Rut 1:1 - Qullan Arunaka DC

Israel markax jilïr jaqinakan apnaqatäkäna ukapachaxa, taqi uksa tuqinakan mach'aw utjäna, uka maranakan janiw manq'añax utjkänti. Ukhamïpansti, Judá markankir Belén markata, Elimélec chachax Moab jach'a markaruw warmipampi, pä wawapamp jakir sarxäna. Warmipax Noemí sutinïnwa, maynïr wawapax Mahlón sutini, maynïristi Quelión sataraki. Jupanakax Belén jisk'a markankirïpxänwa, Moab markar purisasti ukan jakxapxarakïna.

Aymar Bibliia 1986

Cunapachatejj Israel marcajj juezanacan apnakatäcäna uca maranacanjja, mach'aw utjäna uca chekanjja. Ucatwa Judänquiri Belén marcata Elimelec chachajj Moab sat orakeru jaquir sarjjäna. Jupamp chicajj sarapjjänwa: Noemí sat warmipa, uqhamarac pä wawanacapa, Mahlón, Quelión sutininaca. Take jupanacasti efrateo Belén marcat jutirïpjjänwa, uqhamaw puripjjäna Moab orakeru ucan jacañataqui.

Qullan Arunaca

Cunapachatejj Israel marcajj juezanacan apnakatäcäna uca maranacanjja, mach'aw utjäna uca chekanjja. Ucatwa Judänquiri Belén marcata Elimelec chachajj Moab sat orakeru jaquir sarjjäna. Jupamp chicajj sarapjjänwa: Noemí sat warmipa, uqhamarac pä wawanacapa, Mahlón, Quelión sutininaca. Take jupanacasti efrateo Belén marcat jutirïpjjänwa, uqhamaw puripjjäna Moab orakeru ucan jacañataqui.

Rut 1:1 Jak'a apnaqawi uñst'ayäwi

Génesis 12:10

Uka urunakansti Canaán taqi uksa tuqinakan mä jach'a mach'aw utjäna, Abram chachasti uka chiqan jan kuna manq'añas utjatapatxa, Egipto markaruw mä qawqha pachatak jakir sarxäna.

Génesis 26:1

Uka urunakansti mä jach'a mach'aw uksa uraqinakan utjäna, kunjämatix Abrahaman urunakapan utjkäna ukhama. Ukat Isaac chachax Guerar markar sarxäna. Kawkhantix filisteonakan Abimélec reyipax jakkäna uksaru.

Génesis 43:1

Mach'ax juk'ampiw Canaán markpachan utjäna.

2 Samuel 21:1

Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.

1 Reyes 18:2

Eliasasti Ahab reyin ukaruw saräna. Samaria markan manq'atjam t'aqhisiñax sintipunïnwa.

1 Crónicas 2:51

Salmá, jupasti Belén chachan awkipänwa; Haref, jupax Bet-gader chachan awkipänwa.

1 Crónicas 2:54

Salmá chachan wawanakapa: Belén, netofatitanaka, Atrot-bet-joab, manahetitanakat chikat jaqinaka, soreitanaka,

Salmos 105:16

Khä uraqirux mach'a apayanïna, manq'añanak jupanakat apaqäna.

Salmos 107:34

purum uraqinak qullpa uraqir tukuyi, jaqinakapan ñanqha lurirïpxatap layku;

Jeremías 14:1

Mä jach'a waña maranak utjatapatsti, Tatitux Jeremiasaruw parläna, akham sasa:

Ezequiel 14:13

“Mä markatix nayatak sayt'asis jucha lurani, janirak taqi chuymampi arkkitani ukaxa, uka markarux mutuyäwa, manq'añ imasitanakapsti q'al apaqarakï. Uka markxarusti mach'a apayanirakï, jaqinakasa, uywanakasa manq'atjamaw jiwarapxani.

Ezequiel 14:21

“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.

Levítico 26:19

Jumanakarux q'al jisk'achjapxäma, jallsa janirakiw jumanakxarux apayankxäti, alaxpachax hierror uñtataw tukuni, aka uraqisti cobrer uñtataw tukurakini.

Amós 4:6

“Nayaw jumanakar taqi markanakaman manq'at awtjayapxsma; nayaw taqi chiqanakan jaqinakatak manq'añ pist'ayta, ¡ukampis jumanakax janiw nayan ukarux kuttanipktati!” Tatitux ukham siwa.

Miqueas 5:2

2 (1) Jumasti, Belén Efrata, Judá uraqinkir markanakatxa jisk'akïtawa, jumat Israel markar mayni apnaqirix mistuni, ukasti nayra wila masinak taypit saraqiriwa.”

Deuteronomio 28:38

Yapunakamarux walja jathampiw yapuchaskäta, ukampis juk'a achunakak apthapïta, t'iju t'ijunakaw uka achunak manq'suni.

Jueces 12:8

Jefté chacha qhipatsti, Israel marka apnaqirix Ibsán chachänwa, jupasti Belén markankirïnwa,

Jueces 17:7

Uka urunakansti, Judá uraqinkir Belén markan mä jayankir waynaw utjäna, jupasti Leví ayllunkirïnwa.

Jueces 17:8

Uka waynasti Belén markat mistusin yaqha chiqar jakiriw sarxäna, Efraín qullunakanjam sarkasasti Micaías chachan utaparuw purïna.