UGenesise 48:12 - IsiZulu 2020

UJosefa wawasusa ethangeni likayise, wakhothamela emhlabathini wathi mbo ngobuso.

IBHAYIBHELI ELINGCWELE

UJosefa wawakhipha emathangeni akhe; wakhothama, ubuso bakhe bubheke phansi.

Contemporary Zulu Bible 2024

UJosefa wayesebakhiphela phakathi kwamadolo akhe, wakhothamela ubuso bakhe emhlabathini.

UGenesise 48:12 Jak'a apnaqawi uñst'ayäwi

UGenesise 18:2

Kwathi lapho u-Abhrahama ephakamisa amehlo, wabona amadoda amathathu emi buqamama naye. Uthe angawabona, wasuka emnyango wethende lakhe, wathathela ngejubane ewahlangabeza, wafike wakhothama wathi mbo ngobuso.

UGenesise 19:1

Izingelosi ezimbili zafinyelela eSodoma kusihlwa; uLothi wayehlezi esangweni eSodoma. Uthe angazibona, wasukuma, wazihlangabeza, wathi mbo ngobuso emhlabathini.

UGenesise 23:7

U-Abhrahama wasukuma, wayesekhothamela amaHithi, abantu balelo lizwe.

UGenesise 33:3

Yena siqu wahamba phambili, ehamba ekhothama ngobuso emhlabathini kwaze kwaba kasikhombisa, waze wafika kumnewabo.

UGenesise 42:6

UJosefa wayengumbusi ezweni, ethengisela bonke abantu bezwe, nabafowabo bafika, bamkhothamela bathi mbo ngobuso emhlabathini.

UGenesise 48:11

U-Israyeli wathi kuJosefa: “Ngangingasalindele ukuthi ngiyophinde ngibubone ubuso bakho. Manje bheka, uNkulunkulu ungivumele ukuba ngibone ngisho nabantwana bakho imbala.”

UGenesise 48:13

UJosefa wawathatha womabili, u-Efrayimi engakwesokunene eqondene nesokhohlo sika-Israyeli, uManase engakwesokhohlo eqondene nesokunene sika-Israyeli, wawasondeza kuye.

1 AmaKhosi 2:19

UBhathi Sheba waya enkosini uSolomoni ukuze akhulumele u-Adoniya. Inkosi yasukuma yamhlangabeza, yamkhothamela, yase ihlala esihlalweni sayo, yase ibekela unina wenkosi isihlalo, wahlala ngakwesokunene sayo.

2 AmaKhosi 4:37

Weza kuye, wawa ngasezinyaweni zakhe, wakhothama phansi; wayithatha indodana yakhe, waphuma.

UEksodusi 20:12

Hlonipha uyihlo nonyoko ukuze izinsuku zakho zande ezweni, uSimakade uNkulunkulu wakho akunika lona.

UEksodusi 34:8

UMose washeshe wakhothamela emhlabathini, wakhuleka.

IzAga 31:28

Abantwana bakhe bayasukuma bambusise; nendoda yakhe iyamtusa, ithi:

ULevitikusi 19:3

“ ‘Yilowo nalowo uyohlonipha uyise nonina, agcine amasabatha ami; nginguSimakade uNkulunkulu wenu.

ULevitikusi 19:32

“ ‘Uyosukuma nxa kumi impunga phambi kwakho, uyomhlonipha umuntu omdala, umesabe uNkulunkulu wakho; nginguSimakade.

Kwabase-Efesu 6:1

Bantwana, hloniphani abazali benu eNkosini, ngokuba lokho kulungile.