UEksodusi 7:16 - IsiZulu 2020

Uyakuthi kuye: ‘USimakade, uNkulunkulu wamaHebheru ungithume kuwe ukuba ngithi: “Vumela abantu bami bahambe ukuze bayongikhonza ehlane. Kepha kuze kube manje awulalelanga.

IBHAYIBHELI ELINGCWELE

Wothi kuye: ‘UJehova, uNkulunkulu wamaHeberu, ungithume kuwe, uthi: Bavumele abantu bami ukuba bahambe bangikhonze ehlane; bheka, kuze kube manje awulalelanga.

Contemporary Zulu Bible 2024

Uzakuthi kuye: INkosi, uNkulunkulu wamaHebheru, ingithumile kuwe ukuthi: Yekela abantu bami basuke ukuze bangikhonze enkangala; bhekani, anilalelanga kuze kube manje.

UEksodusi 7:16 Jak'a apnaqawi uñst'ayäwi

UEksodusi 10:3

UMose no-Aroni baya kuFaro, bathi kuye: “Usho kanje uSimakade uNkulunkulu wamaHebheru uthi: ‘Kuyoze kube nini wenqaba ukuzithoba phambi kwami na? Vumela abantu bami ukuba bahambe, ukuze bayongikhonza.

UEksodusi 13:15

Ngesikhathi uFaro elukhuni engavumi ukusidedela, uSimakade wabulala wonke amazibulo eGibhithe, kusukela kwawabantu kuya kwawezilwane. Ngakho-ke ngihlabela uSimakade konke okungamaduna okuvule isibeletho, kodwa ngiyawahlenga wonke amazibulo angamadodana ami.’

UEksodusi 14:5

Yabikelwa inkosi yaseGibhithe ukuthi abantu babalekile. UFaro nezinceku zakhe baguqula umqondo mayelana nabantu, bathi: “Yini le esiyenzileyo ukuba sikhulule abakwa-Israyeli bangabe besasisebenzela na?”

UEksodusi 3:12

Wathi: “Ngizokuba nawe. Lesi kuyakuba yisibonakaliso sokuthi ngikuthumile: uma usubakhiphile abantu eGibhithe, niyakumkhonza uNkulunkulu kule ntaba.”

UEksodusi 3:13

UMose wathi kuNkulunkulu: “Uma ngifika kubantu bakwa-Israyeli, ngithi kubo: ‘UNkulunkulu woyihlo ungithumile,’ bese bengibuza bethi: ‘Ngubani igama lakhe na?’ ngiyakuthini kubo na?”

UEksodusi 3:18

“Bayokulalela okushoyo; wena uyakuhamba namalunga akwa-Israyeli niye enkosini yaseGibhithe, nifike nithi: ‘USimakade, uNkulunkulu wamaHebheru uzibonakalisile kithi, ngakho-ke sivumele sihambe ibanga lezinsuku ezintathu, siye ehlane, ukuze sihlabele uSimakade uNkulunkulu wethu.’

UEksodusi 4:22

Uyakuthi kuFaro: ‘Usho kanje uSimakade: “U-Israyeli uyizibulo lami,

UEksodusi 4:23

ngathi kuwe: yivumele indodana yami ihambe ukuze ingikhonze, kepha wenqaba ukuyidedela ihambe, uyabona-ke, ngizoyibulala indodana yakho, izibulo lakho.” ’ ”

UEksodusi 7:4

Uma uFaro engakulaleli, Mina ngizolishaya iGibhithe ngezenzo ezinkulu zokwehlulela, ngikhiphe abantu bami, u-Israyeli, ngamaviyo abo, eGibhithe.

UEksodusi 8:1

USimakade wathi kuMose: “Hamba uye kuFaro uthi kuye: ‘USimakade uthi: vumela abantu bami bahambe ukuze bayongikhonza.

UEksodusi 8:20

USimakade wayesethi kuMose: “Vuka ekuseni kakhulu uye kuFaro ngaphambi kokuba aye emfuleni, uthi kuye: ‘USimakade uthi: vumela abantu bami bahambe ukuze bayongikhonza.

UEksodusi 9:1

USimakade wathi kuMose: “Hamba uye kuFaro, uthi kuye: ‘Usho kanje uSimakade uNkulunkulu wamaHebheru uthi: “Vumela abantu bami bahambe, ukuze bangikhonze.

UEksodusi 9:13

USimakade wayesethi kuMose: “Vuka ekuseni kakhulu uye kuFaro, uthi kuye: ‘Usho kanje uSimakade, uNkulunkulu wamaHebheru, uthi: “Vumela abantu bami bahambe bayongikhonza.

U-Isaya 45:13

Mina ngimvusile lona ngokulunga; ngiyakuhlelemba zonke izindlela zakhe; uyakuwakha umuzi wami, avumele abathunjwa bami ukuba bahambe, kungabi ngomfumbathiso nangesipho,’ kusho uSimakade Wamabandla.”

UJeremiya 50:33

Usho kanje uSimakade Wamabandla, uthi: “Abantu bakwa-Israyeli nabakwaJuda bacindezelwe kanyekanye; bonke ababathumbileyo bababamba; ababavumeli ukuba bahambe.