile, zisekuthunjiweni.

UHezekeli 18:25

“Kepha nithi: ‘Indlela yeNkosi ayilungile.’ Ake nizwe nina ndlu yakwa-Israyeli: indlela yami ayilungile yini na? Akusizo yini izindlela zenu ezingalungile na?

UDaniyeli 9:14

USimakade uyilungiselele inhlekelele, wayeseyehlisela kithi, ngokuba uSimakade uNkulunkulu wethu ulungile emisebenzini yakhe yonke ayenzayo, kodwa asililalelanga izwi lakhe.

UDaniyeli 9:7

“Kuwena Nkosi kukhona ukulunga, kepha thina sinamahloni njenganamuhla: kubantu bakwaJuda, nezakhamuzi zaseJerusalema, nakuye wonke u-Israyeli, abaseduze nabakude, kuwo onke amazwe obahlakazele kuwo ngenxa yezeqo zabo abeqe ngazo kuwe.

Hoseya 6:7

Kodwa basephulile isivumelwano njengo-Adamu; bangathembeka kimi ngalokho.

UHabakuki 1:4

Ngalokho-ke umthetho awusathi shu, nokwehlulela akusenziwa unomphelo, ngokuba omubi uhaqa olungileyo; ngenxa yalokho ubulungiswa buphuma buhlanekezelwe.

UZefaniya 3:5

USimakade ulungile kuwo, akakwenzi okungalungile. Njalo ekuseni ukhipha isehlulelo sakhe ekukhanyeni, akehluleki, kepha abangalungile abalazi ihlazo.

UMalaki 2:17

Nimkhathazile uSimakade ngamazwi enu. Bese nithi: “Simkhathaze ngani na?” Ngokukhuluma kwenu nithi: “Bonke abenza okubi bahle emehlweni kaSimakade; Yena uyathokoza ngabo,” noma nithi: “Uphi uNkulunkulu wobulungiswa na?”

UMalaki 3:15

Kodwa manje sesithi babusisiwe abaziqhenyayo, impela labo abenza okubi bayaphumelela; nalabo abalinga uNkulunkulu bayaphunyuka.’ ”

UDuteronomi 32:4

“Uyidwala, umsebenzi wakhe uphelele, zonke izindlela zakhe zingukulunga; unguNkulunkulu wokwethembeka ongenakonakala; ulungile, uqotho Yena.