Números 9:6 - Qullan Arunaka DC

Ukampisa, mä qawqha jan q'umachat jaqinakaw utjäna, jupanakan jiwat jaqir llamkt'apxatap layku; ukat ukürux Pascua jan uruyapkänti. Jupanakasti Moisesampiru, Aaronampir parliriw sarapxäna,

Aymar Bibliia 1986

Ucampisa mä kawkha jan k'omachat jakenacaw utjäna, jupanacan jiwat jaquir llamct'atanacap laycu; jupanacasti janiw uca urunjja Pascua fiestancapjjañapäcänti. Jupanacasti uca urpachaw Moisesan uqhamarac Aaronan ucaru sarapjjäna.

Qullan Arunaca

Ucampisa mä kawkha jan k'omachat jakenacaw utjäna, jupanacan jiwat jaquir llamct'atanacap laycu; jupanacasti janiw uca urunjja Pascua fiestancapjjañapäcänti. Jupanacasti uca urpachaw Moisesan uqhamarac Aaronan ucaru sarapjjäna.

Números 9:6 Jak'a apnaqawi uñst'ayäwi

Éxodo 18:15

Moisesasti awkch'iparux akham sarakïna: —Jaqinakax Diosar jiskt'ayasiriw nayan ukar jutapxi.

Éxodo 18:19

Iwxt'käma uk sum ist'ita, Diosay jumar yanappan. Jumaw Diosarux marka lanti makhatañama, kuna jan walt'añanakatix utjki ukanak jupar katuyañamaraki.

Éxodo 18:26

Jupanakaw markachirinakan jan walt'äwinakap taqi pachan uñjapxäna, ukampis sinti jan walinaksti Moisesaruw yatiyapxäna.

Levítico 21:11

kawkhantix mä amayax kallnuqatäski ukarux janiw mantañapäkiti, uka amayax awkipana jan ukax taykapan amayapäskpasa; janipuniw ukanakampix q'añuchasiñapäkiti.

Números 15:33

Ukat uka jaqir Moisesampina, Aaronampin nayraqatapar irpapxäna, taqpach markachirinak nayräxaru.

Números 19:11

“Maynitix jiwat jaqin amayap llamkt'anixa, paqallqu uruw q'añut uñt'asini.

Números 19:14

“Kamachix akawa: Maynitix carpan jiwanixa, ukan jikxatasirinakampi, ukar mantirinakampix, paqallqu uruw q'añut uñt'atäni.

Números 19:16

“Maynitix mä pampan espadampi jiwayat jaqin amayap llamkt'ani, jan ukax, jiwañap jiwir jaqin amayapsa, jaqi ch'akhanaksa, amay imäwsa llamkt'ani, uka jaqix paqallqu uruw q'añut uñt'atäni.

Números 19:18

Ukatsti mayni q'umat uñt'at jaqiw hisopo laymi aptasin umar juricht'ani, ukampiw carpar ch'allakipani, ukatsti phukhunakaru, uka manqhan jikxatasipkän uka jaqinakaru, uka kipkarak khititix jaqi ch'akhanaksa, pampan jiwayat jaqin amayapsa llamkt'katayna, jan ukax, jiwañap jiwir jaqin amayapsa, amay imäwi llamkt'katayna ukanakar ch'allakiparakini.

Números 27:2

Mä urusti, uka phisqa kullakanakax qullan utjäwi mantañaruw sarapxäna, Moisesampi, Eleazar sacerdotempi, markan jilïrinakapampi, taqpach israelitanakamp parlañataki. Ukat jupanakar sapxäna:

Números 27:5

Moisesasti uka warminakan mayitanakap Tatituruw yatiyäna,

Números 5:2

“Israelitanakar parlam, jupanak taypit lepra usun jaqinakar jaqunukupxpan, wila apa usuninakaru, jan ukax, amayar llamkt'apxatap layku q'añuchat uñjaski ukanakaru.

Números 9:7

Moisesarusti akham sapxäna: —Nanakax mä jiwat jaqin amayap llamkt'apxta, uka laykuw q'añuchat uñjasipxta. Ukhamasti, ¿janit nanakasti mayni israelitanakamp chika amtatäki uka urun Tatitur waxt'a luqtapkiriststi? —sasa.

Juan 18:28

Ukatsti Jesusarux Caifasan utapat marka apnaqirin utaparuw irpapxäna. Ukapachax niyaw willjtanxäna, judionakasti janiw uka utar mantapkänti saraparjam jan q'añuchasiñataki, mantapxasapän ukax janiw Pascua manq'a manq'apkasapänti.