Proverbios 5:3 - Qullan Arunaka DC

Jan wali warmin arunakapax misk'ir uñtatawa, arsutapasti aceitet sipan suma quñawa.

Aymar Bibliia 1986

Jan wali warmin arunacapasti misc'jamawa, arsutanacapasa suma koña aceitjamaraquiwa.

Qullan Arunaca

Jan wali warmin arunacapasti misc'jamawa, arsutanacapasa suma koña aceitjamaraquiwa.

Proverbios 5:3 Jak'a apnaqawi uñst'ayäwi

Salmos 55:21

21 (22) Arunakapax lik'it sipan juk'ampi quñawa, amuyunakapasti nuwasiñ amuyunakawa. Arsutanakapax aceitet sipan juk'ampi llamp'uwa, ukampis ari espadanakar uñtatawa.

Proverbios 2:16

Yatiñ kankañaw jan wali warmit qhispiyätam, quña arunakampi iyawsayir jan uñt'at warmit jithiqtayätam.

Proverbios 22:14

Jan wali sarnaqir warmin lakapax wali manqha phuch'ur uñtatawa; Tatitur q'apisiyir jaqinakasti ukaruw jalanti.

Proverbios 5:20

Munat wawaxay, ¿kunatarak chachan warmimp sarnaqaskätasti? ¿Kunatakirak jan uñt'at warmiru qhumaskätasti?

Proverbios 6:24

Jan wali sarnaqir ñanqha warmitsa imätamwa, suma quña arunakapatsa imarakïtamwa.

Proverbios 7:21

Uka warmisti waynarux suma muxsa arunakampiw iyawsayi,

Proverbios 7:5

Uka yatiñ kankañampi, ch'ikhi kankañampiw jan wali warmit qhispiyätam, iyawsayir muxsa arunakapatsa jark'aqarakïtam.

Eclesiastés 7:26

Jiwañat sipansa kunatix juk'amp jan walïki uk jikxatta: warmix chuymampi sallqxasax amparapampiw qhumanti. Diosar munirix ukham warmit jaltxaniwa, ukampis jucharar jaqix sipitanakaparuw jalt'ani.

Cantar de los cantares 4:11

Munasitaxay, laka ispillumat misk'iw ch'umasinki. ¡Laxram manqhansti misk'impi, lechempiw utji! ¡Isinakaman q'aphipax Líbano qullun suma q'aphipjamawa!