IsiLilo 2:16 - IsiZulu 2020

Zonke izitha zakho ziyakuhleka, ziyakubhuqa; zikugedlela amazinyo, zithi: “Siligwinyile, impela yilona lolu suku obekukade silulindele, manje silutholile, silubonile.”

IBHAYIBHELI ELINGCWELE

Zonke izitha zikukhamisela umlomo wazo, zincimfa, zigedla amazinyo, zithi: “Siwugwinyile. Impela yilo usuku esilulindele; sesilufumene, silubonile.”

Contemporary Zulu Bible 2024

Zonke izitha zakho zikuvulele imilomo yazo; bashaya ikhwelo bagedle amazinyo; bathi: Sayidla; impela lolu wusuku ebesilulindile; sayithola, sayibona.

IsiLilo 2:16 Jak'a apnaqawi uñst'ayäwi

AmaHubo 109:2

Ngokuba umlomo womubi nomlomo wenkohliso kumelene nami, kuqamba amanga ngami.

AmaHubo 112:10

Isikhohlakali siyokubona lokho, sicasuke, siququde imihlathi, sidangale; isifiso sababi siyobhuntsha.

AmaHubo 124:3

ngabe sebesigwinyile, ekuvutheni kolaka lwabo kithina.

AmaHubo 22:13

Zingikhamisele imilomo yazo njengebhubesi elibhodlayo nelidwengulayo.

AmaHubo 35:16

Njengabantelayo abangakholwa, bangigedlela amazinyo.

AmaHubo 35:21

Banginkonkozela kakhulu, bethi: “Ashila, ashila, besivele sibona!”

AmaHubo 35:25

Bangathi ezinhliziyweni zabo: “Ehhe, kuye ngesifiso sethu!” “Simgwinyile.”

AmaHubo 37:12

Omubi umsongela okubi olungileyo, amququdele amazinyo.

AmaHubo 41:8

“Sengathi angavelelwa ngokukhulu, alale angabe esavuka.”

AmaHubo 56:2

Izitha zami zingenzakalisa njalo, ngokuba baningi abalwa nami ngokuqhosha.

AmaHubo 57:3

Uzothumela esezulwini, angisindise. Uyamsola ofuna ukungifihliza. Sela UNkulunkulu uzothumela umusa wakhe neqiniso lakhe.

U-Isaya 49:19

“Izindawo zakho ezichithekileyo neziyize, nezwe lakho eliqothuliweyo kuyakuminyana ngabakhileyo kukho, nabakugwinyileyo bayakuba kude.

UJeremiya 26:6

ngiyakuyenza le ndlu ibe njengeShilo, nalo muzi ngiwenze ube yisiqalekiso, kuzo zonke izizwe zomhlaba.’ ”

UJeremiya 29:18

Ngiyakubalandela ngenkemba, ngendlala nangobhubhane, ngibenze into esabisayo emibusweni yonke yomhlaba, babe yisiqalekiso, incithakalo, into enximfelwayo, nehlazo ezizweni zonke engibaxoshele kuzo,

UJeremiya 50:17

“U-Israyeli ungumhlambi ohlakazekile; izingonyama zimxoshile. Eyokuqala emudlile, yinkosi yase-Asiriya, eyokugcina eqhoboze amathambo akhe, yinkosi yaseBhabhele.”

UJeremiya 50:7

Bonke ababafumanayo babashwabadela; abamelene nabo bathi: ‘Asinacala, ngokuba yibo abonile kuSimakade; ikhaya labo lokulunga, uSimakade, ithemba lokhokho babo.’

UJeremiya 51:34

UNebukhadinezari, inkosi yaseBhabhele ungidlile wangiqeda; ungenze isitsha esingenalutho, wangigwinya njengodrago; ugcwalisile isisu sakhe ngokumnandi kwami, wangiphalaza.

IsiLilo 1:21

“Bangizwile ngibubula, kepha akekho ongiduduzile. Zonke izitha zami zizwile ngosizi lwami, zajabula ukuthi nguwe ongenze nje. Lwenze lufike lolo suku owamemezela ngalo, zenze nazo zifane nami.

IsiLilo 3:46

“Zonke izitha zethu ziyasiklolodela.

UHezekeli 23:32

“Isho kanje iNkosi uSimakade, ithi: “ ‘Uyakuphuza endebeni kadadewenu ejulileyo, futhi ebanzi, iyakwenza ukuba uhlekwe usulu, futhi wedelelwe, iqukethe okuningi.

UHezekeli 25:15

“Isho kanje iNkosi uSimakade, ithi: ‘Ngenxa yokuba amaFilisti aziphindiselele, ephindisela nokuphindisela ngobubi obusenhliziyweni yawo, ukuba abhubhise ngenzondo engapheliyo,

UHezekeli 25:3

uthi kubo: ‘Zwanini izwi leNkosi uSimakade. Isho kanje iNkosi uSimakade, ithi: “Ngokuba wathi ashila kuyo indlu yami engcwele lapho ingcoliswa, nakulo izwe lakwa-Israyeli ngesikhathi lenziwa incithakalo, nakuyo indlu yakwaJuda lapho beya ekuthunjweni,

UHezekeli 25:6

Ngokuba isho kanje iNkosi uSimakade, ithi: njengoba ushaye ihlombe, wagidagida ngezinyawo, wathokoza ngabo bonke ububi obusenhliziyweni yakho, umelene nezwe lakwa-Israyeli,

UHezekeli 36:3

“Ngakho-ke phrofetha, uthi: ‘Isho kanje iNkosi uSimakade, ithi: “Ngokuba impela banenza naba yincithakalo, banilimaza nxazonke ukuba nibe yifa lezizwe eziseleyo,

UHezekeli 5:15

Kuyakuba yihlazo, isaga, isexwayiso, nokwesabekayo ezizweni zonke ezikuzungezileyo, lapho ngikwehlulela ngentukuthelo, ngolaka nangokukuthethisa. Mina Simakade ngikhulumile.

Hoseya 8:8

U-Israyeli uyagwinywa, manje sebephakathi kwabezizwe njengesitsha okungekho ntokozo kuso.

UMikha 4:11

Manje izizwe eziningi zihlangene ngawe, zithi: “Malingcoliswe, amehlo ethu mawaligqolozele iZiyoni.”

IzEnzo 7:54

Bekuzwa lokho, bahlabeka ezinhliziyweni, bamgedlela amazinyo.