AmaHubo 140:7 - IsiZulu 2020

Simakade, Nkosi yami, mandla ensindiso yami, uvikela ikhanda lami ngosuku lwempi.

IBHAYIBHELI ELINGCWELE

Jehova Nkosi yami, mandla ensindiso yami, uvikela ikhanda lami ngosuku lokulwa.

Contemporary Zulu Bible 2024

Jehova, mandla ensindiso yami, wasibekela ikhanda lami ngosuku lwempi.

AmaHubo 140:7 Jak'a apnaqawi uñst'ayäwi

2 Samuweli 8:14

Wamisa amabutho akhe kulo lonke elakwa-Edomi; bonke abakwa-Edomi baba yizinceku zikaDavide. USimakade wamhlenga uDavide noma kuphi lapho ayeya khona.

2 Samuweli 8:6

UDavide wamisa amabutho akhe e-Aramu eDamaseku. Ama-Aramu aphenduka izinceku zikaDavide, athela kuye intela. USimakade wamhlenga uDavide noma kuphi lapho ayeya khona.

AmaHubo 144:10

Nguye opha amakhosi insindiso, osindisa inceku yakhe, uDavide, enkembeni yababi.

AmaHubo 18:35

Wena unginike isihlangu sensindiso yakho, isandla sakho sokunene singiphasile, ubukhona bakho bungenze ngaba mkhulu.

AmaHubo 27:1

USimakade ungukukhanya kwami nensindiso yami. Ngubani engingamesaba na? USimakade uyinqaba yokuphila kwami. Ngubani engingaba novalo ngaye na?

AmaHubo 31:15

Izikhathi zami zisesandleni sakho, ngikhulule esandleni sezitha zami nakulabo abangizingelayo.

AmaHubo 59:17

Mandla ami, ngizohubela Wena; ngokuba uNkulunkulu, uyinqaba yami, unguNkulunkulu wami onomusa.

AmaHubo 62:2

NguYena kuphela oyidwala lami nensindiso yami; inqaba yami, angisoze nganyakaziswa.

AmaHubo 62:7

Ukuhlengwa kwami nodumo lwami kukuNkulunkulu, idwala lami eliqinileyo, isiphephelo sami sikuNkulunkulu.

AmaHubo 89:26

Uyakungibiza, athi: “UnguBaba, unguNkulunkulu wami nedwala lensindiso yami.”

AmaHubo 95:1

Wozani simhubele uSimakade, silihlokomele ngenjabulo idwala lensindiso yethu.

U-Isaya 12:2

UNkulunkulu uyinsindiso yami; ngiyakumethemba, angiyukwesaba, ngokuba uSimakade, Yena ungamandla ami nezikhwepha zami; uyinsindiso yami.”