1 Samuweli 30:7 - IsiZulu 2020 UDavide wathi ku-Abhiyathara, umphristi, indodana ka-Ahimeleki: “Ake ulethe kimi ingubo yamahlombe.” U-Abhiyathara wayiletha ingubo yamahlombe kuDavide. IBHAYIBHELI ELINGCWELE UDavide wathi ku-Abiyathara umpristi, indodana ka-Ahimeleki: “Ake ulethe kimi ingubo yamahlombe.” U-Abiyathara wayiletha ingubo yamahlombe kuDavide. Contemporary Zulu Bible 2024 UDavide wayesethi ku-Abiyathara, umpristi, indodana ka-Ahimeleki, ngilethe lapha ingubo yamahlombe. U-Abiyathara wayeselethela uDavide khona ingubo yamahlombe. |
Inkosi yathi ku-Abhiyathara, umphristi: “Hamba uye e-Anathothi emasimini akho, ngokuba ufanelwe wukufa, kodwa angizukukubulala namuhla, ngokuba wawuthwala umphongolo weNkosi uSimakade phambi kukaDavide, ubaba. Nawe wahlushwa yizona zonke izinhlupheko ezehlela ubaba.”
“Bayokwenza ingubo yamahlombe ngokuyigolide, ngokuluhlaza okwesibhakabhaka, ngokubukhwebezane, ngokubomvu, nangelineni lemicu ephothiweyo elicolekileyo, kube ngumsebenzi wobungcweti obukhulu.
Akangenanga yini endlini kaNkulunkulu ngesikhathi sika-Abhiyathara, umphristi omkhulu, wadla izinkwa zobukhona bukaNkulunkulu ezingavunyelwe ukudliwa muntu, ngaphandle kwabaphristi kuphela, wayesenika nababenaye na?”
Babuye babuza kuSimakade ukuthi: “Usazofika yini lowo muntu na?” USimakade waphendula wathi: “Bheka, ukhona, ucashe empahleni.”
USawule wathi ku-Ahiya: “Letha umphongolo kaNkulunkulu.” Ngokuba umphongolo kaNkulunkulu ngaleso sikhathi wawukwabakwa-Israyeli.
Kwathi uSawule esakhuluma kumphristi, umsindo owawusenkanjini yamaFilisti waqhubeka, wanda kakhulu. USawule wathi kumphristi: “Susa isandla sakho.”