AmaHubo 28:7 - IsiZulu 2020

USimakade ungamandla ami, nesihlangu sami, inhliziyo yami yethembele kuye, yingakho ngisizakele, inhliziyo yami iyethaba. Ngizomdumisa ngehubo lami.

IBHAYIBHELI ELINGCWELE

UJehova ungamandla ami nesihlangu sami; inhliziyo yami ithembe kuye, ngasizwa; ngakho-ke inhliziyo yami iyethaba; ngizakumdumisa ngesihlabelelo sami.

Contemporary Zulu Bible 2024

UJehova ungamandla ami nesihlangu sami; inhliziyo yami yathembela kuye, futhi ngasizwa; ngalokho inhliziyo yami ithokoza kakhulu; ngizamdumisa ngengoma yami.

AmaHubo 28:7 Jak'a apnaqawi uñst'ayäwi

UGenesise 15:1

Emveni kwalezo zinto izwi likaSimakade lafika ku-Abhrama ngombono, lathi kuye: “Ungesabi Abhrama, ngiyisihlangu sakho, umvuzo wakho uyakuba mkhulu kakhulu.”

AmaHubo 13:5

Kepha mina ngethembele emseni wakho, inhliziyo yami mayethabe ngensindiso yakho.

AmaHubo 13:6

Ngizohlabelela kuSimakade ngokuba ungenzele okuhle.

AmaHubo 19:14

Amazwi omlomo wami, nezizindlo zenhliziyo yami, makwemukeleke kuwe Simakade; dwala lami nomhlengi wami.

AmaHubo 21:1

Simakade, inkosi iyethaba ngamandla akho; ithokoza kakhulu ngokuyihlenga kwakho.

AmaHubo 22:4

Okhokho bethu bethembela kuwe; bakwethemba, Wena wabakhulula.

AmaHubo 28:8

USimakade ungamandla abantu bakhe. Uyinqaba eyinsindiso yogcotshiweyo wakhe.

AmaHubo 3:3

Kepha Wena Simakade uyisihlangu kimi, uludumo lwami nophakamisa ikhanda lami.

AmaHubo 3:4

Ngakhala kuSimakade ngezwi lami; wangiphendula esentabeni yakhe engcwele. Sela

AmaHubo 33:21

Inhliziyo yethu ithokozile ngaye, ngoba sethemba igama lakhe elingcwele.

AmaHubo 37:39

Insindiso yabalungileyo ivela kuSimakade, uyinqaba yabo ngesikhathi senhlupheko.

AmaHubo 40:3

Wabeka iculo elisha emlonyeni wami, ihubo lokudumisa uNkulunkulu wami, abaningi bayokubona lokho, besabe, bese bethembela kuSimakade.

AmaHubo 43:2

Ngokuba Wena Nkulunkulu uyisiphephelo sami, ungilahleleni na? Kungani ngihamba ngilila ngenxa yokucindezelwa yisitha na?

AmaHubo 46:1

UNkulunkulu uyisiphephelo sethu namandla ethu, ufunyaniswa elusizo impela ekuhluphekeni.

AmaHubo 46:2

Ngakho-ke angiyukwesaba nakuba umhlaba uguquka, nezintaba zidilikela ekujuleni kolwandle,

AmaHubo 69:30

Ngizolibonga igama likaNkulunkulu ngehubo, ngimbabaze ngokubonga.

AmaHubo 84:11

Ngokuba uSimakade uNkulunkulu, uyilanga nesihlangu, uSimakade uyakupha umusa nodumo, akayukubenqabela okuhle abahamba ngobuqotho.

AmaHubo 91:4

uyokusibekela ngezimpaphe zakhe, uphephele phansi kwamaphiko akhe, ukwethembeka kwakhe kuyisihlangu nogange.

U-Isaya 12:2

UNkulunkulu uyinsindiso yami; ngiyakumethemba, angiyukwesaba, ngokuba uSimakade, Yena ungamandla ami nezikhwepha zami; uyinsindiso yami.”

U-Isaya 45:24

Kuyothiwa ngami: ‘KukuSimakade kuphela ukulunga namandla.’ ” Bonke ababemthukuthelele bayakufika kuye, bajabhe.

U-Isaya 61:10

Ngiyothokoza kakhulu ngoSimakade, umphefumulo wami wename ngoNkulunkulu wami, ngokuba ungembathise izingubo zensindiso, wangisibekela ngesembatho sokulunga, okomyeni ethwele umshuqulu njengomphristi, nanjengomakoti ezihlobise ngemvunulo.

Kwabase-Efesu 6:10

Elokugcina, qinani eNkosini nasemandleni ayo amakhulu.

IsAmbulo 15:3

Bahlabelela igama likaMose, inceku kaNkulunkulu negama leWundlu, bathi: “Mikhulu, iyamangalisa imisebenzi yakho, Nkosi Nkulunkulu, Somandla; zilungile, ziqinisile izindlela zakho, wena Nkosi yezizwe.

IsAmbulo 5:9

Ahlabelela iculo elisha, elithi: “Ufanele Wena ukuyithabatha incwadi, nokuqaqa izimpawu zayo, ngokuba wahlatshwa, wabathengela uNkulunkulu ngegazi lakho abavela kuyo yonke imindeni, izilimi, abantu, nezizwe.